HLAHEI 119:4 - LEKHARABU INTHENG (BSI)

⁴ Rōngpu nadân kha keini napek ung, taksentak a kantajui sik a namanthei ung.

HLAHEI 119:4 ပူးပေါင်းရင်းမြစ်များ

EZRA 7:21

“Marvân Pathen thempu leh Dân kathem Ezra ngekna rakip kha anpekbâtna sik a tlaitlâk Euphrates ramkeia sêr leh sum katinta rakip hei hneng ke’n ṭong pekna kanei jo hei,

SŌKSŌT 7:6

Rōngpu ṭongpek kha Moses leh Aaron in anleitlo.

JEREMIAH 7:23

Tâk-kha kei anmani Pathen kachangna sik khana anmani kei mipui anchang theina sik a, kaṭong anjuina sik a chu ṭong kaleipek hei. Khana anmani sik a ṭhatthei achangna sik a, kaṭong pek hei dungjuia an-omna sik a kamanthei hei.

EZEKIEL 20:19

Kei Rōngpu nan-Pathen eng kae. Kei dân leh kaṭong pek hei jui ruh.

MATTHEW 28:20

khana kaṭong pek chei rakip hi anjuina sik manthei hei ruh. Khana pha a’nchaina katlunga ahei tik a ke’n ka’nṭhōipui ṭhak sik chei.”

JOHN 14:15

“Nangni’n kei nanilungset a achang inchu, kaṭong pek chei jui ruh.

JOHN 14:21

“Tu achang inum kaṭong pek hei inhlânga akajui mi kha kei inlungset hei kae. Kei ani inlungset mi kha kapa’n amalungset sik kae; ke’num ama kalungset sik khana ama hneng kei khet inlâr sik eng.”

DÂNRABU INHNINA 11:13

“Khan chu, tuninga kapek chei ṭongpek-hei hi jui ruh; Rōngpu nan-Pathen kha lungset ruh khana nanmalung pumpuia razen ruh.

DÂNRABU INHNINA 11:22

“Ke’n kapek chei dân rakip taksentak a jui ruh: Rōngpu nan-Pathen kha lungset ruh, aṭongpek rakip kha tlo ruh, ahnenga taksenthei chang ruh.

DÂNRABU INHNINA 12:32

“Ke’n ṭong kapek chei rakip hei kha tlo ruh, heite hapsa leh losōt tlomak ruh.

DÂNRABU INHNINA 30:16

Tuning kapek chei Rōngpu nan-Pathen ṭongpek-hei hi nanjui inchu, ama nanlungset a, ama nanjuia, adânhei rakip nannit a achang inchu, nangni kakhang sik chei, mi kapung jât kachang sik chei. Nanta hlō sik ram khan Rōngpu nan-Pathen in mahâmṭhat apek sik chei.

DÂNRABU INHNINA 4:1

Khava sōa Moses’n Israel mipuihei hneng aleiti, “Ke’n kamanthei chei dân rakip hi jui ruh, khan chu Rōngpu, nanpu-nanpahei Pathen tapek chei ram kha nanhlōa ka-om thei sik chei.

DÂNRABU INHNINA 4:9

Insing thei ruh! Nanhmit khet a nantahmu jo hei kha nanhring lai seng mahngi makna sik a tlo ruh. Nansa leh nantu hei manthei hei ruh.

DÂNRABU INHNINA 6:17

Ama’n apek chei dân rakip jui ngerna sik intluk ruh.

DÂNRABU INHNINA 6:3

Israel mipuihei, khahei kha rangei ruh khana jui hei ruh! Khan chu nangni sik heirakip kaṭha sik, ratha kaneitak jât hongkachang sik chei khana nipusōnhei Pathen, Rōngpu intepna kapōa khava ram thai omna leh kara sōkna khan ka-om sik chei.

JOSHUA 1:7

Inrin rōk kha inrin roh, inngam roh; kasōkpa Moses’n aleipek che Dân seng kha jui ngerna sik tlo roh. Khavakha ṭhen inkhatbek heisak lo tlomak roh khan chu nasena rakip a chung kasōk sik che.

JOHN INKHATNA 5:3

Ajârchu Pathen ṭongpek nijui hi Pathen nilungsetna kha kae. Khana aṭongpek-hei kha eini sik a a’ntakrei changmak,