HLAHEI 103:19 - LEKHARABU INTHENG (BSI)

¹⁹ Rōngpu’n alen in-ongna kha marvâna amatung; heirakip chunga reng kachang.

HLAHEI 103:19 ပူးပေါင်းရင်းမြစ်များ

THUHMINGHEI INKHATNA 29:11

Nang chu akalenpen akahratpen, akalûr, ngam kanei leh kaja ka-om che kae. Marvân leh raleichunga neinâk heirakip nangta kae, heirakip chunga reng vaikarôn Chunghnung che kae.

THUHMINGHEI INKHATNA 29:12

Karōi neina leh haona nanga inphut kajōng, nang in heirakip chunga naratha neina leh nahratna vâng vai narôn, nang in mi inkhat akalen akahrat a nasyem tor.

HLAHEI 11:4

Rōngpu kha abek-inn intheng shunga ka-om; marvân chunga alen in-ongna anei. Ama’n hmuntina mihei a-ensui hei khana anmani’n heimo antatlo amanhret.

HLAHEI 115:3

Kan-Pathen marvâna ka-om; ama’n amadu seng kha atlo.

HLAHEI 2:4

Marvâna alen in-ongna a inphut Rōngpu’n amanui, khana heite kanimak mantlukna chunga amanuisō hei.

HLAHEI 47:2

Chunghnung Rōngpu kha ṭit sik kae; ama hi rengkalen kae, vânhnōi pumpui vaikarôn kae.

HLAHEI 9:7

Tâk-kha Rōngpu khachu kumsôt Rengpa kae, ama’n alen in-ongna kha ṭong tanna sik a amatung.

ISAIAH 66:1

Rōngpu’n ahri, “Marvân kalen in-ongna kae, khana ralei kake man ngamna kae. Nangni’n kei sik a heikhong khova inn mo nantasak tor sik, ka-omna sik kha heikhong khova hmun a mo?

DANIEL 4:17

Hivahi insing theitak a akajōng ngeva ṭong mathlâk kae. Khava jâra Chunghnung Pathen in mihringhei rengram chunga ratha anei khana ama’n akadei, mi katlasamtak hnenga achang inum apektor ti hi mi rakip in manhret hei rasoh.’

DANIEL 4:25

Nang hi mihringhei kâra inphut hnongsōt sik che kae khan ramshahei leh kalengsap sik chei. Kum 7 sehratche inkhat kapōa phi nasâk sik, ramhânga karek sik che, khana nachunga radaitui katla sik. Chunghnung Pathen in mihring rengram rakip chunga vai arôn, khavakha ama’n akadeisōt mi inkhat hneng apektor ti kha kahnōm sik jo che.

DANIEL 7:14

Ama kha phung leh jât ṭong rakip in anrazenna sik ama kha ratha neina, kajana khana reng ratha kha anpek jo. Ama ratha neina kha ahei tik a ka-om sik, khana arengram ahei tik a bângmak ning.

HEBREWHEI 8:1

Hinahin eini’n nihrinapen khachu: marvâna Akalûrpen Pathen len in-ongna changting a’n-ong Thempu Kalen inkhat ninei.

PETER INKHATNA 3:22

Ama marvâna kakea, Pathen changting ka-oma, ngeva rakip leh marvâna vaikarôn rakip khana ratha kanei seng chunga vai arôn jo.