HLAHEI 106:45 - LEKHARABU INTHENG (BSI)

⁴⁵ Anmani jâra khan aṭongtep kha ahong mandonsōt, khana alungset len jâra anchunga amalung athleng nôk.

HLAHEI 106:45 ပူးပေါင်းရင်းမြစ်များ

SAMUEL INHNINA 24:16

Rōngpu ngeva khan Jerusalem asuk manhmang sik jo pha, Rōngpu’n ami karâk sik hei kha amalung athleng joa mikathat ngeva hneng “Bâng jo roh! Katluk jo!” ati. Ngeva kha Jebush mi, Arauna saphōr hmun hnenga leika-om.

RENGHEI INHNINA 13:23

tâk-kha anchunga Rōngpu’n lungsetna leh maritna anei hei. Abraham, Isaac khana Jacob leh intepna anleinei jâra anmani suk manhmang sik hei kha leihnōm mak a kae. Ama’n amihei kha mahngi hêrmak hei.

HLAHEI 105:8

Aṭong tepna kha ahei tik a ajui ṭhak sik, a’ntepna kha khang 1,000 hei sik a kae.

HLAHEI 135:14

Rōngpu’n amihei asan sik hei; ama’n asōk-hei kha lum alo sik hei.

HLAHEI 136:23

Mi’n anitor phale’m eini amahngi mak; alungsetna kha kumleikōa kae;

HLAHEI 51:1

Nalungset inthlengmak vâng khan marit a arôn roh, Eh Pathen. Namaritna kalen vâng khan kasetna ahni manthengpek roh!

HLAHEI 69:16

Rōngpu nalungset inthlengmak ṭhatna vâng khan amasôn roh; nalungset len jâra khan ajōng hnget roh!

HLAHEI 90:13

Nahnuknat kha heituk mo alakasôt sik? O Rōngpu, nasōk-hei chunga lungset hei roh!

SŌKSŌT 32:14

Khava jâra Rōngpu’n amalung athlenga amihei chunga ṭōnse tlo sik a maṭhitna aleinei kha tlomak jo.

ISAIAH 63:7

Ke’n Rōngpu lungsetna akatlasam mak kha kahri sik; Ama’n eini sik a atlopek me rakip jâra kamanpâk. Ama’n Israel mihei kha katluk set a mahâmṭhat apek jo hei ama maritna leh a’nthleng mak lungsetna jâra khan.

JEREMIAH 18:8

tâk-kha khava jât khan aṭhat makna hlam a inphut anmani an-inhesōt jo’nchu, katlo sik kati kha ke’n tlomak ning.

ṬAJAISUINA 3:32

Ama’n khōdeng theina apekthei me, tâk-kha eini alungsetna me kha inchên khana kangar.

EZEKIEL 16:60

Tâk-kha naipang nachang laia nang leh ni’ntepna kha kei chu kakaja sik, khana ahei tik a aka-om ṭhak sik intepna inkhat kaneipui sik che.

HOSEA 11:8

“Israel, ke’n heikhong mo kamasōtor sik che? Heikhong mo ke’n kadahlon tor sik che? Ke’n Adma kasuk manhmang kapōa, nang kasuk manhmang tor sik che mo, achangmak leh Zeboiim kapōa nachunga katlo tor sik mo? Kamalung in kha amantlo mak ning! Kalungsetna che kha kangar hêra kae.

LEVI-DÂN 26:45

Rōngpu kei hi anmani Pathen changna sik a Egypt a inphut kamihei kaheiṭhōisōt lai, jât rakip hneng karatha neina kalei malârsōt laia, anpu sōnhei leh kalei intepna kha kamanther nôk sik kae.”

AMOS 7:3

Rōngpu’n amalung athlenga ahri, “Natahmu kapōa sōk mak jo ning.”

AMOS 7:6

Rōngpu’n amalung athleng nôk a ati, “Hivahi’m sōk mak jo ning.”

DÂNRABU INHNINA 32:36

Rōngpu’n anmani ratha katlangsō jo ti kha amanhret a, amihei ahuk sik jo hei. Atlona sik heite neimak jo hei ti ahmu pha, ama inzenhei chunga lungsetna anei sik jo hei.

ṬONGKATANHEI 10:16

Israel he’n ram hlop pathenhei kha andahlona Rōngpu kha ankamuk jo; khana Israelhei inrengna chunga ama kachâm joa kae.

ṬONGKATANHEI 2:18

Rōngpu’n Israel kha hlamkakei apek phatina, ama kha Rōngpu’n athlop a ama hring lai seng mipuihei kha ankadōihei kut a inphut ahuk hei. Rōngpu’n lungset a aleirôn hei, ajârchu Israelhei kha inrengna leh suk manrimna thōia inkōia ka-om heia kae.