HLAHEI 110:3 - LEKHARABU INTHENG (BSI)

³ Na’nrepuihei leh nan-intuk ning khan, namihei ratha kahroktak a inṭang sik hei. Jîngkâr hmatak a radaitui kapōa naretherhei kha nahnenga, natlâng inthenga khan kahong sik hei.

HLAHEI 110:3 ပူးပေါင်းရင်းမြစ်များ

THUHMINGHEI INKHATNA 16:29

Rōngpu lûrna rahming kha choi ka-ân ruh; inthoina heichoi ruh khana ama Bek-inna hong ruh. A’ntheng Inkhat kha ahong inlâr pha, ahmai kunga inkun ruh;

NEHEMIAH 11:2

Jerusalema aka-om sik a anbinga ahei kasōk hei kha mipui in anleimanpâk hei.

HLAHEI 29:2

Rōngpu rahming kalûr kha choi ka-ân ruh; A’ntheng Inkhatpa kha ahon’lâr pha leh ahmai kunga inkun ruh.

HLAHEI 96:9

A’nthengpa kha ahon’lâr pha leh ahmai kunga inkun ruh; raleichung pumpui ahmai kunga ṭit innok pum a om ruh.

EZEKIEL 43:12

Hivahi Bek-inn sedân kae ti chu: tlâng bilik a akimve ram seng kha akaṭha leh a’ntheng kae.”

MICAH 5:6

Nimrod ram a Assyria mihei kha re hmangchâk ratha neina vânga anmani’n antor sik, khana Assyria he’n nirama re anheitlo pha anmani’n Assyrianheia inphut anhuk sik me.

ṬŌNTLOHEI 1:8

Tâk-kha Rathla Intheng kha nanchunga ajōng pha leh, ratha hratna kasip a nannei sik, khana nangni Jerusalem, Judea leh Samaria ram pumpuia khan chu raleichung achaina katlunga kasâkhi akachang sik chei kae,” ati.

ṬŌNTLOHEI 19:20

Khana Rōngpu ṭong kha ratha kaneitak a inzersōt a kakhang jo.

ṬŌNTLOHEI 2:33

Ama hi Apa, Pathen kut changting matungsōt a ka-om jo, aṭong leitepna dungjuia ahnenga inphut Rathla Intheng achen jo. Tûntûna nantahmu leh nantathei rakip hi kanchunga aheibun mathlâk kutchoi kha kae.

ṬŌNTLOHEI 2:41

Mi katamtak in aṭong hri kha antaksena tuihlut anchen jo; khava ning khan anrup shunga mija 3,000 kapō besa leikachang heia kae.

ṬŌNTLOHEI 21:20

Anrangeisō pha, ankhenga Pathen anleimanpâk jo. Hing’hin anmani’n antipek, “Sōpui Paul, Jehudi lishing heija mo takkasen aheikachang jo hei, khana Dân a hin heituk a anmalung akahlut jo mo ti hi nang in nahmu tor jo.

ṬŌNTLOHEI 4:4

Tâk-kha anṭonghri kathei mi hingja’n antaksena mihring 5,000 kapō leikapungsa hei.

CORINTHIANHEI INHNINA 13:4

Ama thingrake chunga thina katlunga akatlasam achang ravâng, Pathen ratha hratna khan amanhringa kae. Keini ama leh kan-inchun jâra katlâksam ung; tâk nangni leh ni’nchunna shunga Pathen rathahrat jâra ama hringna kha chen nineisap sik a kae.

CORINTHIANHEI INHNINA 8:12

Pek-hnōmna malung nannei inchu, nantanei mak chunga changloa, nantanei pekna chunga khan Pathen in arahlâng sik.

CORINTHIANHEI INHNINA 8:16

Keini kapōa Titus inum nangni bômna sik aratha ahrok jâra Pathen kha heituk a kantamanpâk jo mo!

EPHESIANHEI 1:4

Eini ahmai kunga ṭhenakase a’ntheng nichangna sik, vânhnōi ralei ansyem mak hma inphut Pathen in atâ kachang sik a, Christa leh inchunna shunga aleikadei jo me kae. Ama lungset jâra

PHILIPPIANHEI 2:13

ajârchu ama lungdo kha nanjui hnōmna sik leh nanjui torna sik a Pathen in ahei tik a nanshunga ṭōn atlo kae.

THESSALONIANHEI INKHATNA 4:7

Pathen in jông leh kik kajōm sik a abek me changmak, inthengtak a ka-om sik a abek me kae.

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

ṬONGPHÔNG 7:9

Hivasōa ke’n ka-ena, tûte tatei tor mak sik, mipui katamtak kahmu hei! Anmani kha jât rakip, phung rakip, mi rakip, ṭong rakip a inphut pōn bang ansia kemōngte len in-ongna hmaikunga kahno bō anchoia kangir hei.

ṬONGKATANHEI 5:2

Rōngpu kha choi ka-ân ruh! Israel he’n re tlona sik a intluk jo hei; mipuihei inpâktak a inpek sōt hei.

ṬONGKATANHEI 5:9

Kamalung hi Israel rehlam kakeihei chunga leh mipui sik a inpâktak a a’npek sōt mihei chunga ka-om. Rōngpu kha manpâk ruh!