HLAHEI 103:14 - LEKHARABU INTHENG (BSI)

¹⁴ Ama’n eini hi heivânga mo a’nsyem me amanhret; vaiphin nichang kha ama’n amandonsōt.

HLAHEI 103:14 ပူးပေါင်းရင်းမြစ်များ

A’NPHUTNA 2:7

Khava sōa Rōngpu Pathen in raleia inphut matlak aloa, pase inkhat aleisyem. Ama’n ahnâr khura hringna kaphuk amasa khuma pase kha mihring hongkachang jo.

A’NPHUTNA 3:19

Ṭōn rahnak a natloa raleia heikhat mankekna sik natlo sik kae; nataksa inphut ahong kasōk narathlen man na’nsâk sik kae. Nang raleia inphut ansyem che kae khana raleia na’nle mak kârseng hinga natlo sik jo kae.”

JOB LEKHARABU 10:9

Matlak a inphut nasyem eng ti hi mandonsōt roh; vaiphina kahnur rabun male sik a mo namandon eng?

JOB LEKHARABU 13:25

Kei hi maṭhit sik a a’ntluk che mo? Kei chu heite changmak eng, thingbō kapōhrep eng kae; nang in sapôt kachâr inkhat hi buhluna sik a natlo jo.

JOB LEKHARABU 7:21

Kasetna hi narangei mandam tor hêrmak eng mo? Kalei tloṭhena kha narangei mandam tor hêrmak eng mo? Kei inranga kathlân khura ka-om sik jo eng, khana nang in nahei jong eng pha chu kei leiom mak jo ning.

HLAHEI 89:47

Mandon roh, kahringkhō hi heituk a kabong mo; kankhenga akathitheia nasyem ung hi mandon roh!

MI INTHEIPA 12:7

Nitaksa ravōi ralei vaiphina inle sik, khana hringna kaphuk hi anikapek Pathen hneng inle sik jo.

ISAIAH 29:16

Anmani’n heirakip akhup alet a antlo. Matlak leh be kasyempa kha kho jôk mo apui karôn kachang? Mi inkhat tasyem neinâk khan akasyempa hneng, “Nang in asyem mak che,” atithei sik mo? Achangmak leh, “Nang in natlo kha manhret mak che,” atithei sik mo?