HLAHEI 119:10 - LEKHARABU INTHENG (BSI)

¹⁰ Kamalung pumpuia nang razenna sik a tak intlo eng; naṭongpek akajuimak amanchang mak roh.

HLAHEI 119:10 ပူးပေါင်းရင်းမြစ်များ

THUHMINGHEI INHNINA 15:15

Judah mi rakip inpâk jo hei ajârchu hiva intepna hi anmalung pumpuia antasyem jo kae. Rōngpu kamukna khan anmani kahōi ansak jo, khana ama’n arahlâng heia ramkei rakip a mōngna apek jo hei.

HLAHEI 119:118

Nadân kajuimak heirakip kha rahlâng mak che; anmi hōnna ṭōnmantluk hei kha hnemna kase kae.

HLAHEI 119:133

Naṭongtep kapōa, katlu makna sik a eida roh; akaṭhamak kha eimantor mak roh.

HLAHEI 119:176

Kemōng inhmang kapōa kalôn-invai jo eng; khava jâra jōng ina nasōk ajōng enroh, ajârchu nadân kha heisak lo tlomak eng.

HLAHEI 119:2

Anmalung pumpuia ama kajuihei, aṭongpek kajuihei kha mikahōihei kae.

HLAHEI 119:21

A’nlensak hei kha rasei hei roh. Naṭongpek kajuimak hei kha hâksêrna chen hei rasoh;

HLAHEI 119:34

Nadânhei kha ahri manchên pek roh khan chu kajui sik jo hei; kamalung pumpuia kada sik jo.

HLAHEI 119:58

Naṭong tepna dungjuia nalungsetna sik eng kamalung pumpui in kader che kae.

HLAHEI 119:69

Mi inlensak khan maleiseia kaṭong anhri, tâk kalungri akhenga namansena hei kha kajui.

HLAHEI 125:5

Tâk-kha akaṭhamak-hei kha karâkna napek hei pha, nahlam kajuimak hei kha’m tlomanrim hei roh. Israelhei chunga mōngna om rasoh.

HLAHEI 23:3

Ama’n athera ratha hratna apek eng. Ama’n aṭongtep dungjuia hlam kadik a aṭhōi enga kae.

HLAHEI 78:37

Anmani ahnenga kajatak a juimak hei; ama leh an-intepna chunga taksenthei changmak hei.

ṬONGCHÎK-HEI 2:13

anmani akadik hringkhō andahlona set inthimna hringkhōa ka-om hei,

ṬONGCHÎK-HEI 21:16

Akaṭha mandonna inphut hlam invâi jo hei khachu thina’n ahngâk ṭhak jo hei.

ISAIAH 35:8

Khava hmun kha hlampui hongkachang sik “Hlamlen Intheng”, anti sik. Mikaset in khava hlamlena khan hrothei hêrmak ning; mikamohei khan khava hlam a kase hei kha hōn mathla tor mak hei ning.

JEREMIAH 3:10

Khana hiseng so leh taksenthei kachangmak Israel nainu Judah khan kahnenga ahong inle inhlemsak a kae; ama amalung intheng mak a kae. Rōngpu ke’n kahri jo kae.”

EZEKIEL 34:6

Khava jâra kakemōnghei kha tlâng leh bung inshânga kalôn lele jo hei. Raleichunga inchai katheksō jo hei, tûte inkhat in jongmak hei, ajongna sik a’m tlomak hei.

HOSEA 10:2

Hōnna lungri kanei mihei kha ansetna jâra tûn antade manrim nger sik kae. Pathen in anchopui kamuk-hei leh, anmaichâm hei kha asuk manset sik hei kae.

MATTHEW 6:24

“Tûte inkhat in akapu 2 sōk chang tor mak; inkhat a-enkada sik a kha inkhat alungset sik; inkhat arazen sik a kha inkhat donmak ning. Nangni’n Pathen leh karōi kha razensap tor mak chei.

COLOSSIANHEI 3:22

Sōk-hei, heirakip a ralei mihring changna nankapu hei ṭong jui ruh, anmanṭhatna chei madu jâra anhmaikung rōk a tlona changloa, Pathen kha kajana nei jâra malung inthengtak a tlo ruh.

JOHN INKHATNA 2:15

Raleichung leh raleichung ta kachang neinâk rakip madu mak ruh. Nangni’n raleichung hi nanmadu’nchu, Pa kha lungset mak chei.

SAMUEL INKHATNA 7:3

Samuel in Israel mipuihei hneng ati, “Nangni’n Rōngpu hneng nanmalung pumpuia nanhong inle’nchu ram hlop hei pathenhei leh pathennu Astarte hei kha nantahlonsōt sik hei kae. Nantaksa pumpui Rōngpu hnenga a’npek sōt sik chei kae khana ama rōk nantakamuk sik kae, khana ama’n Philistihei ratha neina inphut ahuksōt sik chei.”