HLAHEI 111:10 - LEKHARABU INTHENG (BSI)

¹⁰ Singna sik a hlam khachu Rōngpu kajana pek hi kae; aṭongpek kajui rakip hei chunga ama’n ṭong kadik a atan. Ama hi kumleikōa choi ka-ân sik kha kae!.

HLAHEI 111:10 ပူးပေါင်းရင်းမြစ်များ

JOB LEKHARABU 28:28

Pathen in mihringhei hneng ahri, “Singna sik, Rōngpu kajana nantanei sik kae. Manhret theina sik, ṭhatmak kha nantadahlon sik kae,” ati.

HLAHEI 1:3

Anmani kha kavadung panga thingkung kahmông hei, aphahrep a a’nra khana abō a’nvōi mak kapō hei kha kae. Antlona rakip a chung sōkna annei.

HLAHEI 145:2

Ani katai kamanpâk sik che; are-rea kachoi ka-ân sik che.

ṬONGCHÎK-HEI 1:7

Themna chenna sik a ahma inkeipena Rōngpu kha nakaja sik kae. Mikamo he’n singna hi heitea sakmak hei, khana themna sik inchu hnōm mak hei.

ṬONGCHÎK-HEI 3:4

Hivahi natlo’nchu nachunga Pathen leh mihringhei malung katlâi sik.

ṬONGCHÎK-HEI 9:10

Singna chenna sik a ahma inkeia Rōngpu kajana nanei sik kae. A’nthengpa kha namanhret jo’nchu nang in manhret theina nanei jo kae.

MI INTHEIPA 12:13

Hiva chunga hin, hri sik inkhat rōk laka-om: Pathen kha ṭit roh, khana aṭongpek-hei jui roh, ajârchu hiva sik pena eini hi asyem me kae.

LEVI-DÂN 19:14

Kōr kaset mi kha hâksêr mak ruh khana hmitkacho inkhat hma a’npaina sik heikhat dapek mak ruh. Kaṭong jui ruh; kei nan-Pathen Rōngpu eng kha kae.

MATTHEW 25:21

Akapu khan ahnenga, ‘Kaṭha natlo jo, mikaṭha leh taksen ka-om sōk! Nang aja katlômtek chunga taksenthei kachang che, akatamtak chunga kamanngan sik che kae. Hong roh kei inpâkna hin chen vanei jo roh!’ ati.

MATTHEW 25:23

Akapu khan ahnenga, ‘Kaṭha a natlo jo, mikaṭha leh taksen ka-om sōk! Nang aja katlômtek chunga taksenthei kachang che, akatamtak chunga kamanngan sik che kae. Hong roh kei inpâkna hin chen vanei jo roh!’ ati.

JOHN 12:43

Anmani’n Pathen hnōm pekna kanek a mihring hnōm pekna jôk anmadua kae.

JOHN 13:17

Tûnchu nangni’n hiva dikna hi nanmanhret jo; nangni’n hivahi ṭōn vânga nantlosōt inchu heituk a akahōi sik chei mo!

JOHN 5:44

Nangni inkhat leh inkhat a inphut inchoi inshâng sik nanmadu, tâk Pathen inkhat rōk a inphut choimanshângna chen sik khachu madu mak chei; khava jâra nangni’n heikhong mo nanta taksen tor sik?

ROMANHEI 2:29

Jehudi kadik khet khachu, ashunga Jehudi kachang, amalunga vun katan mi kha kae, hivahi Rathla Intheng ṭōntlo kae, a’nzet Dân tatlosōt changmak. Khang khava mi khan mihring choi ka-ânna changloa Pathen choi ka-ânna achen.

ROMANHEI 2:7

Mi ṭhahrep in ṭōn kaṭha antlo manjōm ṭhak a, lûrna, kajana khana thitik kaneimak hringkhō kha anjong; anmani hneng Pathen in kumsôt hringna apek sik hei.

CORINTHIANHEI INKHATNA 4:5

Khava jâra pha atluk hma nangni’n tu inkhat chunga ṭong tanloimak ruh. Achaina ṭongtan khan Rōngpu ajōngmak kârseng ahngâk nger sik kae; ama’n mihring malung shunga a’n-ip ṭōnmantluk, khō inthim thōia ṭōn marûk-hei kha khōvâra amalârsōt sik hei. Khana mi rakip anrahōi kasōk choi ka-ânna kha Pathena inphut antarahlâng et sik kae.

CORINTHIANHEI INHNINA 4:17

Khana hiva pha bongkhat inrimna ajingte kantathōk hin pha kasôttak a akakhe chet lûrna sik aṭhōi sik ung kae, kan-inrimna kha mahâmṭhatna khan hingja akhe sik kae.

DÂNRABU INHNINA 4:6

Taksentak a jui hei ruh, hivahin nangni heituk a akasing chei mo ti kha jât-hlop hei hneng inlâr sik. Hiva dânhei hi anthei pha, anmani’n anti sik, ‘Heituk a singna leh manhretna mo hiva jât kalen he’n antanei hi!’

PETER INKHATNA 1:7

Khavahei mandonna khachu nantaksenna kadik kha mandangna sik a kae. A’nsetthei sana kha hmen hmei vâng enmansinna ka-om; sana kanek a mankatam nantaksenna khachu akasôt a-omtheina sik a enmansin nger sik kae. Khava sōa Jesu Christa ajo’nlâr Kani ning khan manpâkna leh lûrna khana kajana nangni’n natachen sik kae.

ṬONGPHÔNG 22:14

“Tu achang inum apōnsi kasôp inthengpet a khana hringna thingkung kara kasâk sik a ratha kanei khana sōngkot a kahlut a khōpui akatlung kha mikahōihei kae.