HLAHEI 143:8 - LEKHARABU INTHENG (BSI)

⁸ Jîngkâr akaia nalungsetna inthlengmak kha amanthei ṭhak roh, ajârchu nang kataksen che. Kaderna nahnenga hong kaketou; kasena sik hlam kha amanhmu roh.

HLAHEI 143:8 ပူးပေါင်းရင်းမြစ်များ

HLAHEI 119:34

Nadânhei kha ahri manchên pek roh khan chu kajui sik jo hei; kamalung pumpuia kada sik jo.

HLAHEI 119:73

Nang in nasyem eng khana nang in nahuk eng; nadân kha ka’nchû theina sik manhret theina eipe roh.

HLAHEI 143:10

Nang ka-Pathen che kae; nalungdo tlo sik kha amanthei roh. Akaṭha kha achang pek roh, inhuk theina hlam a aching roh.

HLAHEI 25:20

Ahrung roh khana ahuk roh; mi tator sik a inphut asan roh. Nahuk sik enga kahei jōn che.

HLAHEI 27:11

Rōngpu, namantlo hnōm eng kha amanthei roh, khana hringna hlamting khan aṭhōi roh, ajârchu inrepui hingja kaneihei.

HLAHEI 30:5

Ama hnuknat chu pha bongkhat rōk kae, khana aṭhatna khachu hringkhō katlung bit sik a kae. Jân pha leh hmit-rathli sōkthei um aja, tâk jîngkâr pha leh ningṭhatna kha kahong.

HLAHEI 32:8

Rōngpu’n ati, “Ke’n nasena sik hlam kamanthei sik che; ke’n kamanse sik che, khana kamanchu sik che.

HLAHEI 42:8

Kei hringna Pathen hneng derna kanei theina sik, khana jân a amanpâkna hla kasak theina sik, Rōngpu’n akatlasam mak alungsetna kha sûn pha hin malâr rasoh.

HLAHEI 46:5

Khōpuia khan Pathen ka-om, suk manset chang hêrmak jo ning; jîng khōvâr hmatak a khava inthōpui sik a kahong sik.

HLAHEI 5:8

Rōngpu ka’nrepui khangtuk hrep katam hei; nalungdo tlona sik aṭhōi roh; nahlam kahro theina sik asyem mantlun roh!

HLAHEI 59:16

Tâk-kha kei chu nahratna kha hla vânga kasak sik; jîngkâr katai nalungset inthlengmak kha hla vâng inshângtak a kasak sik. Nang chu kei inthupna leikachang che, kalei inrenglai katlungna leikachang che.

HLAHEI 86:4

Nasōk kei hringkhō hi amanhōi pek roh, ajârchu kaderna hi nahnenga hong kakea kae.

HLAHEI 90:14

Kanhringkhō katlung bit a inpâkna hla kansak a kanhōina sik jîngkâr katai nalungset inthlengmak kha kanchunga mansip roh,

ISAIAH 30:21

Nangni hlam invaia veiting changting nanse’nchu, nankahnung ting arasa hinga ati nanthei sik, “Hin hlam ka-om. Jui ruh.”

ISAIAH 48:17

Israel Pathen intheng, nankahuk Rōngpu’n ahri, “Kei Rōngpu nan-Pathen eng kae, nangni ṭhatna sik a mantheina akanei hnōm khana nansena sik a hlam akakhing hnōm inkhat eng kha kae.

ṬAJAISUINA 3:41

Marvâna Pathen hneng malung mahlang me sona derna nei rih.

HOSEA 6:3

Rōngpu kha manhretna sik tlo rih. Jîngkâr khōvâra nihnenga kahong nger sik, zerkhōlaia khōsûr in raleia tui apek kapōa.”

ṬONGKATANHEI 13:12

Khava sōa Manoa’n ader, “Nahri hei hi ahongdik pha, pasenai hin heimo atlo sik? Heikhong hringkhō mo ahmang sik?”

SAMUEL INKHATNA 23:12

David in avea ader nôk, “Keilah mihe’n kei leh kamihei hi Saul kut a antapek sōt sik ung mo?” Rōngpu’n amasôn, “Anpek sōt sik chei.”