HLAHEI 102:14 - LEKHARABU INTHENG (BSI)

¹⁴ Amanu kha anleisukset jo’num nasōk he’nchu anlungset; amanu kha inhmanga aleiom jo’num anmani’n lungkhamna annei.

HLAHEI 102:14 ပူးပေါင်းရင်းမြစ်များ

EZRA 1:5

Khava sōa Judah leh Benjamin phunga alu kachang hlamkakei, thempu leh Levihei khana Pathen in malung mathokna apek hei kha akase sik a leh Jerusalema Rōngpu Bek-inn sakna sik a intluk jo hei.

EZRA 7:27

Ezra’n ati, “Kanpu kanpahei Pathen, Rōngpu kha choi ka-âna om rasoh! Ama’n rengkalen kha Jerusalema Rōngpu Bek-inn kajana kha hing’hin amannei jo.

NEHEMIAH 1:3

Anmani’n antamanthei eng khachu khava akahringa aka-om hei khana an-inn ramting ahong inle hei kha khōdeng katheitak a ka-om hei, khana anhnenga aka-om ram hlop mihe’n anhnōise hei tia anleihri. Anmani’n anhrisa a, Jerusalem bang kha kakōia laka-om ṭhak khana akekot-hei kha anro mankâng ninga inphut lasyemsōt mak hei anti.

NEHEMIAH 2:17

Tâk-kha tûnchu ke’n anhnenga kahri, “Enruh eini hi heituk a khōdeng theina aka-om jo me mo, ajârchu Jerusalem hi inhmanga ka-om jo, khana akekot-hei hi’m ansuksetsō jo hei! Khōpui banghei hi sakmanther jo hei rih, khana ni-inzakna hi manbâng jo rih.”

NEHEMIAH 2:3

kalei masôn, “Reng Kalûr ahei tik a hringṭhak roh! Heikhonga mo kanpu kanpahei leivûmna khōpui inhmang leh akekot hmei takângsō jo kha malung kachâmtak a ka-ena aka-om tor sik eng?”

NEHEMIAH 4:10

Judah mihe’n anta leisak hla inkhat leika-om: “Phur kahrik karôna katlasam ung; Akakōi jo ṭek losōt sik hingja ka-om. Heikhonga mo tuning bang kha kantasak tor sik?”

NEHEMIAH 4:2

Aloihei leh Samaria remihei hmaikunga ama’n ahri, “Hiva Jehudi mi inrenghei tatlo hi heimo kae? Anmani’n khōpui kha sakmanther sik tia antamandon mo? Anmani’n inthoina annei leh ṭōn kha ni khat a a’nchai torbât sik tia antamandon mo? Anmani’n hlung kakâng a’nbuk hei khana inphut insakna hlunghei antasyemtor sik mo?”

NEHEMIAH 4:6

Khava jâra keini bâng kha khang’khan kansak ther a kae, khana inrangtak a a’nshâng kha aṭim ahei phak jo, ajârchu mipuihei kha pôn kathōtak a inṭang heia kae.

HLAHEI 119:126

Mipui in nadân kha anjuimak jâra, Rōngpu, hivahi nang ṭōn phutna sik phatak jo kae.

HLAHEI 79:1

Eh Pathen, jât-hlop he’n naram re anhongsō jo, nabek-inn intheng kha anmanbōk jo, Jerusalem kha anmanset chera andahlon jo.

ISAIAH 14:1

Rōngpu’n ami Israelhei avea vōi khat alungset nôk sik hei khana ata kachang sik a akadei sik hei. Ama’n anrama ka-om sik a aheiṭhōi male nôk sik hei, ram hlop mihei leh anmani ka-omsap sik a kahong sik hei.

ISAIAH 40:2

Jerusalem mihei mathok hei ruh. Ankhōdeng theina kasôt jo, khana tûnchu ansetnahei rangei mandam jo kae tia hripek hei ruh. Ansetna jâra ke’n katluk set a karâkna kapek jo hei.”

ISAIAH 51:3

“Ke’n Jerusalem hneng, khava inhmangna shunga aka-om hei seng hneng lungsetna kamanhmu sik hei. Aram kha nêrdiram aleichang jo’num, rahōn inkhat a kasyem sik, Eden rahōn kaleisyem kapōa. Inpâkna leh ningṭhatna, khana khan ka-om sik khana kei choi ka-ânna leh manpâkna hla ansak sik.

JEREMIAH 29:10

“Rōngpu’n ahri, ‘Babylona kum 70 atlang pha, ke’n nangni sik kamandon kha kamanhmu sik chei, khana nangni inna kaheiṭhōi nôk sik chei tia ka ṭongtep kha ke’n katlosōt sik kae.

JEREMIAH 30:18

Rōngpu’n ahri, “Kamihei kha anrama kaman om nôk sik hei, innshung rakip kalungset sik hei; Jerusalem sakmanther nôk sik kae, areng-innpui matung nôk sik kae.

DANIEL 9:16

Nang in keini hmalai khan naleihrung jo ung, khava jâra Jerusalem chunga nahnuk mannat mak jo roh. Hivahi nakhōpui, a’ntheng nahmebung kae. Keini setna leh kanpu sōnhei ṭhatmak jâra sir leh panga ram he’n Jerusalem leh namihei chunga anhmu masi heia kae.

RUTH 1:6

Pha ṭhahrep sōa Rōngpu’n amihei sâng leh be kaṭha amankhôm heia vâng apek jo hei tia Naomi’n aleithei jo, khava jâra ahmōinu hei leh Moab ram dahlon sik a le’ntluk jo.