HLAHEI 106:23 - LEKHARABU INTHENG (BSI)

²³ Pathen in amihei kha suk manhmang jo hei rong aleiti pha, asōk kadeisōt Moses khan Pathen hmaikunga kangira ankasuk inhmang sik ahnuknat kha aleitinga kae.

HLAHEI 106:23 ပူးပေါင်းရင်းမြစ်များ

JOB LEKHARABU 35:8

Nasetna inphut mi ralak-hei kha inrengna anchen khana akaṭha natlona khan a’nthōpui heia kae.

HLAHEI 105:26

Khan chu ama’n asōk Moses leh Aaron kha akadeisōt heia aleitir hei.

SŌKSŌT 32:32

Lungset hei ina ansetna rangei mandam hei roh, tâk narangei mandam mak sik he’nchu namipuihei rahming namazet manhlutna lekharabua inphut kei rahming kha losōt jo roh.”

JEREMIAH 5:1

Jerusalem mipuihei nanhlamdung heia tlân ruh! Nankimvea khō thlir ruh! Nanbinga sik a en kaṭha ruh! Inveina hmunhei injong ruh! Akadik katlo mi inkhat khana Pathen hnenga taksenthei kachang nanhmutor sik mo? Nanhmutor inchu Rōngpu’n Jerusalem kha arangei mandam sik.

EZEKIEL 13:5

Kurbang kasetsa kha hrungmak hei, abang kha’m syem manther mak hei, khava jâra Rōngpu kani ning re tuk ahong pha Israel hi inhuksōt tor mak ning.

EZEKIEL 20:8

Tâk-kha anmani’n kei dōina kangir hei khana ṭong rangei hnōm mak hei. Anmani’n anlim mater ka-om hei kha hlonsōt mak hei khana Egypt hei pathen inmuk bângmak hei. Egypt ram a kahnuk natna inhnaktak kha anmanhretna sik ṭōn tlo sik a kei le’ntluk eng.

EZEKIEL 22:30

Kahnuknat in khava bang asukkhōi pha, ahmun a akangirtor sik leh bang kasyemtor sik khana ram kha asuk manhmang pha akahrung tor sik mi inkhat ke’n kajong, tâk tûte inkhat hmutor mak eng.

MIJAHEI 16:5

Khana ama’n Korah leh akahnung kajuihei hneng ahri, “Ajînga jîngkâra Rōngpu’n tu kha mo ama ta kachang amanhmu sik me; ama ta kachang, atakadei kha maichâma ahnenga amanhlut sik me.

MATTHEW 12:18

“Ke’n kakadei kasōk kha hin ka-om, kalungsetpa, khana achunga kamalung tlainapa kae. Achunga ke’n Ka-Rathla kajōngtir sik, khana ama’n jât-hei hneng kaṭong tanna kha ahrisōt sik.

JOHN 15:16

Nangni’n kei nantakadei eng changmak; nangni nanvase leh kara katamtak kasôttak a a’nra sik a, ke’n nangnijôk kakadei cheia kamanṭang chei kae. Khava jâra hei-achang inum kapa hneng karahminga nantader kha Pa khan apek sik chei.

JOHN 15:19

Nangni vânhnōi ralei ta nanchang inchu, vânhnōi in atâ kapōtak a alungset sik chei kae. Tâk-kha ke’n nangni hiva vânhnōi raleia inphut kakadei chei kae, khana vânhnōi ralei ta changmak chei, khava jâra vânhnōi in nangni antahōt chei kae.

DÂNRABU INHNINA 10:10

“Hma a kapōa, tlâng chunga khan sûn leh jân ni 40 leika-om eng. Rōngpu’n vōi khat nôk kaderna arangei pek enga nangni suk manhmang makna sik kha leikahnōma kae.

DÂNRABU INHNINA 9:19

Rōngpu ahnuknat inhnak kha kalei ṭit hêra kae, ajârchu nangnihei suk manramna sik katlunga ahnuk leikana a kae; tâk Rōngpu’n kaderna hei kha ave nôk a arangei pek eng.

DÂNRABU INHNINA 9:25

“Khava jâra Rōngpu hmaikunga sûn leh jân ni 40 kakhup enga kae, ajârchu ama’n nangni suk manhmang sik a a’ntluk kha kamanhret a kae.

JAMES 5:16

Khava jâra nangni inkhat leh inkhat nansetnahei inhri sōttō una, nandam theina sik inderpek ruh. Mikadik derna khan ratha kaneitak a ṭōn atlo.