HLAHEI 119:1 - LEKHARABU INTHENG (BSI)

¹ Rōngpu, Dân dungjuia akahring hei anhringkhō nōrna kase mihei kha mikahōihei kae.

HLAHEI 119:1 ပူးပေါင်းရင်းမြစ်များ

SAMUEL INHNINA 22:22

Ke’n Rōngpu dân kha kajui jo; ka-Pathena inphut inkaisōt mak eng.

RENGHEI INHNINA 20:3

“Mandon roh, Rōngpu, ke’n taksentak a naṭong kajuia nasepa katlo, khana namantlo hnōm eng kha ahei tik a tlo sik a intluk eng.” Khana ama kha rathla kasintek a kaṭap joa kae.

JOB LEKHARABU 1:1

Ram a Pathen inmuk leh ahnenga taksenthei kachang, pase arahming Job inti inkhat leika-om. Ama kha mikaṭha kae, akaṭhamak tlomakna sik insing theitak a leika-om.

JOB LEKHARABU 1:8

Rōngpu’n ader, “Kasōkpa Job kha namanhret mo? Raleichunga ama kapō taksenthei kachang, akaṭha mi inkhatbek um om mak. Ama’n kei akamuk eng khana akadik mak inkhatbek tlomakna sik ama insing theitak a ka-om.”

HLAHEI 101:2

Ka-omchen hi ṭhenakase kachang sik eng. Heitik mo kahnenga akahong sik che? Ka-inna hringkhō inthengtak a ka-om sik eng;

HLAHEI 101:6

Pathena taksenthei kachang hei kha kahnōm sik hei, khana kakhōpuia kaman om sik hei. Pui katluk a malung intheng hei kha, kei inzen sik a kahnōm pek sik hei.

HLAHEI 112:1

Rōngpu kha choi ka-ân ruh! Rōngpu kajana kapek hei kha mikahōihei kae; aṭongpek juia akatlâi hei kha kahōihei.

HLAHEI 128:1

Rōngpu ṭong kajuihei leh aṭongpek a akahring hei kha mikahōihei kae.

ṬONGCHÎK-HEI 11:20

Ṭhatmak indon mihei kha Rōngpu’n ahōt hei, tâk akaṭha katlohei kha alungset hei.

ṬONGCHÎK-HEI 13:6

Akadik in heite inhret mak hei ahrung hei, akadik mak hin set karônhei thōi tlâkna kae.

ṬONGCHÎK-HEI 29:18

Pathen hlamkeina kaneimak jât-hei kha jât invai hei kae. Pathen dân kajuihei kha jât kahōihei kae.

EZEKIEL 11:20

Khava sōa kadân annit sik jo khana kaṭong pek rakip taksentak a anjui sik jo. Anmani kami kachang sik hei, khana kei an-Pathen kachang sik jo eng.

HOSEA 14:9

Mikasing he’n hinna inzet hei hi manhret rasoh, anmalunga inda hei rasoh. Rōngpu hlam chu akadikhei kae, mikadik he’n khahei kha anjuia kahring hei, mikaset he’n andon mak jâra inpai heia katlu ri hei.

LUKE 1:6

Anmani 2 Pathen hmit-hmua mikaṭhahei kae, khana Rōngpu ṭongpek leh dân rakip pui katluk a kajuihei kae.

LUKE 11:28

Tâk-kha Jesu’n aleimasôn, “Khava nek a, Pathen ṭong katheia akajuihei kha heituk a akahōi sik hei mo!” ati.

JOHN 1:47

Jesu’n Nathanael ahnenga akahong kha ahmu pha, ama chungchâng ṭong ahri: “Enruh, Israel inchêntak inkhat so! Achunga ṭhena heite om mak.”

JOHN 13:17

Tûnchu nangni’n hiva dikna hi nanmanhret jo; nangni’n hivahi ṭōn vânga nantlosōt inchu heituk a akahōi sik chei mo!

ṬŌNTLOHEI 24:16

Khana Pathen leh mihring hmit-hmua dik leh dikmak ṭhen theina malung inthengseng kha kanei torna sik torchena a’nṭang eng kae.

CORINTHIANHEI INHNINA 1:12

Hiva raleichunga kanhringkhō, akarôn pena nangni leh ni’nmetna chunga hin Pathen tapek me malung ipna omlo leh inthengna vâng, Pathen maritna ratha neina vâng, mihring singna vâng changloa, nichunga vai arôn ti hi keini malung ṭhen theina hin amanchên jâra inlensakna kannei.

JAMES 1:25

Tâk-kha mihring ning leh hnōma a’nsō puikatluk dân chunga malung akahlut ṭhak hei, môk a anrangei leh antamahngi bât changlo, tâk ṭōn vâng akatlosōt hei kha, anṭōn tlona chunga Pathen in vângṭhat apek sik hei.

ṬONGPHÔNG 22:14

“Tu achang inum apōnsi kasôp inthengpet a khana hringna thingkung kara kasâk sik a ratha kanei khana sōngkot a kahlut a khōpui akatlung kha mikahōihei kae.