HLAHEI 27:6 - LEKHARABU INTHENG (BSI)

⁶ Khava jâra ke’n kakimvea ka-om ka’nrepuihei kha kator sik hei. Abek-inn shunga inpâk a ông pum a inthoina kanei sik; Ke’n hla kasak sik a kha, Rōngpu kha kachoi ka-ân sik!

HLAHEI 27:6 ပူးပေါင်းရင်းမြစ်များ

A’NPHUTNA 40:13

Nang ni 3 shunga rengpa’n amasō sik che, naṭōn hmun a amale nôk sik che. Rengpa ju katinta nalei chang laia kapōa akōklei vâng ju nalapek sik kae.

A’NPHUTNA 40:20

Ni 3 sōa rengpa intet ning kachanga, aṭōn katlo rakip sik a revei sâktlâng aleitloa kae; aju katintapa leh abuhlom kasyempa kha akeisōt heia ṭōn katlohei hmaikunga anheiṭhōi hei.

SAMUEL INHNINA 22:1

Rōngpu’n David kha Saul leh alak inrepui heia inphut ahuksōt pha David in hiva hla hi Rōngpu hneng aleisak:

SAMUEL INHNINA 22:49

khana kakadōi heia inphut ahuksōt eng. O Rōngpu, nang in ka’nrepuihei chunga torna napek eng, khana mikase heia inphut nahrung eng.

SAMUEL INHNINA 7:9

Nasena hmun rakip a ka’nṭhōipui che, nasesōt pha na’nrepui rakip kator pek hei che. Ke’n vânhnōi raleia hlamkakei kalenpen hei kapōa kasyem sik che.

RENGHEI INHNINA 25:27

Evilmerodach in Babylon reng ajōng chang shunga, Judah rengpa Jehoiachin kha lungset arôna khuma inphut aleimasō jo. Hiva omchen hi Jehoiachin khuma a-om kum 37 tlukna, thla 12 tlukna, ni 27 ning khan aleikasōk kae.

THUHMINGHEI INKHATNA 22:18

Ama’n ati, “Rōngpu nan-Pathen in ahei ompui jo chei khana ahlam rakip a mōngna apek jo chei. Ama’n hiva ram a aleika-om mi rakip amantor eng, khana tûnchu anmani nangni leh Rōngpu mipui hongkachang jo hei.

HLAHEI 107:22

Neitōk pum a antamanpâk nger sik kae, aṭōn leitlo rakip kha inpâkna hla sakpuma antahrisōt nger sik kae.

HLAHEI 110:7

Rengpa’n hlampanga kavadung tui kha a-in sik khan hratna apek chet a, akator kachang ṭhak sik.

HLAHEI 119:108

O Rōngpu, inpâk a kaderna hei hi eilopek roh, khana naṭongpek hei kha eimanthei roh.

HLAHEI 138:5

Naṭōn leitlona chunga leh nalûrna kalen chunga anmani’n hla antasak sik kae.

HLAHEI 21:1

O Rōngpu, rengpa kha inpâk, ajârchu nang in ratha ngarna napek a kae; ama aning kaṭha, ajârchu nang in retorna namanneia kae.

HLAHEI 21:13

Rōngpu, narathahrat alen jâra kanmanpâk che! Naratha hratna kha hla vânga kansak a kanchoi ka-ân sik che.

HLAHEI 3:3

Tâk-kha O Rōngpu, nang chu, inreng pha ahei tik a kapho che kha kae; nang in torna napek eng, khana lungngamna namannei nôk eng.

HLAHEI 3:4

Ke’n inthōpuina sik Rōngpu kabek, atlâng inthenga inphut ahei masôn eng.

HLAHEI 47:1

Inpâk jâra mi rakip in nankut kaben ruh! Hla vâng kare inshângtak a Pathen kha manpâk ruh!

HLAHEI 57:8

Karathla, thō jo roh! Kaṭingṭang leh kaserângdâr thōi jo ruh! Simni kha ke’n kamathō sik kae.

HLAHEI 81:1

Ani kasenpa Pathen hneng inpâk a ông ruh; Jacob Pathen hneng choi ka-ânna hla sak ruh!

HLAHEI 95:1

Hong ruh, Rōngpu kha choi ka-ân rih! Ani kahrungpa, Pathen manpâkna hla sak rih!

ISAIAH 12:6

Ziona ka-om rakip in hla sak hei sona ông hei rasoh! Israel a’ntheng Pathen hi akalen kae, khana ama amihei kâra ka-om.”

JEREMIAH 31:7

Rōngpu’n ahri, “Jât-hei kâra akalenpen, Israel sik a inpâkna hla sak ruh. Nanmanpâkna hla kha, ‘Rōngpu’n amihei ahuk jo hei; ama’n dahlona ka-om hei seng kha asansōt jo hei,’ tia sak ruh.

JEREMIAH 33:11

inpâkna leh hōina ông rasa khana hmōiṭhōi revei mahring rasa hei. Mipui he’n ka-Bek-inna inpâkna tōkna anheichoi pha hla antasak kha nanthei sik; anmani’n hinga anti sik, ‘Chunghnung Rōngpu hneng manpâkna pek ruh. ajârchu ama akaṭha kae, alungsetna kha kumleikōa kae.’ Ke’n hiva ram hi hma kapōa kamanhao nôk sik. Rōngpu ke’n kahri jo kae.

ZECHARIAH 9:9

Inpâk ruh, hōi ruh, Zion mihei. Jerusalem mihei inpâk a ông ruh! Enruh, nanrengpa kha nanhnenga kajōng jo! Ama khan chung sōkna leh torna aneia kahong tâk-kha insinsak tak a shakōrtung aheichōng– shakōrtung tere inkhat aheichōng.

HEBREWHEI 13:15

Khava jâra eini’n Jesua ni’nthoina kapōa, nibei vânga ama hi Rōngpu kae tia phôngsōtna, achoi ka-ânna kha Pathen hneng tōkthak rih.

PETER INKHATNA 2:5

Hlung kahringhei kapōa hong ruh, rathla bek-inn insakna khan inhmang ruh, khana khan thempu intheng kapōa Jesu Christa jâra Pathen hneng rathla a leh hnōmpek thei inthoina ṭōn razenna kha nantlo sik.

ṬONGPHÔNG 15:3

anmani’n kemōngte leh Pathen sōkpa, Moses hla kha, ansak a ka-om hei: “Akahratpen Rōngpu Pathen, naṭōn tlohei hi heituk-hrep a a’nlak a akalenhei mo! Jât rakip Rengpa, nahlamhei hi heituk-hrep a akadik a a’ntlun hei mo!

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.