HLAHEI 112:2 - LEKHARABU INTHENG (BSI)

² Mikaṭhapa sahei kha ram shunga hin akahratpen kachang sik hei, ama sōn leh pârhei kha mahâmṭhat anchen sik.

HLAHEI 112:2 ပူးပေါင်းရင်းမြစ်များ

A’NPHUTNA 17:7

“Ke’n nahnenga ka’ntepna hi nang leh natu-nasahei hnunga khang katlunga ahei tik chen a intepna inkhat a kajui sik. Kei hi nang leh natu-nasahei Pathen kachang sik eng.

A’NPHUTNA 25:11

“Kei Ani kahmu Akahring Inkhat Tuikhur” inti hnenga aleika-om Isaac kha Abraham thisōa Pathen in mahâmṭhat aleipek.

HLAHEI 102:28

Kanvonchoi hei kha huk a ka-om sik hei, khana nang hrungna shunga ansōn anpârhei kha inhukna anchen sik.

HLAHEI 25:13

Anmani ahei tik a kahao ṭhak sik hei, khana ansahei kha’n anram kha anhlō sik.

HLAHEI 37:26

Pha rakip a anmani’n pekna a ankut kayâng, milak-hei sêr anmanpûk hei, khana asahei kha anvâng chen hei kha kae.

ṬONGCHÎK-HEI 11:21

Mikaṭhamak-hei kha sôilo jen a karâkna inpek sik hei, tâk mikaṭhahei khachu inphesōt tor sik hei.

ṬONGCHÎK-HEI 13:22

Mikaṭha he’n antu-ansahei dahlon pek sik a karōi annei sik, tâk mikaset-hei karōi khachu mikadik-hei chen kachang sik.

ṬONGCHÎK-HEI 20:7

Sahe’n malung intheng leh akadik katlopa inkhat annei inchu anmahâm kaṭha.

JEREMIAH 32:39

Ke’n anmani hringkhō mantlukna inkhat kapek sik hei: anmani leh ansōn anpârhei ṭhatchômna sik a, pha rakip a kei kajana atanei sik eng hi kae.

ṬŌNTLOHEI 2:39

Ajârchu hivahi Rōngpu ni-Pathen in ama sik a abeksōt nangni leh nansahei khana hmun kahlatak a alaka-om hei hnenga Pathen ṭong intepna kha kae.”