HLAHEI 146:9 - LEKHARABU INTHENG (BSI)

⁹ Niram shunga ka-om ram hlop mihei kha ahrung hei; ama’n renghmeihei leh nu leh pa insamhei kha a’nthōpui hei, tâk mikaṭhamak-hei chu an-inhmangna sik hlam a aṭhōi hei.

HLAHEI 146:9 ပူးပေါင်းရင်းမြစ်များ

SAMUEL INHNINA 15:31

Ahithophel in Absolom re mantlukna kha ajom jo ti ṭong kha David anhri pek jo pha, ama’n derna anei, “Rōngpu, lungsettak a Ahithophel mansena kha hnemna kase manchang pek roh!”

SAMUEL INHNINA 17:23

Ahithophel in aṭong mantheina antajuipek mak kha ahmu sōt pha ashakōrtung achōnga akhōpuiting inle jo. Innshung ṭong leh hla akimsōa, abinga inkheihlon jo. A-innshung thlâna anvûm jo.

ESTHER 5:14

Khava jâra anuhmei leh aṭhōn he’n mantlukna anleinei, “Heisik a mo metre 22 inshâng mi makhei hlonna rake nasyem mak? Ajîng jîngkâra Mordecai makhei hlonna sik a rengpa hneng nader thei, khava sō leh sâklôma kahōia kasethei sik jo che,” anti. Haman in hivahi akaṭha mandonna kae atia, mi makhei hlonna rake kha alei mansyem jo hei.

ESTHER 7:10

Khava jâra khan Mordecai sik a aleido mi makheina ber a khan Haman kha anleimakhei hlon jo. Khava sōa rengpa hnuknat kha leikadai jo.

ESTHER 9:25

Tâk-kha Esther in rengpa hneng leikase, khana rengpa’n a’nzet ṭongpek inkhat aleimasō khava dungjuia Jehudihei sik a Haman mantlukna vângsetna kha abing chunga leikatlung jo, ama leh asapahei kha mi makheina ber a khan anleimakhei hlon jo hei.

HLAHEI 10:14

Tâk-kha bōina leh khōdeng theina kha nang in nachîk a nahmu, khana inthōpuina sik ahei tik a intluk ṭhak che. Inthōpui kasehei khan nahnenga ho’npek inhlut hei; inthōpui inngei hei kha ahei tik a nabôm hei.

HLAHEI 145:20

Ama inlungset rakip hei kha ahrung hei, tâk akaṭhamak-hei khachu asukset sik hei.

HLAHEI 147:6

Ama’n malung innem hei kha akadom manshâng hei, tâk akaṭhamak-hei khachu raleia akahnur hei.

HLAHEI 18:26

Malung intheng hei hnenga namalung intheng, tâk mikaṭhamak-hei chu nadōi hei.

HLAHEI 68:5

Abek-inn intheng shunga aka-om Pathen khan nu leh pa kase leh renghmeihei kha a-ensui hei.

ṬONGCHÎK-HEI 15:25

Êngkasehei inn kha Rōngpu’n amanhmang sik, tâk renghmeinu karōichu ahukpek sik.

ṬONGCHÎK-HEI 4:19

Kachanga mikaṭhamak-hei hlam khachu jân kapōa inthim, katlu hei, khana an-inpai inthlûkna kha hmutor mak heia kae.

JEREMIAH 49:11

Nu leh pa kaneimak hei kha kahnenga dahlon hei ruh, ke’n ka-ensui sik hei. Nanhmeithai hei kha kei hnenga inhngaithei sik hei.

HOSEA 14:3

Assyria he’n keini ahei tik a’m ahuk tor mak ning, re shakor he’n ahrungtor mak ning. Kanlimhei hnenga, ‘Kan-Pathen, O Rōngpu’ ti nôk mak jo ning, anka-en sik tûte aka-om mak hei hnenga nang in lungset namalârpek heia kae.”

MALACHI 3:5

Chunghnung Rōngpu’n ati, “Ṭong katan sik a nankâra hongkangir sik eng, hmitphedôi kachoihei, mikajônghei, sâkhi kadikmak kapek hei, anṭōn katlohei rathaman kapek mak hei, khana renghmeihei, khana nu leh pa kasehei, khana ram hlop heia inphut hnemna kajōng hei, khana kei kajana anikapek mak hei seng chunga ṭong katan sik.

CORINTHIANHEI INKHATNA 3:19

Ajârchu hiva vânhnōi in kasing tia amandon kha Pathen hmit-hmua chu mikamo kapō kae. Ṭong intheng in ahri kapōa, “Pathen in akasinghei kha, an-insing sakna chânga khan aman-ôk hei”;

DÂNRABU INHNINA 16:11

Nankhōpuia ka-om nansa, nansōk, Levi, khōhme, nu leh pa kase, renghmeihei leh Rōngpu ângkunga inpâk ruh. Hivahi kamukna hmun inkhat a tlo ruh.

JAMES 1:27

Pa Pathen in akadik leh a’ntheng bekṭong tia alo khachu hi kae: nu leh pa kasehei leh renghmeihei khōdengthei pha ensui sik khana raleichung hōn mathlâkna inphut binga sōksōt sik hi kae.