HLAHEI 111:9 - LEKHARABU INTHENG (BSI)

⁹ Ama’n amihei amasōsōt hei khana kumleikōa intepna aneipui hei. A’ntheng leh akahrat hi ama kae!

HLAHEI 111:9 ပူးပေါင်းရင်းမြစ်များ

SAMUEL INHNINA 23:5

Khang’khan Pathen in kasōn kapâr hei kha vâng apek sik hei, ajârchu ama’n ahei tik chen a sik a a’nteppui jo eng, akakōimak sik inhnōmna, a’nthleng mak sik jo intepna kae. Khavakha kei tamadu kae; khavakha kei retorna kae, khana Pathen in alatlosōt sik kae.

THUHMINGHEI INKHATNA 16:15

Pathen intepna kha mahngi hêrmak ruh, khava ahei tik a aka-om ṭhak sik asyem kha,

HLAHEI 111:5

Ama kajana kapek hei sik a sâk leh in amantluk pek hei; aṭongtep kha mahngi hêrmak.

HLAHEI 89:7

Mi intheng hei intûpna khan nang ankaja che; khana nang kajana ankhenga inding hei.

HLAHEI 99:3

Mi rakip in alenna leh alûrna rahming kha anchoi ka-ân sik. A’ntheng kha ama kae!

HLAHEI 99:5

Ni-Rōngpu Pathen kha choi ka-ân ruh; alen in-ongna hmaikunga kamuk ruh! A’ntheng kha ama kae!

HLAHEI 99:9

Ni-Rōngpu Pathen kha choi ka-ân ruh; khana ahmebung inthenga khan kamuk ruh! Ni-Rōngpu Pathen kha a’ntheng kae.

SŌKSŌT 15:11

“Rōngpu pathenhei kâra tu mo nang kapō aka-om? Tu mo nang kapō inlaktak a a’ntheng aka-om? Tu’n mo nang tatlo kapō ṭōn-inlak leh ratha kaneitak akatlo tor?

SŌKSŌT 15:13

Naṭong tepna najui mathlunga, mipui nahuksōt hei kha anhlam nakei hei; Naratha hratna vâng naram inthenga naṭhōi hei.

ISAIAH 44:6

Israel vaikarôn leh akahrung Rōngpu’n, Chunghnung Rōngpu’n hinga ahri: “Kei ahma inkei leh a’nchaina, Pathen inkhat rōk eng kha kae; kei teilo Pathen ralak om mak.

ISAIAH 55:3

“Tûn rangei ruh, kamihei, kahnenga hong ruh; kahnenga hong ruh, nangni’n hringna nanchen sik! Ke’n nangni leh intepna kahnettak kasyem sik, khana David hnenga kaṭongkam mahâmṭhatna kha kapek sik chei.

ISAIAH 6:3

Anmani inkhat leh inkhat inbek hei: “A’ntheng, A’ntheng, A’ntheng! Chunghnung Rōngpu kha a’ntheng kae! Ama lûrna’n vânhnōi ralei kasip sō,” anti.

ISAIAH 63:9

ankhōdeng theina rakip a inphut. Khavakha marvân ngeva inkhat changmak, tâk ankahuksōt Rōngpu ama khet kha kae. Ama lungsetna leh lungkhamna khan ahuksōt hei kae. Ama’n hmalaia inphut aleitinta ṭhak heia kae,

MALACHI 1:11

Raleichung inchaina inkhat a inphut inkhat katlunga mihe’n kajana annei eng. Hmun rakip a bero anro mankhut a khana rahlângthei sik inthoina antōk eng. Ankhenga kei ankaja eng.

MALACHI 2:2

Nanṭōn tlo vânga khan nantakaja sik eng kae. Kaṭong hri nanrangei mak inchu, hâksêrna kapek sik chei kae. Nangni hmangchâk sik a nanta rahlâng neinâk chunga khan kahâksêr sik kae. Kadiktak a chu, khahei chunga kahâksêr jo hei kae. Ajârchu kaṭong pek chei chunga khan kakhôktak a lomak cheia kae.

MATTHEW 1:21

Amanu’n sapa inkhat anei sik, arahming Jesu napho sik kae, ajârchu amihei ansetna inphut ama’n ahuksōt sik hei,” ati.

LUKE 1:49

Akahratpen Pathen in ṭōn kalentak atlopek eng jâra. Ama rahming chu intheng;

LUKE 1:68

“Eini’n Israel Pathen Rōngpu kha choi ka-ân rih! Ama amihei inthōpui sik a kajōnga khana amasō jo hei.

EPHESIANHEI 1:14

Pathen in amihei hneng ale’ntepna eini tachen sik manchênna kha Rathla hi kae, khana amihei hneng pui katluk ning leh hnōm apek sik me manchênna kha hi kae. Ama lûrna kha choi ka-ân rih!

EPHESIANHEI 1:7

Heijâra mo niti’nchu Christa thisen vânga niset arangei mandam jo, khana ning leh hnōma amasō jo me. Khangtuk hrep a apek me Pathen maritna kha heituk a akalen jo mo,

DÂNRABU INHNINA 15:15

Egypt a nangni sōk nanlei changna inphut Rōngpu nan-Pathen in amasō chei kha mandonsa ruh; khava jâra ke’n tûn hiva ṭong hi kapek chei kae.

DÂNRABU INHNINA 28:58

“Hiva lekharabu shunga a’nzet mantheina rakip hi taksentak a nanjuimak inchu khana det-hla leh ṭit ka-om Rōngpu nan-Pathen rahming hi nankaja mak inchu,

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

HEBREWHEI 13:20

Athisen vâng kumsôt intepna chunga mêrchîkna intatkhum Kemōng Kakhem Kalen, ni-Rōngpu Jesu kha thia inphut Pathen in akei mathōi jo. Mōngna Pathen lungdo kha nantlona sik, ama’n akaṭha nanta rangei rakip pek chei rasoh, khana Jesu Christa jâra keini chunga ama tlaina kha intlo rasoh. Khana Christa kha are-rea lûrṭhak rasoh! Amen.

HEBREWHEI 9:12

Christa kha rabuk shunga Hmun Inthengpen kha vōi khat rōk ahlut pha khan, ama’n ke leh sehrat thi inthoina tōk sik a choimak, ama thisen khet kha achoia, eini sik kumsôt hringna ajōng rôn.

ṬONGPHÔNG 4:8

Khava ranhring 4 hei kha inkhat et in mathla 6 sâm annei, ashung avâng hmit he’n akatōmbit heia kae. Sûn leh jân bânglo jena hla ansak: “A’ntheng, a’ntheng, a’ntheng, Rōngpu Pathen Akahratpen kha kae, aleika-om, aka-om, alaka-om sik kha kae.”

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.