HLAHEI 135:7 - LEKHARABU INTHENG (BSI)

⁷ Ama’n ralei kimvea inphut thlipui khōpui ajōng manhrâng; thlipui sik a khō ajōng manphe, khana a-inn den shunga inphut thli kha ahong masōsōt.

HLAHEI 135:7 ပူးပေါင်းရင်းမြစ်များ

RENGHEI INKHATNA 18:1

Pha bongkhat sōa, khōkang kum 3 changna, Rōngpu’n Elijah hneng ati, “Se roh natak khet Reng Ahab hneng va’nlâr roh, khana ke’n khō kahei tir sik jo.”

JOB LEKHARABU 5:10

Raleichunga ama’n khō amansûr, hleiheia tui amanlōng.

HLAHEI 107:25

Ama’n ṭong apek a, thlipui inhnak kha kahrâng inphut jo, khana tui in-nông kha akachok manhnak a kae.

HLAHEI 148:8

aṭong kajui khō inphe leh kahre katla, kavur leh sumtuk-hei, thli inhnak-hei Rōngpu kha choi ka-ân ruh.

HLAHEI 78:26

Khana ama’n nisō thli kha amanhrânga, khana ahratna vâng thlang thli khan thlisip amanher;

JEREMIAH 10:13

Ama ṭongpek a bōirōk chunga tui kha khō amanri; ama’n ralei inchaina inphut sumtuk ahei choi. Khōsûr kâra khō inphe asyem, khana akarōi bukna inphut thli kha ahei tirsōt a kae.

JEREMIAH 14:22

Jât-hei limsyem inkhatbek inum khōtui mansûr tor mak ning; bōirōk inum abinga khōtui mansûr tor mak. O, Rōngpu, kan-Pathen, nang chunga keini inhōrna kannei, ajârchu hiva rakip akatlo hi nang che kae.

JEREMIAH 51:16

Ama ṭongpek a, bōirōk chunga khōtui kha inri; ama’n ralei bângna inphut sumtuk ahei choi hei. Ama’n khōtui shunga khō inphe asyem, akarōi manbukna inphut thli ajōngtir.

JONAH 1:4

Tâk Rōngpu’n thlipui kahrattak tuipui chunga amanhrânga, thlipui kha inhnak hêra rakōng kha inhmang nathei katlunga kōirong ati jo.

ZECHARIAH 10:1

Kum shunga zerkhōa sûrtui atlâkna sik Rōngpu hneng der ruh. Mi rakip hleipuk a sabō man-êmna akasyem, khō sumtuk leh khō rahme aheikatir kha Rōngpu kae.

JOHN 3:8

Thli so ahrâng hnō-hnōmna ting kahrâng, nang in arasa nathei, tâk nang in khontinga ahe’nphut a khonting ajōn manhret mak che. Khava kapōa Rathla a a’nte rakip kha khanga katia kae.”