HLAHEI 19:8 - LEKHARABU INTHENG (BSI)

⁸ Rōngpu dânhei chu akadik-hei kae, khana khava kajuihei kha kahōihei, Rōngpu ṭongpek-hei khachu a’ntlun hei kae, khana malunga manhret theina apek.

HLAHEI 19:8 ပူးပေါင်းရင်းမြစ်များ

A’NPHUTNA 26:5

Ke’n nang mahâmṭhat kapek sik che, ajârchu, napa Abraham khan kaṭong aleijui, khan chu kaṭong pek seng leh kadân seng aleijui sōa kae.”

RENGHEI INHNINA 17:37

Ke’n nangni sik a kaleimazet dânhei leh kaṭong pek hei kha ahei tik a nantajui sik kae. Nangni pathen lak-hei nanta juimak sik kae,

NEHEMIAH 8:12

Khava jâra mi rakip inna kase heia ningṭhat pum a ansâk an-ina mi ralak-hei leh antanei kha insem heia kae, ajârchu anhnenga antatei pek hei kha anmanhret joa kae.

NEHEMIAH 9:13

Marvâna inphut Sinai Tlânga jōng kaṭum che; namihei hneng ṭong naleihri khana dân kaṭhahei leh ṭongpek kaṭhahei naleipek hei.

HLAHEI 105:45

khang’khan ami he’n ama dân anjui theina sik, aṭongpek rakip anjui theina sik a atloa kae. Rōngpu kha choi ka-ân ruh!

HLAHEI 111:7

Atlona rakip heia khan taksenthei leh akadik kachang; aṭongpek rakip kha inhngatna thei kae.

HLAHEI 119:105

Naṭong kha ani kaṭhōi thaihmei kae kahlam sik a vâr kae.

HLAHEI 119:12

Kachoi ka-ân che Rōngpu, nahlam kha eimanthei roh.

HLAHEI 119:121

Akadik leh akaṭha ṭōn kha ke’n katlo jo; ka’nrepui kâra eidahlon mak roh!

HLAHEI 119:128

Khava jâra namansena rakip kajui; hlam kadikmak rakip kahōt.

HLAHEI 119:130

Naman theinahei hri manchênna khan mikamohei hneng vâr leh singna apek

HLAHEI 119:14

Neinâk katamtak manbuk kanek a, naṭongpek jui sik kha kamadu jôk.

HLAHEI 119:143

Inrengna leh maduna khan kasip jo eng, tâk naṭongpek khan inpâkna apek eng.

HLAHEI 119:16

Nadân a khan hōi kasak; naṭongpek kha mahngi mak ning.

HLAHEI 119:171

Nadânhei namanthei eng jâra ahei tik a kachoi ka-ân sik che,

HLAHEI 119:24

Namansena eng khan hōina apek eng; khahei kha kei ani’nse hei kae.

HLAHEI 119:40

Ke’n naṭongpek hei kha kajui hnōm; hringkhōther apek roh, ajârchu nang chu akadik che kae.

HLAHEI 119:54

Kahringkhō katôitek shunga hin naṭongpek kha hla a kaphō.

HLAHEI 119:80

Naṭongpek kha pui katluk a juirong hmaimôkna inphut aṭhensōt roh.

HLAHEI 119:92

Nadân kha kei inpâkna hongkōnna alei changmak inchu, kakhōdeng theina khan aleikathi sik jo eng kae.

HLAHEI 12:6

Rōngpu intepna kha taksenthei kae; dangka intheng kapōa inthengkhet, ve sari sêmphu hmeia a’nro intheng kapō kha kae.

HLAHEI 13:3

Ajōng enroh, O Rōngpu, ka-Pathen, khana ajōng masôn roh. Karatha ajōng manngar pek nôk roh; amanthi mak roh.

HLAHEI 40:8

Ka-Pathen, nalungdo tlo sik kha heituk-hrep kamadu jo mo! Naman theina eng kha kalungria ka’nvona kae,” kalei ti.

HLAHEI 93:5

Rōngpu, nadânhei kha kumleikōa sik kae, khana nabek-inn kha are-rea a’nthengkhet kha kae.

SŌKSŌT 18:16

Mi 2 an-innâk pha, kahnenga kahong hei, ankâra khomo akadik ti ṭong katan, khana ke’n Pathen ṭongpek leh adân kamanthei hei.”

ṬONGCHÎK-HEI 2:6

Singna kapek kha Rōngpu kae, ama a inphut themna leh manhretna hong kasōk.

ṬONGCHÎK-HEI 30:5

“Pathen in intepna anei rakip kha atlosōt. Ama hrungna kajong rakip sik a ama hi pho kapō kae.

ṬONGCHÎK-HEI 6:23

Anmani ṭong mantheina chu hmeivâr kapō kae; anmani mandikna che khan heikhonga mo hringkhō hmang sik amanthei sik che.

ISAIAH 64:5

Ṭōn kadik katloa inpâkna kahmuhei leh nang tamadu dungjuia hringna sik a’ndon hei kha nang in naralam hei. Kanchunga nahnuk kana, kha’num kasetsa chet-chet ung; inhnaktak a nahnuk anat inum tenlaia inphut akadik mak kantlo manjōm a kae.

JEREMIAH 15:16

Nang in kahnenga nahri, nahri rakip ke’n karangei. Kei nangta eng kae, Rōngpu Akahratpen Pathen, khana naṭong hei kalungria inpâk leh kahōia kasip a kae.

EZEKIEL 36:27

Nanshunga kei ratha kada sik khana nangni’n kei dân nanjuia ke’n kapek chei ṭongpek rakip nannit ti kha ka-en sik.

ROMANHEI 3:20

Dân tamadu tlo jâra mihring tûte Pathen hmaikunga akadiktor om mak; Dân tatlosōt khachu, mi kha kaset jo ti manhretna katlo hrep kha kae.

ROMANHEI 7:22

Kashung inchu Pathen Dân kha amadu.

ROMANHEI 7:7

Khan chu, Dân kha binga setna pui katluk kae niti sik mo? Changmak! Tâk-kha Dân khan setna kha heimo kae ti amanthei eng. Ajârchu Dân khan, “Minei chunga thangset tlomak roh,” aleiti mak inchu, ke’n thangset inti kha kalei manhret mak sik kae.

GALATIANHEI 2:19

Hei-achang inum, Dân a khan kei kathi jo eng, Dân khan athat jo eng, Pathen sik a kahring theina sik a kae. Christa leh inṭhōia thingrake chunga leikathisap jo eng,

GALATIANHEI 3:21

Khan chu Dân kha Pathen intepna kadōi akachang jo mo? Kha changmak! Ajârchu hringna kapek tor Dân kha mihring in arahlâng jo achang inchu, Dân kha juia mi rakip Pathen leh amandiksap tor sik kae.

DÂNRABU INHNINA 16:11

Nankhōpuia ka-om nansa, nansōk, Levi, khōhme, nu leh pa kase, renghmeihei leh Rōngpu ângkunga inpâk ruh. Hivahi kamukna hmun inkhat a tlo ruh.

DÂNRABU INHNINA 16:14

Khavakha nankhōpui shunga ka-om nansa, nansōk, Levi, khōhme, nu leh pa kasehei, khana renghmeihei leh inpâkna nei ruh.