HLAHEI 18:14 - LEKHARABU INTHENG (BSI)

¹⁴ Ama’n athe hei akâp a, khana a’nrepuihei kha ahnong kachek hei; khō inphe leh inṭhōia ahnong mantlân hei.

HLAHEI 18:14 ပူးပေါင်းရင်းမြစ်များ

JOB LEKHARABU 37:4

Khan chu arasa inhrung kha inthei, alûrna rasa inri kha, khava shung senga khō inphe liplep a kae.

JOB LEKHARABU 37:5

Pathen ṭongpek a ṭōn-inlak kasōk hei, eini tamanhret tor mak omchen inlak kasōk hei.

JOB LEKHARABU 38:35

Nang in khō inphe kha avâr rik-rakna sik ṭong napek inchu, ama akahonga nahnenga, “Naṭōn katlo sik a hin ka-om eng,” ati sik mo?

JOB LEKHARABU 6:4

Chunghnung Pathen in thepui hei vânga akadôt jo eng, khana anthetûr in kataksa ajosō jo. Pathen in ṭit-inpirna hei kha kei dōina aman-gôr jo hei.

HLAHEI 144:6

Khō jōng manphe ina na’nrepuihei kha manchek hei roh; nathepui kha jōngkâp ina mantlânsōt hei roh.

HLAHEI 21:12

Ama’n anmani kha athe vâng akâp sik hei, khana anhmai anmahea katlân sik jo hei.

HLAHEI 29:3

Tuipui chung heia Rōngpu rasa inthei; akalûrpen Pathen khan khō inri kapōa inri, khana akare rasa kha tui-ôngpui chunga jōng inthônga kae.

HLAHEI 29:7

Rōngpu rasa khan khō amanphe.

HLAHEI 77:17

Sumtuk he’n sûrtui anjōngbun; bōirōk a inphut khōjang kapōk, ramkei rakip a khō inphea kae.

HLAHEI 77:18

Nakhō inri kha thlisip in akaje, nakhō inphe khan vânhnōi ajōngsat manvâr; ralei kha akatlira amannok.

ISAIAH 30:30

Rōngpu’n alûrna kare rasa leh ahnuknat rathahrat kha mi rakip amanthei et sik hei. Khana khan hmei male, sumtuk kapōk-khōi, kahre leh khō kasûr inhnak kasōk sik.

JOEL 2:11

Rōngpu’n aremihei rasa inhrek a ṭong pekna anei hei. Aṭong kajui remi rup-hei kha katam hei, kahrat hei. Rōngpu kani kha heituk a ṭit ka-om jo mo! Tu mo akahringtor sik?

HABAKKUK 3:11

Nathe kâp kayâng kavâr ja-jap khan nakasei vor kadi liplep khan kani leh thla amanngir hnâm hei.

MIJAHEI 24:8

Pathen in Egypt a inphut aheiṭhōisōt hei; Anmani sik a ram sehrat inkhat kapōa a’nsukpui pek hei. Anmani’n an-inrepuihei kha ansuk manhmang hei, Anru ansuk rabun hei, anthe andor thlek pek hei.

DÂNRABU INHNINA 32:23

“‘Anchunga bângtik neilo inrimna kamathlung sik khana anmani dōina sik kathe rakip kahmang sik.

DÂNRABU INHNINA 32:42

Kathe hei kha anthisenna kaphûm sik hei, Kakadōi rakip kachemjâm in athat sik hei. Kei chunga re katlo inkhatbek ṭhenmak hei ning; taksa intôn leh khuma aka-om mihei kapha kathi sik hei.’

JOSHUA 10:10

Rōngpu’n Amorhei kha Israel remi anhmu pha ṭit-inpirna aleimannei hei. Israel he’n anmani Gibeona anleithat hei, khana tlâng rakanna Beth Horon katlunga anleihnong hei, thlânga Azekah leh Makkedah katlung anleibuhlu heia kae.

SAMUEL INKHATNA 2:10

Rōngpu kadōihei kha suk manhmang kachang sik hei; marvâna inphut anmani kadôia khōjang jōng kapōk sik. Rōngpu’n vânhnōi pumpui ṭong atan sik, arengpa kha ratha apek sik, areng kadei kha torna amannei sik.”