HLAHEI 19:14 - LEKHARABU INTHENG (BSI)

¹⁴ Kaṭong hri leh kamandonna hei hi nahnenga rahlângthei chang rasoh, O Rōngpu, ka’n-ungna leh ka’ntlensōtpa!

HLAHEI 19:14 ပူးပေါင်းရင်းမြစ်များ

JOB LEKHARABU 19:25

Tâk-kha marvâna tu mo inkhat kei ani kahrung sik achaina pena lakahong sik ti hi kamanhret.

HLAHEI 104:34

Kahlasak a khan ama tlaina chang rasoh, ajârchu kei inpâkna hi ama a inphut kae.

HLAHEI 119:108

O Rōngpu, inpâk a kaderna hei hi eilopek roh, khana naṭongpek hei kha eimanthei roh.

HLAHEI 51:15

Rōngpu, kaṭong hrina a’nthōpui roh, khan chu nang kamanpâk sik che.

ṬONGCHÎK-HEI 15:8

Mikaṭha he’n derna annei pha Rōngpu malung katlai, tâk mikaṭhamak he’n ahnenga anta heichoi inthoinahei kha amater.

ISAIAH 43:14

Israel Pathen intheng, nakahuksōt Rōngpu’n ahri, “Nang huksōtna sik Babylon kadōi sik remi kajōngtir sik; ke’n khōpui sōngkot kanam khōi sik, khana anmipuihei ôngna kha ṭapna kamanchang pek sik hei.

ISAIAH 44:6

Israel vaikarôn leh akahrung Rōngpu’n, Chunghnung Rōngpu’n hinga ahri: “Kei ahma inkei leh a’nchaina, Pathen inkhat rōk eng kha kae; kei teilo Pathen ralak om mak.

ISAIAH 47:4

A’ntheng Israel Pathen khan eini amasō jo me ama rahming kha Chunghnung Rōngpu kae.

ISAIAH 54:5

Nakasyempa kha nang sik a napuise kapō kachang sik jo, Chunghnung Rōngpu kha ama rahming kae. A’ntheng Israel Pathen khan nang ahuk sik che, ama kha raleichung pumpui vaikarôn kha kae.

ROMANHEI 15:16

kei Jât-hlop hei kâra Jesu Christa sōk inkhat kachang jâra kae. Jât-hlop hei kha Rathla Intheng in atōksōt Pathen tarahlâng inkhat anchangna sik, ke’n Pathena inphut ṭong kaṭha kha thempu inkhat kapōa kahrilea karazen kae.

THESSALONIANHEI INKHATNA 1:10

khan chu Pathen hnuk natna ajōng katlung sik a inphut, ani kahuk inhringpa, Pathen khan thina inphut akei mathōi Asapa Jesu kha marvâna inphut ajōng sik nantahngâk hi mi rakip in anhri joa kae.

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

HEBREWHEI 11:4

Taksen jâra Abel in Cain kanek a akaṭhachet inthoina Pathen hneng atōk a kae. Mikadik a inteina sik Pathen manṭhatna achen kha ataksen jâra kae, ajârchu Pathen khet in akutchoi kha ahnōm pek a kae. Abel athi jo’num, tûn katlung ṭong alahri hi ataksenna vânga kae.

HEBREWHEI 13:15

Khava jâra eini’n Jesua ni’nthoina kapōa, nibei vânga ama hi Rōngpu kae tia phôngsōtna, achoi ka-ânna kha Pathen hneng tōkthak rih.

PETER INKHATNA 2:5

Hlung kahringhei kapōa hong ruh, rathla bek-inn insakna khan inhmang ruh, khana khan thempu intheng kapōa Jesu Christa jâra Pathen hneng rathla a leh hnōmpek thei inthoina ṭōn razenna kha nantlo sik.

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.