HLAHEI 3:3 - LEKHARABU INTHENG (BSI)

³ Tâk-kha O Rōngpu, nang chu, inreng pha ahei tik a kapho che kha kae; nang in torna napek eng, khana lungngamna namannei nôk eng.

HLAHEI 3:3 ပူးပေါင်းရင်းမြစ်များ

A’NPHUTNA 15:1

Khava sōa Abram in hmangtalâr inkhat aneia Rōngpu’n hinga ahri kha athei, “Ṭitmak roh, Abram, ke’n nang thina sik a inphut napho kachang sik eng, khana inpâkman kalentak kapek sik che.”

A’NPHUTNA 40:13

Nang ni 3 shunga rengpa’n amasō sik che, naṭōn hmun a amale nôk sik che. Rengpa ju katinta nalei chang laia kapōa akōklei vâng ju nalapek sik kae.

RENGHEI INHNINA 18:30

Rōngpu hnenga inngamna neina sik a jôrmak chei rasoh. Rōngpu’n nangni ahuk sik chei tia khana Assyria remi he’n nankhōpui hlōna chunga ating sik hei ti hi mandon mak ruh.

RENGHEI INHNINA 18:32

Rengkalen khan nanram kapōzek ram inkhat a khō amanchōn mak lai seng chei, vomhrui ju anikapek sik vomhrui rahōn leh buhlom syemna sik hmuchi a-om mak lai seng; khavakha olive kekna, olive thai leh khōihning tamna ram kae. Aṭongpek chei kha nanjui inchu thimak tin, tâk-kha kahring sik chei. Rōngpu’n ahuk sik chei tia Hezekiah’n akamoa syem mak chei rasoh.

RENGHEI INHNINA 25:27

Evilmerodach in Babylon reng ajōng chang shunga, Judah rengpa Jehoiachin kha lungset arôna khuma inphut aleimasō jo. Hiva omchen hi Jehoiachin khuma a-om kum 37 tlukna, thla 12 tlukna, ni 27 ning khan aleikasōk kae.

HLAHEI 110:7

Rengpa’n hlampanga kavadung tui kha a-in sik khan hratna apek chet a, akator kachang ṭhak sik.

HLAHEI 119:114

Nang ani kahrungpa leh ani’nkurpa che kae; naṭongtep a khan kei inhōr eng.

HLAHEI 18:2

Rōngpu kha ka’nhrungna kae, ama kha karekur kahnettak kae. Ka-Pathen kha kei inhrungna kae, khana ama hnenga chu inhukna kanei. Ama’n pho inkhat kapōa ahrung eng; ama’n atingpek eng khana ahuk eng.

HLAHEI 27:6

Khava jâra ke’n kakimvea ka-om ka’nrepuihei kha kator sik hei. Abek-inn shunga inpâk a ông pum a inthoina kanei sik; Ke’n hla kasak sik a kha, Rōngpu kha kachoi ka-ân sik!

HLAHEI 28:7

Rōngpu’n, kei asan enga ahrung eng; ke’n ama kataksen. Ama’n inthōpuina apek eng, khana amanhōi eng. Hla kahōihei sakpuma kachoi ka-ân.

HLAHEI 4:3

Mandon sōt ruh, Rōngpu’n akadik-hei kha atakhet sik a akadeisōt jo hei, khana ke’n ama kabek pha athei pek eng.

HLAHEI 62:7

Kei inhuksōtna leh kajana hi Pathen hnenga ka-om; ama kha akahrat ani kahrungpa kae. ama hi ka’n-ungna pa kae.

HLAHEI 84:11

Rōngpu hi eini kahuk leh reng kalûr kha kae, lungset leh manlûrna pum a vâng apek me. Akadik katlohei sik a akaṭha neinâk pek sik kha heite maner mak.

ISAIAH 45:25

Rōngpu ke’n Jacob sōn leh pârhei seng kahuk sik hei, khana anmani’n kei anchoi ka-ân sik enga kae.

ISAIAH 60:19

“Sûna kani kha nang sik a vâr chang nôk mak jo ning Achangmak leh jân a thla kha nang sik a vâr chang nôk mak jo ning; Rōngpu kei hi nang sik a kumleikōa vâr kha kachang sik jo eng; Kei lûrna vâr khan nachunga asêr manvâr sik jo.

LUKE 2:32

Jât-hlop hei hnenga nahlam malârna sik vâr inkhat, khana nami Israelhei lûrna kapek sik kha hi kae.”

DÂNRABU INHNINA 33:29

Eh Israel, heituk a akahōi che mo! Rōngpu’n ahuksōt jât nang kapō tûte inkhat om mak. Nang hrungna sik leh torna nakapek sik a, Rōngpu khet kha nang pho leh chemjâm kae. Nakadōi he’n lungsetna kangek sik a kahong sik hei, khana nang in nachōn rachi sik hei.

ṬONGPHÔNG 21:11

khōpui kha Pathen lûrna leh inṭhōia kavâr. Hlung mantam jasper kapō, crystal kapōa intheng.

ṬONGPHÔNG 21:23

Khōpuia khan kani leh thla rangei mak, ajârchu Pathen lûrna khan khavakha asat manvâr jo khana kemōngte kha thaihmei vâr kachang jo.