HLAHEI 25:5 - LEKHARABU INTHENG (BSI)

⁵ Nadikna dungjuia hringna sik amanthei roh, ajârchu nang chu kakahuk inhring ka-Pathen che kae. Ke’n ahei tik a kataksen che.

HLAHEI 25:5 ပူးပေါင်းရင်းမြစ်များ

A’NPHUTNA 49:18

“Rōngpu nahuk sōtna kha kahngâk kae.

NEHEMIAH 9:20

Nang naṭhat jâra heimo antatlo sik kha namanthei hei; manna vânga navei hei, khana tui in sik napek hei.

JOB LEKHARABU 36:22

Pathen ratha neina hi heituk a akalen mo ti hi mandon roh; ama khahei rakip a akalenpen oja kha kae.

HLAHEI 107:7

An-om theina sik khōpui inkhat a, hlam intlunhrek a aleiṭhōisōt hei.

HLAHEI 119:26

Kachôn ṭhena rakip kaphôngsōt a, khana nang in namasôn eng; nahlam hro kha eimanthei roh.

HLAHEI 119:33

Nadânhei manhmuna kha amanthei roh, Rōngpu, khan chu pha rakip a kajui sik jo hei.

HLAHEI 119:66

Singna leh themna eipe roh, ajârchu naṭongpek kha kataksena kae.

HLAHEI 119:97

Heituk a nadân hi kamadu jo mo! Khavakha sûn nilun kamandon.

HLAHEI 22:2

Ka-Pathen, sûn pha kabek che, tâk amasôn mak che; jân pha kabek che, tâk châm inhngatna om mak.

HLAHEI 24:5

Rōngpu’n vâng apek sik hei khana ahuk sik hei, Pathen khan anmani ṭhenakase hei tia amalâr sik hei.

HLAHEI 25:10

Aṭongkam leh aṭongpek kajuihei seng lungset leh taksentak a anhlam akei hei.

HLAHEI 25:8

Ajârchu Rōngpu kha akadik leh akaṭha kae; ama’n mikaset-hei kha antajui sik hlam amanthei hei.

HLAHEI 68:20

Eini Pathen hi akahuksōt Pathen kha kae; ama hi Rōngpu, ni-Rōngpu, thia inphut ani kahuksōt kae.

HLAHEI 79:9

Eh Pathen, a’nthōpui roh, ahuk roh; nang kajana achang theina sik, ahuk ina kansetna hei arangei mandam roh.

HLAHEI 86:3

Nang ka-Pathen che kae, khava jâra alungset roh; nahnenga sûn nilun kader che.

HLAHEI 88:1

Rōngpu Pathen, ani kahuksōtpa, sûn nilun kaṭap eng; khana jân a nahnenga kahong eng.

ṬONGCHÎK-HEI 23:17

Mikaset-hei chunga nathang manset mak roh; Rōngpu kaja sik kha nahringkhō ṭōn manchang roh.

ṬONGCHÎK-HEI 8:34

Ka-inn hlutna kot hnenga ani tina aka-om ṭhak hei; ka-inn hlutna hnenga ani kahngâk ṭhak hei, kaṭong inngei mihei kha inpâkna anchen sik.

ISAIAH 30:18

Kha’num Rōngpu’n lungset sik alahngâk ṭhak chei. Ama’n ahei tik a ṭōn kadik atlo ṭhak jâra nangni lumlo sik cheia intluk a kae. Rōngpu chunga taksenna kaneihei kha mahâm kaṭhahei kae.

ISAIAH 35:8

Khava hmun kha hlampui hongkachang sik “Hlamlen Intheng”, anti sik. Mikaset in khava hlamlena khan hrothei hêrmak ning; mikamohei khan khava hlam a kase hei kha hōn mathla tor mak hei ning.

ISAIAH 42:16

“Ke’n kami hmitkachohei kha antahro phung hêrmakna hlamdung heia kaṭhōi sik hei. Ke’n ankhō inthim kha vâr kamanchang pek sik hei khana anram kaphok hei kha anhmai kunga kamannejap pek sik hei. Hihei hi kei intepna kae, khana ke’n sôilo jen a katlo mathluk sik hei kae.

ISAIAH 49:10

anmani ahei tik a’m anvon ṭâmmak ning khana antui hremak jo ning. Kani leh nêrdi kalum in anchunga tônmak jo hei ning, ajârchu ani’nlungset inkhatpa khan aching sik jo hei. Ama’n tuiri pûtna hmun a aṭhōi sik hei.

ISAIAH 54:13

“Kei khet in namihei kamanthei sik hei, khana neina leh lung mōngna kapek sik hei.

JEREMIAH 31:9

Kamihei kaheiṭhōi male hei pha, anṭap pum a derna annei pum a he’nle sik hei. Anmani an-insuk inpaimakna sik a, kavakōk tuidung heia, hlam inne heia kaheiṭhōi sik hei. Kei hi Israel pa kapō eng kae, Ephraim hi kasapa upapen kapō kha kae.”

MICAH 7:7

Tâk-kha, kei chu Rōngpu kha ka-en ṭhak sik; ani kahuk sik Pathen kha taksentak a kalahngak sik. Ka-Pathen in kaderna athei pek sik eng.

LUKE 18:7

Tûn Pathen mihe’n sûn leh jân inthōpuina sik a akaṭap hei kha donloa ada sik hei mo? Anmani inthōpuina sik ama a’n-êng sik mo?

JOHN 14:26

Pa khan Inthōpui, Rathla Intheng kei rahminga ajōngtir sik khana heirakip amanthei sik chei khana kaleihri pek chei rakip mandonsōtna apek sik chei.

JOHN 16:13

Achang ravâng Pathen chungchânga akadik inlârpa Rathla kha ajōng pha, ama’n akadik rakip a hlam akei sik jo chei. Ama’n abing ratha neina ṭong hrimak ning, tâk aṭong thei kha ahri sik khana ajōng katlung sik kha amanthei sik chei.

JOHN 6:45

Sânkathem he’n hing’hin anleimazet, ‘Pathen in mi rakip amanthei sik.’ Tu achang inum Pa hnenga inphut aṭong kathei leh a’nchû mi kha kahnenga kahong.

ROMANHEI 8:14

Pathen Rathla taṭhōi hei seng kha Pathen sahei kae.

JOHN INKHATNA 2:27

Tâk-kha nangni sik a chu Christa’n arathla Intheng kha nanchunga ajōng bun mathlâk jo. Arathla khan nanmalunga a-omlai seng, nan-inthei sik tûte rangei mak. Ajârchu arathla khan heirakip amanthei sik jo chei, khana ama tamanthei chei kha akadik kae, akadik mak changmak. Rathla mantheina chei kha jui una Christa leh inchun a omṭhak ruh.

ṬONGPHÔNG 7:17

ajârchu len in-ongna laiṭim a ka-om kemōngte kha, ankakhem akachang sik jo kae, khana ama’n tui kahring lōngna hmun a aṭhōi sik hei. Khana Pathen in anhmit rathli ahni manhi pek sik jo hei kae.”