HLAHEI 112:9 - LEKHARABU INTHENG (BSI)

⁹ Sarahei kha malung kalentak a apek hei, khana alungsetna kha tlâksam hêrmak; ama kha ratha anei sik khana kajana achen sik.

HLAHEI 112:9 ပူးပေါင်းရင်းမြစ်များ

HLAHEI 111:3

Atlo heirakip kha kajana leh lûrna kasip hei; adikna hei kha kumleikōa sik kae.

HLAHEI 112:3

Ama innshung kha akanei leh akahao khana are-rea kakhang ṭhak sik.

HLAHEI 75:10

Ama’n akaṭhamak-hei ratha hratna kha avōktan sik, tâk akadik-hei ratha kha amanhrat chet-chet sik.

HLAHEI 92:10

Nang in ram sehratche kahrat hei kapōa nasyem jo eng; inpâkna vângṭhat napek jo eng.

HLAHEI 92:11

Ka’nrepuihei tor a an-om kha kahmu jo, khana mikaṭhamak-hei ông rasa kha kathei jo.

ṬONGCHÎK-HEI 14:24

Mikasinghei chu nei leh hao kha tloman a inpek hei, tâk mikamohei chu anmona khan mi’n anmanhret hei.

ṬONGCHÎK-HEI 19:17

Sarahei hneng pekna nanei inchu, Rōngpu hneng namanpûk kapō kae, Rōngpu’n apek male sik che.

ṬONGCHÎK-HEI 21:26

anmani chu antanei hnōm rōk kha chenna sik anmandona antloa kae. Achang inum mikadik khachu, pekna anei tor, khana malung kalentak a apek.

MI INTHEIPA 11:6

Jîngkâr leh khōhleia’m nahmuchi kha tuk roh. Ankhengpet a akakek sik hei mo achangmak leh hmuchi inkhat khan inkhat kanek a akaṭhadet sik mo nang in manhret mak che.

MI INTHEIPA 3:6

jongsōtna sik leh inhmangna sik pha ka-om, manbukna sik leh hlonsōtna sik pha ka-om,

ISAIAH 32:8

Tâk-kha kajathei kachang mi inkhat in malung inthenga ṭōn atlosōt khana akadik a kangir inhnet.

ISAIAH 58:10

von kaṭâm hei thlai nanpek heia khana akachâm hei nanmantlai he’nchu, nankimvea a’nthim kha sûn khōvâr kapō hongkachang sik jo.

ISAIAH 58:7

Nanbu kha von kaṭâm hneng insempui ruh khana inn kaneimak sara kha nan-inna mathlung ruh. Pōnsi derkei kaneimak hei kha pōn pek hei ruh, khana nan-innkō inthōpui sik a hnōm mak tlomak ruh.

MATTHEW 6:4

Khavakha mi manhret lo ṭōn akae sik kae. Khana nanṭōn tlo marûk a akahmu nanpa khan tloman apek male sik chei kae.

MARK 14:7

Sarahei chu nan-ompuisap ṭhak sik hei, nangni’n nanmadu pha rakip a nan-inthōpui thei hei. Tâk kei chu ahei tik a nangnihei leh omsap mak min.

LUKE 11:41

Tâk-kha kōklei leh thleng shunga ka-om neinâk-hei kha sara hneng pek hei ruh, khan chu heirakip beklanga intheng sik jo.

LUKE 12:33

Nanneihei jōr una, sara khōdeng kathei pek hei ruh; nanbinga sik a’nhmang theimak sêrkōk hei inda ruh khana akatlasam hêrmak sik marvâna nei leh hao kha manbuk ruh, ajârchu khahei kha inru’n marûk tor mak khana ra-nge’n sâktor mak a kae.

LUKE 16:9

Jesu’n ahrisa, “Khava jâra kahri pek chei kae: raleichung neivâng ṭhōn insyem ruh, sêr kha atlang pha kumsôt inna nang anleiratō sik che.

LUKE 18:22

Jesu’n kha athei pha, ahnenga, “Nang in natlo sik inkhat alavât; nanei rakip vajōr ina, nasêr kha sara khōdeng katheihei vasempek hei roh, khan chu marvâna karōi nanei sik, khana hong ina kakahnung ajui roh,” ati.

JOHN 13:29

Sonle ṭhahrep in Judas kha ansêr katinta sêrkōk kachoi achang jâra reveia hmangchâk sik a-emak leh misarahei pek sik heikhat incho se rasoh ati kachang sik tia anmandon.

ṬŌNTLOHEI 20:35

Rōngpu Jesu atak-khet in aleihri, ‘Rahlâng kanek a pek hin inpâkna ka-om chet,’ ṭong hi mandonsōt pum a ahlam rakip a hinga rahnak a ṭōntlo hin akatlasam hei bômtorna amannei me ti hi kamalârpek jo chei.”

ṬŌNTLOHEI 4:35

sonlehei kut a anleipek manhlut; khana khava sêr hei kha ama ama khôkna dungjuia ankhenga le’nsem ri hei.

ROMANHEI 12:13

Nannei kha Christian sōpui akatlasam hei insempui hei ruh, nan-inn kha khōhmehei sik mahlâng ruh.

CORINTHIANHEI INHNINA 8:9

Ni-Rōngpu Jesu Christa maritna me kha nangni’n nanmanhret; ama sara changna vâng nangni mikahao nanchangna sik a, mikahao ama kha nangni sik a abinga sara inchang joa kae.

DÂNRABU INHNINA 15:11

Sara khōdeng kathei Israel ṭhahrep nankâra hong ka-om ṭhak sik hei, khava jâra anhnenga pek themna sik ṭong kapek chei kae.

DÂNRABU INHNINA 15:14

Rōngpu’n mahâmṭhat apek chei khana inphut kut kayâng tak a pek hei ruh – kemōng, sâng leh vomhrui juhei.

DÂNRABU INHNINA 24:13

khōhlei katai pōnsi kha tir pek nôk ruh, aje pha ahmang theina sik. Khan chu ama katlâi sik khana Rōngpu nan-Pathen inum nanchunga katlâi sik.

TIMOTHY INKHATNA 6:18

Milak-hei hneng malung kalentak a nei leh hao insempui theina sik, ṭōn kaṭha tloa haona sik, akaṭha kha tlona sik a ṭongpek-hei roh.

HEBREWHEI 13:16

Khat leh khat inbômtōa ṭōn kaṭha tlo sik mahngi mak ruh; ajârchu Pathen malung tlaina sik inthoina kha hi kae.

HEBREWHEI 6:10

Pathen kha akadik katlomak changmak. Ama’n nanṭontlo leh nan-Christian changpui hei tûn katlunga nanpek heia, nanbôm heia, ama sik a lungsetna nantamalâr hei kha mahngi mak ning.

ṬONGPHÔNG 22:11

Tu achang inum mikaṭhamak khan ṭhatmak khanga atlo manjōm nger sik, khana a’nthengmak katlo khan khanga a’nthengmak atlo manjōm nger sik kae; akaṭha khan akaṭha khanga atlo manjōm nger sik, khana a’ntheng khan khanga a’ntheng atlo manjōm nger sik kae.”

SAMUEL INKHATNA 2:1

Hannah’n ader: “Rōngpu’n kamalung hi inpâkna amansip; Ama ṭōntlo pekna eng jâra heituk a a’npâk jo eng mo! Kaka-en kadahei kamanuisō hei; Pathen in a’nthōpui eng jâra heituk a akahōi jo eng mo!

SAMUEL INKHATNA 2:30

Rōngpu Israel Pathen ke’n nang innshung leh nang phungṭhen he’n kumkhōa thempu akachang cheia kei nanta razen sik eng kae tia le’ntep eng. Tâk tûnchu kahri hi kae, khavakha nei hêrmak jo ning. Khava kanek a, kei kajana anikapek hei kha kakaja sik hei, anikahnōise hei kha kahnōise sik hei.