HLAHEI 147:5 - LEKHARABU INTHENG (BSI)

⁵ Ni-Rōngpu kha akalen leh akahrat kae; asingna kha tetor emak.

HLAHEI 147:5 ပူးပေါင်းရင်းမြစ်များ

THUHMINGHEI INKHATNA 16:25

Rōngpu kha kalen inshângtak a manpâk sik kae; ama kha pathen rakip hei kanek a kakhea kaja sik kae.

JOB LEKHARABU 36:5

Pathen kha heituk a ratha anei mo! Ama’n tûte’m heite sakloa tlodek mak; ama taman hretmak heite om mak.

HLAHEI 135:5

Ni-Rōngpu hi kalen, Pathen rakip hei kanek a kalenpen ti hi kamanhret.

HLAHEI 145:3

Rōngpu chu kalen khana inshângpena choi ka-ân sik kae; alendân hi mihring tamanhret tor emak.

HLAHEI 40:5

O Rōngpu, kan-Pathen, nang in keini sik a hingja natlopek jo ung; Nang kapō inkhatbek om mak! Nang in keini sik a’nlak mantlukna hingja nasyempek ung. Ke’n khahei seng kha hrisōt tor mak eng, ajârchu khahei kha anja katam hêra kae.

HLAHEI 48:1

Ni-Pathen khōpui kalen, atlâng intheng chunga khan, Rōngpu kha kalen khana inshângtak a choi manshâng sik kae.

HLAHEI 96:4

Rōngpu chu kalen, inshângpena choi ka-ân sik kae; ama hi Pathen rakip hei nek a kaja sik kae.

HLAHEI 99:2

Ziona Rōngpu kha ratha kanei kae; phung leh jât rakip chunga ama kha akahratpen kae.

ISAIAH 40:28

Manhret mak che mo? Theiphung mak che mo? Rōngpu kha kumleikōa Pathen kae, ama’n raleichung pumpui hi asyem kae. Ama ahei tik chen a châmmak, aratha tlasam mak. Tûte inkhatbek in amandona manhret mak.

JEREMIAH 10:6

Rōngpu, nang kapō inkhatbek om mak; nang chu kahrat che, khana narahming kha kalen khana ratha kaneitak kae.

JEREMIAH 10:7

Jât rakip reng nang hi tu’n mo akaja mak sik che? Nang chu kaja sik a narahōi kae. Nang kapō tûte om mak, jât rakip a mikasinghei kâra, khana anrenghei kâr a’m om mak.

DANIEL 2:20

“Pathen chu kasing kahrat! Ama kha manpâk a omṭhak rasoh.

NAHUM 1:3

Rōngpu kha ahnuk nabeimak tâk-kha ama ratha kaneitak kae khana ṭhena kaneihei kha karâkna pek loa masō hêrmak. Rōngpu sena khan thlipui hong kahrâng; sûmphai hei hi akebōk vaiphinhei kae!

ROMANHEI 11:33

Pathen nei leh haoje hi heituk a jo mo! Asingna leh amanhretna hi heituk a’nthuk mo! Ama ṭong mathlâkna tu’n mo ahri manchên tor sik? Tu mo ama hlam inhret tor sik?

ṬONGPHÔNG 15:3

anmani’n kemōngte leh Pathen sōkpa, Moses hla kha, ansak a ka-om hei: “Akahratpen Rōngpu Pathen, naṭōn tlohei hi heituk-hrep a a’nlak a akalenhei mo! Jât rakip Rengpa, nahlamhei hi heituk-hrep a akadik a a’ntlun hei mo!