HLAHEI 102:26 - LEKHARABU INTHENG (BSI)

²⁶ Khahei seng kha inhmang sik hei, tâk nang chu ka-om ṭhak sik che; khahei khachu pōnse hei kapōa inhler sik hei. Pōnhei kapōa nalathleng sik hei, khana inhmang sik hei.

HLAHEI 102:26 ပူးပေါင်းရင်းမြစ်များ

RENGHEI INHNINA 19:15

derna anei, “O Rōngpu, Israelhei Pathen, ranhring mathla kaneihei chunga reng in-ongna kaneipa, nang rōk vânhnōi rengram rakip chunga vaikarôn Pathen che kae. Nang in ralei leh marvân nasyema kae.

JOB LEKHARABU 38:4

Raleichung kasyemlai khan nang aleika-om che mo? Nang in namanhretna katamtak nanei inchu, khava chungchânga ahri pek roh.

HLAHEI 102:12

Tâk-kha O Rōngpu nang chu kumleikō reng che kae; akhang rakip in nang anmandonsōt sik che.

SŌKSŌT 3:14

Pathen in, “Kei kha Kei eng kae,” ati. “Anhnenga nahri pek nger sik hei khachu, ‘Arahming KEI ENG kati inkhat khan nanhnenga ajōngtir eng kae,’ vati roh,” ati

ISAIAH 34:4

Kani leh thla, khana ârsihei kha ahar-ahak a vaiphin kapōa innoi sik jo hei. Marvân kha lekha inze kapōa inze sik joa kha inhmang sik jo, khana ârsihei kha theichangbō achangmak leh vomhrui theibō ṭi kapōa kaṭi sik jo hei.

ISAIAH 51:6

Enroh, chunga marvânhei so, enroh raleichung um! Marvân kha hmeikhu kapōa inhmu mak jo ning; raleichung hi pōn marō kapōa kaṭetdâk sik jo, amihei seng kha mathōi kapōa kathisō sik jo hei. Tâk-kha kajōng rôn hukmanhringna khachu ahei tik a ka-om ṭhak sik; karetorna kha achaina kachang sik.

ISAIAH 65:17

Rōngpu’n ahri, “Ke’n ralei ther leh marvân ther kasyem. Aleikasōksa omchen marō hei kha mahngisō pet jo kae.

ISAIAH 66:22

“Kei ratha hratna vâng ralei ther leh marvân ther hei aka-omsôt sik hei kapōa, nansōn nanpâr hei leh nanrahming ka-omsôt sik.

MATTHEW 24:35

Marvân leh ralei chu inhmang sik, tâk kei ṭongrahme hei chu inhmang hêrmak hei ning.

LUKE 21:33

Marvân leh ralei chu inhmang sik, tâk kei ṭong chu inhmang mak ning.

ROMANHEI 8:20

Ajârchu kutsyem kha abitin hui mathlung mak tia maset inpek jo, abing lungdo changmak, tâk Pathen in hinga sik tia alungdo kha kae. Kha’num inhōrpuina sik hi ka-om,

ṬONGPHÔNG 20:11

Khava sōa len in-ongna kachek akalen leh achunga a’n-ong mi inkhat ke’n kahmu. Ahmai kunga inphut marvân leh ralei katlânsōt heia inhmu mak jo hei.

ṬONGPHÔNG 21:1

Khava sōa marvân ther leh ralei ther ke’n kahmu. Hma-inkei marvân leh ralei marō, khana tuipui inhmu mak jo.