HLAHEI 16:11 - LEKHARABU INTHENG (BSI)

¹¹ Nang in hringna ram tinga akase hlam kha namanhmu sik eng; nang omna khan kei inpâkna amansip eng, khana ahei tik a inpâkna kha ahei rôn pek eng.

HLAHEI 16:11 ပူးပေါင်းရင်းမြစ်များ

HLAHEI 139:24

Kashunga ṭhatmak heikhat a-omtâk inchu ajōngsōt pek roh, khana kumleikōa hringna hlam a khan aṭhōi roh.

HLAHEI 17:15

Tâk-kha kei chu, ṭhatmak katlomak jâra nang kahmu sik che; khana kahong inṭhang pha na-ompuina eng khan inpâkna amansip phet sik eng.

HLAHEI 4:8

Jekhuma ka’nthlōng pha, kamōng tak a kaje eng; O Rōngpu nang rōk in pui katluk inhukna kha napek eng kae.

HLAHEI 68:4

Pathen hneng hla sak ruh, arahming choi manshângna hla sak ruh; sumtuk chunga kachōngpa hlam kha syem mantlun ruh. Arahming kha Rōngpu kae, a-âng kunga inpâk ruh!

ṬONGCHÎK-HEI 12:28

Akadik hi hringna hlampui kae; malung ṭhatmak hi thina hlampui kae.

ṬONGCHÎK-HEI 2:19

Ama hnenga avakase tûte inkhat hong inle phungmak. Hringna hlam a hong inle phungmak.

ṬONGCHÎK-HEI 4:18

Mikadik tahro hlam khachu kani ahong kasōk a, sûn pha ahong tlung mak kârseng ahong kavâr chet-chet kapō kha kae.

ṬONGCHÎK-HEI 5:6

Hringna hlam a ama om mak; tâk kalôn lele khana heimo akasōk ti manhret mak.

ISAIAH 2:3

khana anmi he’n anhri sik, “Eini Rōngpu hmebunga son ketou rih; Israelhei Pathen Bek-inna son, ama’n amantlo hnōm me ṭōn kha amanthei sik me; ama’n akadei hlam a khan eini kalôn sik me. Ajârchu Jerusalema inphut Rōngpu mantheina kha kajōng; Ziona inphut amihei a’nbekpui hei.”

MATTHEW 25:33

Ama’n mikadik-hei kha changting ada sik hei khana alak-hei khan veiting ada sik hei.

MATTHEW 25:46

Khan chu, anmani are-rea karâkna kachen sik a atir sik jo hei, tâk mikadik-hei khachu kumsôt hringna kase sik jo hei.”

MATTHEW 5:8

“Malung intheng hei kha anmahâm kaṭha; Pathen antahmu sik kae!

MATTHEW 7:14

Tâk hringna kekot kha inchîp khana ahlam jōnna kha intak khava kahmu sōt mi kha katlôm hei.

MARK 16:19

Rōngpu Jesu’n anmani hneng ṭong ahrisō pha, marvânting kake jo khana Pathen kut changting in-ong jo.

ṬŌNTLOHEI 2:28

Hringna hlam namanthei jo eng, khana na-omna khan inpâkna amansipphet sik eng.’

ṬŌNTLOHEI 7:56

Ama’n, “Enruh! Ke’n marvân kot a’nhlânga, Mihring sapa kha Pathen changtinga angir kahmu!” aleiti.

ROMANHEI 8:11

Thina inphut Jesu akakei inthoi Pathen rathla kha nanshunga a-om inchu, Christa kha thia inphut akakei inthōipa Rathla nanshunga aka-om khan nantaksa akathihei kha hringna ahongpek nôk sik hei.

CORINTHIANHEI INKHATNA 13:12

Tûna nihmu hichu thle enna lim inhmakrōi kapō kha kae; khava sō leh chu hmai leh hmaia nilahmu sik. Ke’n tuna kamanhret hi ahar hrepte kae; khava sō leh chu pui katluk a, Pathen in pui katluk a amanhret eng kapōa kamanhret sik jo.

CORINTHIANHEI INHNINA 4:17

Khana hiva pha bongkhat inrimna ajingte kantathōk hin pha kasôttak a akakhe chet lûrna sik aṭhōi sik ung kae, kan-inrimna kha mahâmṭhatna khan hingja akhe sik kae.

EPHESIANHEI 3:19

Kadik, ama lungsetna chei manhretna nei ruh, pui katluk a manhret thei achangmak inum, khana Pathen chôndân kha pui katluk a akasip chang ruh.

PETER INKHATNA 1:21

Akathia inphut akei mathōia lûrna apek ama inphut nangni’n Pathen kha nantaksen; khava jâra nangni taksenna leh nan-inhōrna kha Pathen chunga a’nphun inhnet kae.

PETER INKHATNA 3:22

Ama marvâna kakea, Pathen changting ka-oma, ngeva rakip leh marvâna vaikarôn rakip khana ratha kanei seng chunga vai arôn jo.

JOHN INKHATNA 3:2

Kaṭhōn marit hei, eini Pathen sa kachang jo me, tâk heimo ahong kachang sik me ti lahong inlârmak. Tâk-kha eini’n hi nimanhret ti chu Christa ajōng inlâr pha, ama kha nipō sik jo, ajârchu ama atak-khet kha inchêna nihmu sik jo.

JUDE 1:24

Nangni nan-inpai inthlûk makna akatlo tor leh ṭhena neimakna leh alûrna ângshunga inpâkna anikapek tor,

ṬONGPHÔNG 22:5

Khana khan jân inti om mak jo ning, kanivâr leh hmeivâr rangei mak jo ning, ajârchu Rōngpu Pathen kha anvâr kachang sik jo, khana renghei kapōa are-rea anmani’n vai antarôn sik jo kae.