HLAHEI 149:3 - LEKHARABU INTHENG (BSI)

³ Lâm pum a arahming kha choi ka-ân ruh; Ama choi ka-ânna khan khōngpui leh serângdâr manhring hei ruh.

HLAHEI 149:3 ပူးပေါင်းရင်းမြစ်များ

SAMUEL INHNINA 6:14

David kha, hruipōn innem akhōna asuia, ratha kahroktak a Rōngpu kajana kalâm jo.

SAMUEL INHNINA 6:16

Intepna Bôm kha khōpuia anhei manhlut jo pha, Saul sanu Michal in thlikot a inphut ahei ena Reng David in a’ntheng lâmna shunga akalâma a’nchôm kha ahmua a’njapui jo.

THUHMINGHEI INKHATNA 16:42

Heman leh Jeduthun hei kha pengkun leh sumkutben khana aralak mahring kaneihei, inpâkna hla ansak pha mahring kanei sik a akatinta inṭangsa hei. Jeduthun phungṭhena mihei kha sōngkot kahrunga inṭang hei.

THUHMINGHEI INKHATNA 25:6

Asapa rakip anpa mansena dungjuia Bek-inn kamukna shunga, sumkutben leh serângdâr anmanhring. Khana Asaph, Jeduthun khana Heman hei kha rengpa mansena thōia ka-om hei.

THUHMINGHEI INHNINA 20:28

Anmani’n khōpui atlung pha, Bek-inna serângdâr leh pengkun manhring pum a injôk heia kae.

THUHMINGHEI INHNINA 29:25

Rōngpu’n Reng David hnenga, reng sânkathem Gad leh Nathan heia inphut mansena aleinei kha rengpa hin aleijuia kae; Levihei kha, Reng David in aleihmang hei

EZRA 3:10

Bek-inn innhmun andeng manphut jo pha, thempu he’n anret an-insia ankut a pengkun an-inchoi khana Asaph phungṭhena Levi he’n sumkutben anchoia kangir hei. Reng David pha a inphut mantheina dungjuia Rōngpu anchoi ka-ânna kae.

HLAHEI 30:11

Nang in kamalung dongna kha inpâk a lâmnating namahe pek eng. Kei inrengna kha nalosōt khana inpâkna khan namankebit eng.

HLAHEI 33:2

Serângdâr vâng Rōngpu kha manpâk ruh, mahring kanei vâng ahnenga hla sak ruh.

HLAHEI 81:2

Mahring kahōi leh khōngpui mandei manphut ruh; mahring kahōitak a ṭingṭang leh serângdâr kha manhring ruh.

HLAHEI 81:3

Thla kha ahongther jo pha, thla kha ahonglir jo pha, reveina pengkun kha tum ruh.

HLAHEI 87:7

Anmani kalâm heia hla ansak, “Zion hi nivâng chenna rakip hong inphutna kae,” anti.

SŌKSŌT 15:20

Aaron sernu sânkathem Miriam in khōngte aloa, nuhmei seng in anjuia khōngte akabena kalâm jo hei.

JEREMIAH 31:13

Khava pha nuhngâk-hei inpâk a kalâm sik hei, pase, rether leh upa inpâk sik jo hei. Ke’n anmani lungmōng kapek sik hei, anṭapna kha inpâkna an-inrengna kha hōina kamanchang pek sik hei.

JEREMIAH 31:4

Ave nôk a kasyemther sik chei kae. Avea khōng nansuk a inpâktak a lakalâm nôk sik chei.

ṬONGKATANHEI 11:34

Jephtha Mizpah a ahe’nle pha, ama inhmupui sik a asanu kha kalâma khōngte asuk manhring pum a heikasōk. Amanu rōk kha asanei kae.