HLAHEI 146:6 - LEKHARABU INTHENG (BSI)

⁶ marvân, ralei leh tui-ôngpui, khana ashunga ka-om rakip kasyempa hneng, a’nngai hei kha mikahōihei kae. Ama chu aṭongtep kha ajui ṭhak a kae;

HLAHEI 146:6 ပူးပေါင်းရင်းမြစ်များ

A’NPHUTNA 1:1

A’nphutbia Pathen in marvânhei leh ralei asyem pha a khan,

HLAHEI 100:5

Rōngpu kha akaṭha kae. alungsetna hi kumleikōa kae khana ama taksen theina hi ahei tik a ka-om.

HLAHEI 115:15

Marvân leh ralei kasyem Rōngpu’n, vâng pek chei rasoh.

HLAHEI 117:2

Eini alungsetna me kha inhnak khana taksenthei achang kha kumleikōa kae. Rōngpu kha choi ka-ân ruh!

HLAHEI 33:6

Rōngpu’n marvânhei hi aṭongpek vâng asyem hei, kani, thla, khana ârsihei hi aṭongpek vâng asyem hei.

HLAHEI 89:2

Nalungsetna kha ahei tik a ka-om ṭhak sik ti kamanhret, ti chu taksenthei nachangna kha chungvân kapōa ka-om ṭhak a kae.

HLAHEI 89:33

Tâk-kha David kalungsetna chu bângmak ning, khana ka’ntepna kha juiloa haimak ning.

HLAHEI 95:5

Ama’n asyemsōt tuipui chunga vai arôn; ama khet tasyem tlâng kachâr chunga kha’num vai arôn.

HLAHEI 98:3

Israel mihei chunga alumlona leh alungset inthlengmak vâng khan ale’ntepna kha atlosōt pek hei. Hmun rakip a mihe’n ni-Pathen torna kha anhmu jo.

SŌKSŌT 20:11

Ni 6 shunga Rōngpu Ke’n raleichung, bōirōk, tuipui, khana anshunga ka-om rakip kaleisyem hei, tâk ni 7 ning khan chu châm le’nhngat eng. Khava jâra Rōngpu ke’n Châmhngat kani kha mahâmṭhat kapek khana a’nthenga kasyem jo kae.

JEREMIAH 32:17

“Chunghnung, Rōngpu, naratha neina leh nahratna vâng ralei leh marvân nasyem hei; nang sik a heite a’ntak om mak.

DANIEL 9:4

Ke’n ka-Rōngpu Pathen hnenga kader khana kamihei setna kalei hrisōt a kae. Ke’n kati, “Rōngpu Pathen, nang kalen che khana keini’n kankaja che. Nang naṭongtep chunga taksenthei kachang che, khana nang inlungset mihei chunga bângtik neilo lungsetna namalâr khana naṭongpek kha natlosōt a kae.

MICAH 7:20

Tenlaia kanpu kanpahei hneng naṭong leitepna kapōa, Abraham leh Jacob sōn leh pârhei, namihei hneng nalungsetna injônjet leh taksenthei nachangna kha namalârpek sik jo hei.

JOHN 1:3

Ama a inphut heirakip Pathen in asyem; asyem rakip ama inṭangna tei loa heite inkhatbek le’nsyem mak.

JOHN 10:34

Jesu’n amasôn hei, “Nan-Dân a Pathen tahri, hing’hin inzet: ‘Nangni Pathen chei kae.’

ṬŌNTLOHEI 14:15

“Heisik a mo hivahi nantatlo? Keini’m nangni kapōa mihring inkhat-hrep ung kae! Keini hi marvân, ralei, tui-ôngpui leh ashunga ka-om rakip kasyempa, akahring ṭhak Pathen sik a, hnemna kase neinâk heia inphut nan-inhesōtna sik a, Ṭong kaṭha kaphôngsōt sik a hiva hmun a akahong ung kae.

DÂNRABU INHNINA 7:9

Rōngpu nan-Pathen hi ama rōk Pathen kae khana taksenthei kae ti hi mandonsōt ruh. Ama inlungset leh aṭongpek kajuihei chunga khang lishing katlunga a’ntepna ajuia alungsetna amalâra kae,

COLOSSIANHEI 1:16

Ama vânga Pathen in marvân leh raleichunga heirakip, hmuthei leh hmutheilo rathla ratha neina, rōngpuhei, vaikarôn leh ṭong kanei rakip asyema kae. Pathen in vânhnōi ralei hi ama sik a, ama vânga asyem kae.

TITUS 1:2

khavakha kumleikōa hringna sik a inhōrna chunga khan akangir kae. Hiva hringna ṭong hi, malei kaseimak Pathen in pha ale’nphut mak hma, aleitep peksa me kae,

HEBREWHEI 6:18

Hiva thlengthei kaemak 2 hi ka-om hei, khahei chunga Pathen amalei seitor mak. Khava jâra ama leh inhukna kachen jo me eini hmaikunga inhōrna adapek me kha kahnet a nimatu tlitna sik inhnaktak a amathok me kae.

ṬONGPHÔNG 14:7

Ama rasa inhnaktak a ka-ônga, “Pathen ṭit ruh, alenna choi manshâng ruh! Ajârchu ama’n mihringhei ṭong atanna sik pha kha kahong jo. Khava jâra marvân, ralei, tuipui leh tuiri kapût kasyempa kamuk ruh!” atia kae.