HLAHEI 22:6 - LEKHARABU INTHENG (BSI)

⁶ Tâk-kha kei chu mihring changmak jo eng; mi rakip tahnōise leh tamater, rahlung hrep eng kae.

HLAHEI 22:6 ပူးပေါင်းရင်းမြစ်များ

THUHMINGHEI INHNINA 14:11

Asa khan apathen Rōngpu hnenga derna anei, “O Rōngpu, ratha katlasam remihei kha nang in ratha kaneitak inkhat a naman chang tor hei. Tûn a’nthōpui roh, Rōngpu kan-Pathen, ajârchu keini hi nang hnenga inngamna kantanei kae, khana nang rahminga hiva remi katamtak hei kadōi sik a ahei kasōk ung kae. Rōngpu, nang kan-Pathen che kae; tûte inkhat in nang torna sik a inhōrna nei tor mak hei.”

JOB LEKHARABU 25:6

Khan chu mihring, rahlung leh khaiphâr kapō chunga khan heidôm mo kae sik? Pathen hmit ena mihring hringkhō hi heidôm mo kae?

HLAHEI 25:3

Nakataksenhei sik a re tor makna om mak, tâk-kha nang kadōia inranga re katlo he’n torna neimak hei.

HLAHEI 31:1

Rōngpu, nahrung sik enga nahneng kahei jōn che; mi amantor hêrmak hei roh. Nang chu Pathen kadik che kae; ahuk roh, kader che!

HLAHEI 31:11

Ka’nrepui rakip he’n, adek a kakhō kaven he’n. Hnōisena aninei jo eng; ani’nhret he’n anṭit jo eng; hlampuia anhmu eng pha, antlânde jo eng.

HLAHEI 41:5

Ka’nrepui he’n kachunga ṭong kakhôk anhri, kei kathi sik leh antamahngi cher sik eng kha anmadu.

HLAHEI 88:8

Kaṭhōnhei nani mandahlon jo eng; anmani inngeipui mak naman chang jo eng. Kei kekhuma ka-om jo eng, khana inphut sōk tor mak jo eng;

ISAIAH 41:14

Rōngpu’n ati, “Akatlômtek leh ratha katlasam, Israel, nangni ṭimak ruh; ke’n ka’nṭangpui sik chei. Israelhei a’ntheng Pathen kei hi, nankahuk inhring eng kha kae.

ISAIAH 49:7

Israel a’ntheng Pathen leh huksōtpa khan ahri, hnōise-êsetak a antatlopa hnenga, jât he’n antamaterpa leh vaikarônhei sōkpa hnenga: “Reng he’n nang masōa na-om kha anhmu sik che nang kajana inding sik hei; rengsa he’num anhmu sik, khana nang kajana inkun sik hei.” Hivahi hong kasōk sik ajârchu Rōngpu’n asōkpa kha akadei jo kae; Israel Pathen intheng khan aṭong intep kha ajui kae.

ISAIAH 53:3

Keini’n ama kanhnōisea kahlonsōt; ama’n inrengna leh natna ade. Tûte inkhat in a-en bek um enmak hei, ama kha heite aka-emak kapōa heisak mak me.

ṬAJAISUINA 3:30

Anvōkna mea, inzakna anpekna mea, heirakip kha akahnōm sik me kae.

MATTHEW 11:19

Mihring sapa kajōnga bu asâk a tui a-in pha, khan chu mi rakip in, ‘Enruh! mi kalôp, ju ka-in, ramsêrṭhei kakhôm ṭōn katlohei leh mikasehei ṭhōnpa kae!’ anti. Hei-hei achang inum, Pathen singna khachu aṭōn tlosōt kara’n amalâra kae,” ati.

MATTHEW 12:24

Pharisee he’n kha anthei pha, “Ama hin ramṭai hei vaikarôn Beelzebul rathapekna vâng rōk khan ṭaihei ahnong sōt kae,” anti.

JOHN 7:15

Jehudi Sehmang-Pa-chong he’n, “Hiva mipa hin inchûna chu neilo jena, heikhong mo hingtuk hrep manhretna anei?” mandonhla tak a anleiti.

JOHN 7:20

Mipuihei khan anmasôn, “Tu’n mo nang that sik a arei che? Nang ṭai narôn kae!”

JOHN 8:48

Anmani’n Jesu hneng, “Nang Samaria mi che khana ṭai karôn che kae, kanta ti hi dikmak ung mo?” anhongti.

HEBREWHEI 13:12

Khava jâra Jesu’n athisen vâng mihei setna manthengna sik, khōpui sōngkot vângting akathi kae.

ṬONGPHÔNG 15:3

anmani’n kemōngte leh Pathen sōkpa, Moses hla kha, ansak a ka-om hei: “Akahratpen Rōngpu Pathen, naṭōn tlohei hi heituk-hrep a a’nlak a akalenhei mo! Jât rakip Rengpa, nahlamhei hi heituk-hrep a akadik a a’ntlun hei mo!