HLAHEI 102:1 - LEKHARABU INTHENG (BSI)

¹ O Rōngpu, kaderna arangei pek roh, khana inṭangpui sik a ka-ôngna kha athei pek roh!

HLAHEI 102:1 ပူးပေါင်းရင်းမြစ်များ

THUHMINGHEI INHNINA 30:27

Thempu leh Levihei khan mipui sik a mahâmṭhatna Rōngpu hneng anleider. Marvâna a-inna inphut Pathen khan anderna kha athei pek hei khana arahlâng heia kae.

HLAHEI 12:5

Rōngpu’n ati, “Tâk-kha, tûn kei kajōng sik eng ajârchu akatlasam hei kha ansuk manrim jo hei tlo manrima aka-om hei annat ande hla a inkōi jo hei. Antarangei inhrungna kha kapek sik jo hei.”

HLAHEI 143:4

Khava jâra ṭhatmak masō sik a intluk jo eng; kamalung hi kakōi hêr jo.

HLAHEI 143:7

Tûnhin amasôn roh, Rōngpu! ka’nhōrna rakip kha katlangsō jo. Kei a’nthupde mak roh, kha achang ma’nchu kathirama akase hei kâra inveisa sik jo eng.

HLAHEI 145:19

Ama kajana kapek hei tarangei rakip apek hei; anṭap rasa athei pek hei khana ahuk hei.

HLAHEI 18:6

Ka’nrim pha Rōngpu kha kabek; ka’nthōpui sik a ka-Pathen kha kabek. Abek-inn shunga karasa aleithei; inthōpuina sik a kaṭana rasa kha arangei pek eng.

HLAHEI 39:12

Rōngpu, kaderna rangei roh; khana kapengna athei pek roh; nahnenga kaṭap pha kakabôm sik ahongpek roh. Kapu kapahei kapōa, pha bongkhat sik a khōhme hrep eng kae.

HLAHEI 42:4

Pha kasesa hei kha ke’n kamandonsōt a kamalung kakōi, ti chu Pathen inna mipuihei leh inṭhōia kanselai khana mipuihei kha hlam hmakakei heia kajōnpuilai hei, ning kaṭha mipuihei khan hla ansak a, ka-ông heia Pathen anmanpâk.

HLAHEI 5:2

Kareng leh ka-Pathen, inthōpuina sik a kaṭana eirangei pek roh, O Rōngpu nahnenga kader che;

HLAHEI 61:2

Inhōrna neiloa, inna inphut kahlatak a nang kabek che! In-ungna hmun a khan aṭhōi roh,

HLAHEI 62:8

Kamihei, pha rakip a Pathen kha taksen ruh! nankhōdeng theina rakip hei kha manthei ruh; ajârchu ama hi ni’n-ungna kha kae.

HLAHEI 77:3

Pathen kha kamandon pha, inrengber eng; ama kha kamandon pha, malung tlâkna kanei.

SŌKSŌT 2:23

Kum ṭhahrep sōa Egypt rengpa kha kathi jo, tâk Israelhei khachu ansōk changna inkōia ka-om ṭhak hei khana inṭangpui rangeia ka-ông ṭhak hei. Anka-ông rasa kha Pathen hneng katlunga,

ṬAJAISUINA 3:44

Nahnuknat sumtuk kha insa reia kanderna hei che khan petan tor mak jo.

ṬAJAISUINA 3:8

Ke’n kare inshângtak a inthōpuina sik a kapeng eng, tâk-kha Pathen in arangei pek mak.

LUKE 22:44

Ama’n adehla reia, malung kahlutchet a ader a arathlen thisen rahme kapōa raleichunga jōngkatla jo.

HEBREWHEI 5:7

Ama thina inphut tu’n mo ahuksōt tor sik, tia Pathen hneng Jesu’n raleichunga ahring lai hmit-rathli pum a ka-ônga angêk a kae. Ama insinsak tak a a’npek sōt achang jâra, Pathen in aderna athei pek jo.

ṬONGKATANHEI 10:16

Israel he’n ram hlop pathenhei kha andahlona Rōngpu kha ankamuk jo; khana Israelhei inrengna chunga ama kachâm joa kae.

SAMUEL INKHATNA 9:16

“Ajîng kania hiva pha hin ke’n Benjamin phunga mi inkhat nahnenga kahei tir sik; ama kha kami Israelhei vai karôn sik a thai manthi roh, ama’n Philisti heia inphut ahuk sik hei kae. Kamihei inrengna kahmu jo khana inthōpuina sik a anpengna kathei jo.