HLAHEI 132:11 - LEKHARABU INTHENG (BSI)

¹¹ Nalosōt nôk mak sik jo intepna kha David hneng ka-ôrtak a le’ntep che: “Nasahei kâra inkhat reng kamanchang sik, ama’n nakahnunga vai arôn sik.

HLAHEI 132:11 ပူးပေါင်းရင်းမြစ်များ

SAMUEL INHNINA 7:12

Nathi leh napusōn hei leh na’nvûm sōm pha, nasapahei kâra inkhat renga kamatung sik khana arengram kamanhnet pek sik.

SAMUEL INHNINA 7:14

Kei apa kachang sik eng, ama kasapa kachang sik. Ama’n atloṭhe pha, pa’n sapa akarâk kapōa kakarâk sik.

SAMUEL INHNINA 7:16

Pha rakip a sōn naneiṭhak sik a kha, narengram ahei tik a kamatung ṭhak sik. Nareng phung hrui inchaitik neimak ning.’”

RENGHEI INKHATNA 1:48

derna aneia, ‘Tuning kareng chang ani kathleng kasōn kâra inkhat ani kasyem pek, khana khava hmutheina ani inhring Israelhei Pathen, Rōngpu kha choi ka-ân rih!’ ati.”

RENGHEI INKHATNA 8:25

Tûnchu, Israelhei Rōngpu Pathen, kapa hnenga naleihri pek kha ama’n malung kahluttak a ajui che kapōa ami he’n anjui che’nchu, asōn inkhat in Israelhei reng akachang sik kae tia nalei intepna ralak-hei hi’m nanit sik a derna kanei che.

THUHMINGHEI INHNINA 6:16

Tûnchu, Israel Pathen Rōngpu, keipa hnenga nalei intepna aralak-hei kha’m nit mathlung hei roh, ama tatlo kapōa asōn he’n inrintak a nadân anjui inchu ankâra inkhat in Israel a ahei tik a reng kachanga vai arôn sik kae tia ahnenga naleihri.

THUHMINGHEI INHNINA 7:18

Napa David hnenga Israel hi asōn he’n ahei tik a vai anrôn sik tia kaleihri kha ke’n kanit sik.

HLAHEI 110:4

Rōngpu’n ka-ôrtak a ṭongtepna aleinei khavakha losōt nôk mak jo ning: “Melchizedek thempu khanghruia kumleikōa thempu akachang sik che kae,” ati.

HLAHEI 89:33

Tâk-kha David kalungsetna chu bângmak ning, khana ka’ntepna kha juiloa haimak ning.

HLAHEI 89:35

“Vōi khat rōk a ahei tik a sik karahming intheng vâng, intepna kanei jo kha: David hneng kamalei seihêr mak ning.

HLAHEI 89:37

Khavakha bōirōk a hlamrin ka-om tak sâkhi thla angir kapōa kahnet a ka-om ṭhak sik,” nati.

HLAHEI 89:5

Naṭōntlo inlak-hei kha marvân he’n hla vâng ansak; mi intheng he’n taksenthei nachangna kha hla vâng ansak, Rōngpu.

MIJAHEI 23:19

Pathen hi, malei kasei mihring kapō changmak. Ama hi malung kathleng lele mihring inkhat changmak. A’ntepna jo rakip kha, ama’n atlo; Ama’n ahri kha intlosōt a kae.

LUKE 1:32

Ama hong kalen sik khana A’nshângpen Pathen Sapa a’nti sik kae. Rōngpu Pathen in ama apusōn David kapōa reng inkhat amanchang sik,

ṬŌNTLOHEI 2:30

Ama kha sânkathem kae, khana Pathen in heiṭong mo atep pek ti kha amanhret: David sōna inphut mi inkhat, David kapōa reng manchang sik a Pathen in ṭong intepna aleinei.

HEBREWHEI 6:18

Hiva thlengthei kaemak 2 hi ka-om hei, khahei chunga Pathen amalei seitor mak. Khava jâra ama leh inhukna kachen jo me eini hmaikunga inhōrna adapek me kha kahnet a nimatu tlitna sik inhnaktak a amathok me kae.

SAMUEL INKHATNA 15:29

Israelhei akalûr Pathen kha maleisei tlomak khana amalung thlengmak. Ama mihring inkhat changmak, amalung thlengmak.”