HLAHEI 127:1 - LEKHARABU INTHENG (BSI)

¹ Inn kha Rōngpu’n asak achangmak inchu, akasak hei ṭōntlo kha hnemna kase kae; khōpui kalen kha Rōngpu’n ahuk mak inchu, repa kahngâk he’n kot kunga akangir hei kha hnemna kase hei kae.

HLAHEI 127:1 ပူးပေါင်းရင်းမြစ်များ

RENGHEI INKHATNA 5:12

Rōngpu’n a’ntepna anit a Solomon kha singna apek jo. Hiram leh Solomon kâra inchamna ka-oma, inhnōmtōna ansyema kae.

THUHMINGHEI INKHATNA 28:10

Ama Bek-inn intheng kasak sik a Rōngpu’n akadeisōt che ti hi namanhret sik kae. Tûnchu tlosōt jo roh, intluktak a tlo jo roh.”

THUHMINGHEI INKHATNA 28:20

Reng David in asapa Solomon hneng ati, “Nabinga intaksenna nei roh khana intluk roh. Ṭōn phut jo roh khana hei-inkhat in naṭōn kha akhârna sik tlomak roh. Ke’n karazen Rōngpu’n a-ompui sik che. Ama’n adahlon mak ning, ama Bek-inna ṭōn tlo sik kha nachai mak kârseng a-ompui sik che.

THUHMINGHEI INKHATNA 29:19

Kasapa Solomon hi naṭongpek rakip a malung akhenga anjui hnōmna sik, khana kaleimantluk Bek-inn asakna sik lungthim ratha pek roh,” atia kae.

HLAHEI 120:1

Khōdeng theina karatō pha, Rōngpu kha kabek a, khana ama’n amasôn eng.

HLAHEI 121:1

Ke’n tlâng ting khō kathlir; kei inthōpui kha khona inphut mo akajōng sik?

HLAHEI 122:1

“Rōngpu inna vase rih!” anti pha, kei le’npâk eng.

HLAHEI 123:1

Rōngpu, navairônna marvân chungting khan kahong en che.

HLAHEI 124:1

Rōngpu kha nihneng ting ale’nṭang mak inchu heimo aleikachang sik me? Masôn roh, O Israel!

HLAHEI 125:1

Rōngpu kataksenhei kha, a’nnok hêrmak leh a’nthon hêrmak sik, Zion tlâng kha leh in-ang hei.

HLAHEI 126:1

Rōngpu’n Jerusalema aheiṭhōi male nôk me pha khachu, rahmang kapō kae!

HLAHEI 72:1

Eh Pathen, reng kha nadikna vânga ṭong atanna sik a manthei roh, naṭongtan kadik kha chen neipui roh,

HLAHEI 78:69

Khana khan marvâna a-inn kapōa, a-Bek-inn kha asak jo; ralei kangar kapōa kahnettak a asyema, pha rakip a inhukna ka-om jo.

ṬONGCHÎK-HEI 16:9

Nang in naṭōn tlo sik namantluk thei, tâk Pathen in natlona chunga hlam akei che kae.

MI INTHEIPA 9:11

Ke’n ahlop khat mandonsōtna kanei nôk, tlân kayâng pa’n ahei tik a mi kheṭhak mak, re kahrângpa’n re torṭhak mak a kae. Mikasingpa’n ahei tik a sâk sik inhmudek mak, malung kasingpa’n haodek mak, tlotorna kanei pa’num ṭōnhmun kalen chendek mak. Mi rakip chunga vângsetna katlung et a kae.

HLAHEI HLA 3:3

Khōpui kahrung he’n kei anhmu enga kae. Ke’n anhnenga kader hei, “Kalungdipa nanhmu mo?”

HLAHEI HLA 5:7

Khōpui kahrung he’n anihmu eng; anmani’n anrachâk eng, anrachi eng; khōpui rape kahrung he’n kalukhu ankeihler pek eng.

ISAIAH 27:3

“Ke’n rahōn hi ka-en ṭhak a tui kachep ṭhak. Tûte’n anmanset makna sik ke’n asûn-ajân kahrung ṭhak a kae.

ISAIAH 56:10

Ama’n ati, “Hlamkakei seng, kamihei gîkna kapek sik a rahōi kasōk hei kha anhmit kacho jo! Anmani’n heite manhret mak hei. Anmani kha ui, mi kahnuk mak, a’nbok hnâma rahmang kasân ka-ang jo hei. Heituk-hrep a akaje hnōm hei mo!

ISAIAH 62:6

Jerusalem, nakur bang heia, ke’n repa kahngâk kaman ngir hei; Anmani kha sûn leh jân a sip timak hei ning. Anmani’n Rōngpu hneng aṭongtep kha amandonsōtna sik antlo sik Khana ahei tik a ama’n anmani kha amahngi makna sik hei antlo sik.

JEREMIAH 51:12

Babylon kurbanghei buhluna sik a mêrchîkna nei ruh. Repa hngâkna kha manngar chet ruh! Repa kahngâk da hei ruh! Akabuhlu sik a rerup da hei ruh!” Rōngpu’n Babylon mihei chunga, atlo sik tia ahri kha atlo jo kae.

JEREMIAH 51:31

Babylon rengpa hneng ṭong inthlung mi abân bâna kahong heia akhōpui bâng rakir manlia kakōi jo tia anhong manthei.

CORINTHIANHEI INKHATNA 15:14

Khana Christa kha akathōisōt mak achang inchu keini tahri manthang sik heite om mak jo; khana nangni tataksen sik um heite om mak jo.

CORINTHIANHEI INKHATNA 3:7

Akalingpa leh atui kasôpa kha heite emak hei. Pathen kha akarôn pen kae; ajârchu ama’n thing kakek kha amankhang kae.

GALATIANHEI 4:11

Nangni sik a kamalung inrim! Kaṭōntlo rakip hei hi hmangna kase nanta manchang sik mo?

DÂNRABU INHNINA 8:18

Nangni haona sik rathahrat nankapek khachu Rōngpu nan-Pathen kae ti hi mandon ruh. Ama’n hivahi atlopek chei ajârchu nanpu-nanpahei leh ale’ntepna kha tuning katlung ajuia kae.

JOSHUA 2:2

Jericho rengpa’n khava ning jân Israel ṭhahrep ram ka-en inthlip kahong hei ti hi aleithei jo,