HLAHEI 107:1 - LEKHARABU INTHENG (BSI)

¹ “Nan-Rōngpu aṭhat jâra manpâkna nei ruh, ama lungsetna kha ahei tik a sik a kae!”

HLAHEI 107:1 ပူးပေါင်းရင်းမြစ်များ

THUHMINGHEI INKHATNA 16:34

Manpâkna kha Rōngpu hneng pek ruh, ajârchu ama kha akaṭha kae; ama lungsetna kha aheitik a kae.

THUHMINGHEI INKHATNA 16:41

Khana anmani leh inṭhōia Heman leh Jeduthun khana ahlopdet a kadeisōt aralak-hei kha kumleikōa Rōngpu lungsetna jâra choi ka-ânna hla kasak sik a ka-om hei.

THUHMINGHEI INHNINA 20:21

Mipuihei leh inbektō sōa, rengpa khan hlakasak hei kha rōi intheng tlona shunga anngaia anret hei kha invonna sik khana remihei hmating hla sakpuma ansena sik ṭong apek hei: “Rōngpu kha manpâk a om rasoh! Ama lungsetna khachu kumsôt a sik kae!”

THUHMINGHEI INHNINA 7:3

Marvâna inphut hmei ajōngkatla leh vâr in Bek-inn asipsō kha mipui he’n anhmu pha, kehlam chunga khan anhmai in ralei an-ena inbok jo hei, ama ṭhatna leh ahei tik a lungsetna anei jâra khan Pathen kha kamukna leh choi ka-ânna annei jo.

THUHMINGHEI INHNINA 7:6

Thempuhei kha anmani mannganna hmun et heia kangir jo hei, anmani anhnget heia Levihei kha kangir hei, David in aleipek hei mahring kanei anmatua kangir heia Rōngpu anchoi ka-ân, David in alei manngan hei kapōa hiva hla hi ansak, “Ama lungsetna kha kumleikōa kae!” anti. Mipui he’n anngir pha, thempu he’n pengkun anheituma kae.

HLAHEI 100:5

Rōngpu kha akaṭha kae. alungsetna hi kumleikōa kae khana ama taksen theina hi ahei tik a ka-om.

HLAHEI 103:17

Tâk-kha Rōngpu kajana kaneihei chunga alungsetna kha ahei tik a ka-om ṭhak, khana aṭhatna khan akhang rakip a ajui ṭhak

HLAHEI 105:1

Rōngpu hneng inpâkna pek ruh, alenna kha phôngsōt ruh. aṭōn tlohei kha jât-hei hneng manthei hei ruh.

HLAHEI 106:1

Rōngpu kha choi ka-ân ruh! Rōngpu kha manpâk ruh, ajârchu ama hi akaṭha kae; alungsetna hi kumleikōa kae.

HLAHEI 118:1

Rōngpu kha manpâk ruh, ajârchu akaṭha kae, khana ama lungsetna khachu kumleikōa kae.

HLAHEI 119:68

Heituk a akaṭha chea, heituk a lungset inhret che mo! Naṭongpek hei kha eimanthei roh.

MATTHEW 19:17

Jesu’n ahnenga, “Akaṭha chungchânga heisa mo nahongder eng? Akaṭha Inkhat rōk ka-om. Kumsôt hringna khan nahlut-hnōm inchu ṭongpek-hei kha jui roh,” atipek.

LUKE 1:50

khang inkhat a inphut khang inkhat katlunga, ama kajana kanei rakip hneng alungsetna amalâra kae.