HLAHEI 119:21 - LEKHARABU INTHENG (BSI)

²¹ A’nlensak hei kha rasei hei roh. Naṭongpek kajuimak hei kha hâksêrna chen hei rasoh;

HLAHEI 119:21 ပူးပေါင်းရင်းမြစ်များ

PETER INKHATNA 5:5

Khava kapōtak a khangtherhei nangni’n upahei ṭong thōia aka-om nger sik chei kae. Khana nangni nankhenga khat leh khat inzentō theina sik insinsakna nankhōna inkhit ruh. Ajârchu ṭong intheng in ahri: “Pathen in inlensak ahōt, tâk insinsak chu lum alo.”

HLAHEI 119:10

Kamalung pumpuia nang razenna sik a tak intlo eng; naṭongpek akajuimak amanchang mak roh.

HLAHEI 119:118

Nadân kajuimak heirakip kha rahlâng mak che; anmi hōnna ṭōnmantluk hei kha hnemna kase kae.

LUKE 18:14

Jesu’n ati, “Ke’n kahri pek chei kae, Pharisee changloa, ramsêr kaṭheipa kha a-inna a’nle pha Pathen hneng dikna achen jôk a kae. Ajârchu, binga a’nchoi inshâng rakip kha insu-inhnem sik, tâk binga a’nsinsak rakip kha choi manshâng sik kae.”

LUKE 14:11

Ajârchu binga a’nlensak mi kha mansinsak kachang sik, khana abinga a’nsinsak mi kha choi manshâng sik kae.”

MALACHI 4:1

Akahratpen Rōngpu’n ati, “Mi inlensak leh mikaṭhamak-hei, hmei in sapôt akâng kapōa ankângna sik kani kha kahong jo. Khava ning anmani kakângsō sik hei, antaksa khatbek um inhmu mak ning.

HLAHEI 119:110

Mikaṭhamak he’n châng anikam pek ṭhak, tâk naṭongpek eng kha juimak tlomak eng.

DÂNRABU INHNINA 30:19

Tûn nanhnenga thina leh hringna khana Pathen vângpek leh hâksêrna kâra nankadeina sik a kapek jo chei kae, nantakadei chunga khan sâkhi sik a ke’n marvân leh ralei kabek hei. Hringna kha kadei ruh.

DÂNRABU INHNINA 28:15

“Tâk Rōngpu nan-Pathen kha nanjuimak inchu, tuninga kapek chei aṭongpek leh adân rakip kha taksentak a nanit mak inchu, hiva ṭhatmak rakip hi nanchunga katlung sik:

JAMES 4:6

Tâk-kha Pathen tapek maritna kha kangar chet jôk. Ajârchu ṭong intheng in hinga ahri, “Pathen in a’nlensak kha akhar, tâk a’nsinsak kha maritna apek.”

GALATIANHEI 3:13

Tâk-kha Dân tarôn sōt hâksêrna kachen kha Christa kachang joa, eini hâksêrna inphut ning leh hnōma Christa khan amasō jo me; ṭong intheng in hinga, “Tu achang inum thinglera a’nkheihlon kha hâksêr kachen kae,” ati.

DANIEL 4:37

“Khana tûnchu, Nebuchadnezzar ke’n marvân Pathen kha choi ka-ânna, kajana khana lûrna kapek jo. Atlo rakip kha akadik leh akaṭha rōk kae, khana inlensaktak a akatlohei kha thōi amathlaktor heia kae.”

JEREMIAH 44:16

“Nang in Rōngpu rahminga namanthei ung hi keini’n rangei hnōm mak ung.

ISAIAH 43:28

Khana navai karôn he’n kei hmun intheng anmanchok a kae. Khava jâra Israel chunga suk manhmangna kha kahei rôn kae; kami khet hei inzakna kha kamasō kae.”

ISAIAH 42:24

Israel kha inru mikachom hei hnenga tu’n mo apek sōt? Rōngpu amatak in kae, achunga dōina setna nileitlo jo mipa khan kae! Ama’n amadu kapōhrep a omchen mak me, khan chu mansena apek me kha eini’n juimak me.

ISAIAH 10:12

Tâk-kha Rōngpu’n ahri, “Zion Tlâng chunga leh Jerusalem chunga katlo sik kha katlosō pha, Assyria reng kalenpa hi a’nlensakna leh a’nteina hei seng jâra karâkna kapek sik.”

HLAHEI 138:6

Khang hrep a chung inshâng nachang inum, inhnemtak a ka-om hei kha na-ensui hei, khana mi inlensak khan nanga inphut inthup tor mak.

HLAHEI 119:78

Akadik mak a ṭhena anikapek hei, mi inlensak-hei kha inzak hei rasoh; kei chu namansena kha lum lona kanei sik.

NEHEMIAH 9:29

Nang mantheina hei kha anjuina sik a gîkna napek hei, nadân jui sik kha hringna hlam achangjen ravâng, inlensaktak a nadânhei kha anhlonsōt hei. Anrahê kasea naṭong rangei mak hei.

NEHEMIAH 9:16

Tâk-kha kanpu sōnhei kha inlensak hei khana anrahe kase, khana naṭong jui sik hnōm mak hei.

SŌKSŌT 18:11

Rōngpu hi pathen rakip nek a kalen chet ti hi tûnchu ke’n kamanhret jo, ajârchu Israelhei hi Egypt mipui he’n hnōisetak a antlo hei pha hiva ṭōn hi ama’n aleitlo pek hei kae.”

SŌKSŌT 10:3

Khava jâra Moses leh Aaron kase heia reng hneng, “Rōngpu, Hebrewhei Pathen in hing’hin ahri, ‘Heichen katlung mo kahnenga ahong inkun mak sik che? Kamipui he’n kei ankamuk theina sik eng masōsōt jo heiroh.