HLAHEI 147:14 - LEKHARABU INTHENG (BSI)

¹⁴ Ama’n naramri kha ahrung pek che khana gehu kaṭhatak vâng khan avei mankhop che.

HLAHEI 147:14 ပူးပေါင်းရင်းမြစ်များ

THUHMINGHEI INKHATNA 22:9

Kha’num, ama’n intepna kahnenga anei. Ama’n ati, ‘Nang in kamōng tak a vaikarôn sapa inkhat nanei sik, ajârchu ama kha a’nrepui rakip heia inphut mōngna kapek sik. Ama rahming kha Solomon inti sik, ajârchu ama vairôn shunga Israel kha mōngna leh inhukna kapek sik kae.

HLAHEI 122:6

Jerusalema intōk incham lengna sik a der ruh: “Nang inlungset he’m khang sōt hei rasoh.

HLAHEI 132:11

Nalosōt nôk mak sik jo intepna kha David hneng ka-ôrtak a le’ntep che: “Nasahei kâra inkhat reng kamanchang sik, ama’n nakahnunga vai arôn sik.

HLAHEI 132:15

Atlâksamna rakip a Zion kha pui katluk a kapek sik; asara changna kha sâk leh in vâng kamankhop sik.

HLAHEI 29:11

Rōngpu’n amihei ratha ngarna apek hei, khana mōngna leh inṭhōia vângṭhat apek hei.

HLAHEI 81:16

Tâk-kha nangni chu gehu kaṭhatak vâng kavei sik chei, khana ram khōihning vâng nanning kamathluk pek sik chei.”

ISAIAH 66:12

Rōngpu’n ahri, “Ke’n aka-omsôt sik nei leh hao kajōng rôn pek sik chei; Vânhnōia nei leh hao kha tuidung akakang hêrmak kapōa nanhnenga jōng kalōng sik jo. Nangni kha naidông inkhat anu’n arazen, akut vâng apom, khana lungset a arazen ka-ang sik jo chei.

EZEKIEL 16:13

Nang in sana leh dangka ret naneihei, khana ahei tik a kaprang pōn leh pōn innem ret insyem vânga invon che. Jâmdi kaṭhapena insyem buhlom nasâk khana khōihning leh olive thai sâk sik naneihei. Nahmeṭhat kha kadi rik-rak che, khana nang rengnu hongkachang che.

EZEKIEL 27:17

Judah leh Israel he’n naneinâk thlengna gehu, khōihning, olive thai, khana marim katui anpek che.

LEVI-DÂN 26:6

“Nanrama mōngna kapek sik chei, khana heite ṭitna neiloa kaje tor sik chei. Akakhôk ranhei kha ram shunga man om mak jo hei ning, khana re sōk nôk mak jo ning.

ZECHARIAH 9:8

Ke’n karam hi kahrung sik, khana remihei manpetan mak hei ning. Mihnuk kasehei khan kamihei mansuk manrim mak jo hei ning. Ke’n kamihei heituk a a’nrenghei mo ti kha kahmu jo.”

DÂNRABU INHNINA 32:14

Ansehrat pui, ankepui he’n sene pui katluk a anpek hei, kemōng, ke leh se kaṭhapen, gehu kaṭhapen leh madu ka-ompen vomhrui theiju annei hei.