HLAHEI 30:11 - LEKHARABU INTHENG (BSI)

¹¹ Nang in kamalung dongna kha inpâk a lâmnating namahe pek eng. Kei inrengna kha nalosōt khana inpâkna khan namankebit eng.

HLAHEI 30:11 ပူးပေါင်းရင်းမြစ်များ

A’NPHUTNA 37:35

Asapahei leh asanu rakip lungmōng kathlâk sik a kahong hei, tâk ama’n lungmōng thlâkna kha leihnōm mak a, “Kei chu kasapa ṭajai sui pum a kathiram akase sik eng kae,” ati. Khang’khan asapa jâi adeṭhak a leika-om.

A’NPHUTNA 45:28

Ama’n, “Kasapa Joseph tûn kapha alakahring nu! Kei tader sik kha hivahin katluk hrep jo! Kei kase nger sik eng, kathi mak hma kava inhmupui sik,” ati.

SAMUEL INHNINA 6:14

David kha, hruipōn innem akhōna asuia, ratha kahroktak a Rōngpu kajana kalâm jo.

THUHMINGHEI INHNINA 20:12

Nang keini Pathen che kae. Karâkna pek hei roh, keini kabuhlu remi katamtak hei hmaikunga keini heite tlotor mak jo ung. Keini heimo tlo sik manhret mak ung, kha’num inthōpuina madu jâra nang langting kanhei en che.”

THUHMINGHEI INHNINA 20:3

Jehoshaphat kha ṭit-inpirna aneia Rōngpu hneng inthōpuina sik ader. Khava sōa ram pumpuia buhngōina sik a ṭong masōna anei.

THUHMINGHEI INHNINA 20:9

anmani karâkna sik anchunga insuk inhmangna ajōngtlâk pha–re, hrise, vonṭâm hei asōk pha, anmani khava nang kamukna Bek-inn hma khan kahong sik heia kha vakangir sik hei ti hi anmanhret a kae. An-inrengna heia nahnenga ander theina sik, khana nang in nathei pek heia khana nahukna heia kae.

NEHEMIAH 8:10

Tûn nan-inna se una sâklôm tlo ruh. Sâk katluk a akaneimak mihei kha sempek hei ruh. Tuning hi ni-Rōngpu sik a a’ntheng kae, khava jâra nanmalung manchâm mak ruh. Rōngpu tapek chei ningṭhatna khan nangni amanhrat sik chei.”

ESTHER 9:22

Hiva kanihei hi Jehudi he’n an-inrepui heia inphut anbinga an-inhûkna kha kae; hiva thla hi lung dongna leh khōdeng theina kha inpâkna leh ningṭhatna ahong changna pha kha kae. Hiva kanihei hi revei leh sâk leh in tlona hmangna sik a amanthei hei, khat leh khat khana sarahei hnenga sâk thei kutchoi inpekna sik a mihei kha amanthei hei.

HLAHEI 149:3

Lâm pum a arahming kha choi ka-ân ruh; Ama choi ka-ânna khan khōngpui leh serângdâr manhring hei ruh.

HLAHEI 150:4

Khōngpui leh lâm pum a ama kha choi ka-ân ruh. Ṭingṭang leh bunglir manhring pum a choi ka-ân ruh.

HLAHEI 27:7

Rōngpu, kabek pha che leh athei pek roh! Alungset ina amasôn roh!

HLAHEI 30:5

Ama hnuknat chu pha bongkhat rōk kae, khana aṭhatna khachu hringkhō katlung bit sik a kae. Jân pha leh hmit-rathli sōkthei um aja, tâk jîngkâr pha leh ningṭhatna kha kahong.

HLAHEI 4:7

Tâk-kha napek eng inpâkna khan vomhrui ju leh thlai katamtak kaneihei inpâkna kha akhechet.

MI INTHEIPA 3:4

Inrengna leh inpâkna pha kha ama’n atep a ka-om, ṭajaisui pha leh lâm pha ka-om,

ISAIAH 25:3

Ratha kahrattak jât-hei khan nang anmanpâk sik che; Mi kakhôk êngkase jât he’n khōpuia nang anṭit sik che.

ISAIAH 25:8

Chunghnung Rōngpu’n thina kha ahei tik a sik a asuk manhmang sik jo! Mi rakip hmit-rathli ahni manhi pek sik hei, khana raleichung pumpuia amihei inzakna kha alosōt pek sik jo hei. Rōngpu ama khet in ahri jo kae!

ISAIAH 61:10

Rōngpu’n atlo pekna hei jâra khan Jerusalem kha inpâk jo. Amanu kha luhông sik a a’nret hmōinu kapō kae. Pathen in amanu kha huksōtna leh retorna ret a amanret jo.

ISAIAH 61:3

Ziona ṭajai kasui hei hneng Inrengna kahlanga inpâkna leh ningṭhatna kapek sik, Inrengna kahlanga manpâkna hlasakna sik a ajōngtir eng. Anmani Rōngpu ama khet in aling mankhang Thingkung kapō kachang sik hei. Anmani ankhenga akadik kha antlo sik jo, Khana Pathen kha atlona hei seng jâra manpâk a ka-om sik jo.

JEREMIAH 31:4

Ave nôk a kasyemther sik chei kae. Avea khōng nansuk a inpâktak a lakalâm nôk sik chei.

JEREMIAH 52:33

Hing’hin Jehoiachin in kurkhum a pōn leh der athlengsōtna sik khana ahringkhō katlung bit a rengpa dokhânga bu asâkna sik a hnōm pekna ka-om joa kae.

LUKE 15:22

Tâk-kha apa khan asōk-hei abek heia ‘Inrangtak a pōn kaṭhapen heilo una mansi ruh. Akut a kutkhi, akea kekōk mannei ruh.

JOHN 16:20

Akadik kha kahri pek chei kae: nangni ka-ônga kaṭap sik chei; tâk vânhnōi chu a’npâk sik hei kae; nangni chu inrim sik chei, tâk nan-inrimna kha inpâkna ahong kachang sik kae.

ṬONGPHÔNG 21:4

Ama’n anhmit rathli rakip ahni manhi pek sik hei. Thina om nôk mak jo ning, khan chu malung inrimna, natna leh ṭana om nôk mak jo ning. Neinâk marō rakip inhmu mak jo.”