HLAHEI 24:1 - LEKHARABU INTHENG (BSI)

¹ Vânhnōi leh ashunga ka-om rakip Rōngpu ta kae; ralei leh achunga aka-om rakip ama tahei kae.

HLAHEI 24:1 ပူးပေါင်းရင်းမြစ်များ

THUHMINGHEI INKHATNA 29:11

Nang chu akalenpen akahratpen, akalûr, ngam kanei leh kaja ka-om che kae. Marvân leh raleichunga neinâk heirakip nangta kae, heirakip chunga reng vaikarôn Chunghnung che kae.

THUHMINGHEI INKHATNA 29:16

O Rōngpu kan-Pathen, narahming kajana Bek-inn inkhat sakna sik a hiva karōihei hi keini’n kanhei choi mantûp, tâk hihei seng hi nanga inphut akajōng, nangta hei kae.

THUHMINGHEI INHNINA 25:9

Amaziah khan sânkathem hneng ader, “Khan chu anhnenga khaseng dangka kaleipek jo khachu heikhonga sik jo?” Sânkathem khan amasôn, “Rōngpu’n khava kanek a apek male tor che!”

JOB LEKHARABU 34:13

Pathen ratha neina kha mi ṭhahrep hnenga inphut achen mo? Mi ṭhahrep he’n ralei katinta sik a ama kha antamanṭang mo?

JOB LEKHARABU 41:11

Ama inrepui tor tu mo akahringa aka-om jo? Raleichung pumpuia ka-om tu inkhat in tlotor mak ning.

JOB LEKHARABU 41:3

Ama’n nang mansena sik a angek sik che mo? Lungset narônna sik a ader sik che mo?

HLAHEI 50:10

ajârchu ratu shunga sha rakip leh hmebung lishing lishinga se heiso keita hei kae.

HLAHEI 50:12

“Kavon aṭâm inum nanhnenga sâk thei dermak chei ning; ajârchu raleichung leh ashunga ka-om rakip kata hei kae.

HLAHEI 89:11

Marvân hi nata kae; ralei hi’m kae. Nang in vânhnōi leh ashunga ka-om rakip nasyem hei.

HLAHEI 89:12

Sak leh thlâng hei hi’m nang in naleisyem hei; Tabor Tlâng leh Hermon Tlâng he’n namanpâkna hla ansak.

HLAHEI 98:7

Tuipui leh ashunga ka-om ranhring rakip ông ruh; ralei khana achunga ka-om rakip inpâkna hla sak ruh!

SŌKSŌT 19:5

Tûn, nangni’n kaṭong pek hei nanjuia ka’ntepna kaṭha nannit inchu, nangni kamitak kha kachang sik chei.

SŌKSŌT 9:29

Moses’n ahnenga, “Ke’n khōpuia inphut kasesōt lim leh kakut kakalânga Rōngpu hneng kader sik. Ralei hi Rōngpu ta kae ti namanhret theina sik a khō inri kabâng sik, khana kahre kha’m tla nôk mak jo ning.

DANIEL 4:25

Nang hi mihringhei kâra inphut hnongsōt sik che kae khan ramshahei leh kalengsap sik chei. Kum 7 sehratche inkhat kapōa phi nasâk sik, ramhânga karek sik che, khana nachunga radaitui katla sik. Chunghnung Pathen in mihring rengram rakip chunga vai arôn, khavakha ama’n akadeisōt mi inkhat hneng apektor ti kha kahnōm sik jo che.

MICAH 4:13

Rōngpu’n ahri, “Jerusalem mihei, se ruh, nan-inrepuihei kha vakarâk hei ruh! Ke’n nangni thir raki kanei, sum-êng ke matin kanei sehratche kapōa ratha hratna kapek sik chei. Nangni’n jât katamtak nansuk manram sik hei khana rumhrat a mihei nei leh hao antachom kha, vânhnōi pumpui Rōngpu kei hneng nanta heitōk sik kae.

NAHUM 1:5

Rōngpu hmaikunga tlânghei innok hei; ahmai kunga hmebunghei kajor hei. Rōngpu ahon’lâr pha ralei hi innok; vânhnōi leh amihei seng ṭit jâra innok hei.

CORINTHIANHEI INKHATNA 10:26

Ajârchu ṭong intheng in ahri kapōa, “Raleichung leh ashunga ka-om rakip Rōngpu tahei kae.”

DÂNRABU INHNINA 10:14

Marvân inshângpen kapha’m Rōngpu ta kae; ralei leh achunga ka-om rakip hi’m ama ta kae.