HLAHEI 101:3 - LEKHARABU INTHENG (BSI)

³ akaṭhamak kha en-hnâmhêr mak ning. Pathena inphut a’nhesōt jo hei inhling inkâi kha kahōt; anmani leh chen heite neisap mak ning.

HLAHEI 101:3 ပူးပေါင်းရင်းမြစ်များ

JOB LEKHARABU 31:1

Nuhmei inkhat hneng madu hmit-enna enmak ning tia, kei lungri tak a intep jo eng.

HLAHEI 119:113

Nang kajana pui katluk a akaneimak hei kha kahōt hei, tâk ke’n nadân kha kamadu.

HLAHEI 119:37

Naṭongtep dungjuia kei sik akaṭha chang roh; hnemna kasea kamalung manhlut sik a inphut eidasōt roh.

HLAHEI 125:5

Tâk-kha akaṭhamak-hei kha karâkna napek hei pha, nahlam kajuimak hei kha’m tlomanrim hei roh. Israelhei chunga mōngna om rasoh.

HLAHEI 139:22

Anmani kha pui katluk set a kamater hei; anmani kha kei inrepuihei kae tia kalo jo hei.

HLAHEI 14:3

Tâk-kha anmani ankhenga dikmak jo hei; anmani ankhenga in-ang et a ṭhamak jo hei. Akaṭha katlo inkhatbek om mak hei, om hêrmak hei.

HLAHEI 36:3

Anṭonghri kha ṭhamak khana maleisei kasip phet; akasing leh akaṭha ṭōntlo hêrmak jo hei.

HLAHEI 39:1

Ke’n kaleihri “Ke’n kaṭōn tlona chunga insing thei sik eng khana kamalei hin setna amantlo mak ning; mikaṭhamak-hei kahnenga an-om pha leh ke’n heite hrimak ning.”

HLAHEI 40:4

Rōngpu kataksen, limting a’nhemak, khana Pathen kadikmak hei inmukmak hei kha mikahōihei kae.

HLAHEI 41:9

Kaṭhōn kaṭhapen, kataksenpen inkhat, bu kasâkpuisap inkhat khan, kei kadōia inṭang joa kae.

HLAHEI 78:41

Ave-avea Pathen kha enmansinna anleinei khana Israelhei Pathen Inthengpa kha ahnuk anleimannat.

HLAHEI 78:57

anpu anpahei kapōa rahe kase leh ṭong kajuimak kae jo hei, thepui intlunmak kapōa taksenthei changmak hei.

HLAHEI 97:10

Akaṭhamak kahōt hei kha Pathen in alungset hei; ama’n amihei hringkhō ahrung pek hei; akaṭhamak rathahrat a inphut akeisōt hei.

SŌKSŌT 20:17

“Mihlop inkhat innhlō chunga nanthang manset mak ruh, anuhmei, asōk-hei, aranhei, asakōrtung hei, a-emak leh akarōi hei-inkhat chunga madu mak ruh.”

SŌKSŌT 32:8

Anmani’n antajui sik a kaṭong pek hei kha andahlon jo; sana anmanjora sehratche ansyema ankamuk jo, ahnenga inthoina antlo jo. Anmani’n khavakha Egypt a inphut anhong kaṭhōisōt an-pathen anti jo.

ṬONGCHÎK-HEI 6:12

Hnemna kase, mikaṭhamak he’n maleisei anhri lelea kalôn hei.

ṬONGCHÎK-HEI 6:13

Nang hōn mathlâkna sik a anhmit anmakhap a an-enlele chea kae.

ṬONGCHÎK-HEI 6:25

Anhmeṭhat khan mathlemna mathlâk mak che rasoh, anhmit makhap khan surmak che rasoh.

ṬONGCHÎK-HEI 8:13

Rōngpu kajana nei hi akaṭhamak materna kha kae; êngkase leh mi inlensak, akaṭhamak omchen leh ṭong kadikmak kamater.

MI INTHEIPA 6:9

Hivahi hnemna kase kae; hivahi thlihrâng manlōi kapō kae. Pha rakip a madua omṭhak kanek a nanei kha natlâipui sik kha kaṭha jôk.

ISAIAH 30:11

Kanhlam akhâr pek mak ruh, sesōt ruh. Nangni Israel Pathen intheng chungchânga rangei hnōm mak ung.”

ISAIAH 33:15

Nangni’n ṭongdik nanhria akaṭha nantlo’nchu kahringtor sik chei. Sarahei hōnna sik a nanratha hmangmak ruh, khana sêrmarûk sâk mak ruh. Mi thatna sik leh ṭōnse tlona sik a mantlukna kaneihei kâra invei mak ruh.

JEREMIAH 22:17

Tâk-kha nang chu nabinga phâmrai setna rōk kha nahmu; ṭhena kaneimak nathat hei khana namihei hnuk kasetak a nasuk manrim hei. Rōngpu’n ahri jo.

MICAH 2:2

Anmani’n hlei anmadu pha, khavakha ansur; inn anmadu pha, anlo hei. Tûte inkhat innshung karōi kha hrung theina om mak a kae.

ZECHARIAH 8:17

Inkhat in inkhat inhmangna sik a intlo mak ruh. Akadik mak a inhâksêr mak ruh. Maleisei, akadik mak, innâk-inse ke’n kahōt.”

MATTHEW 5:28

Tâk tûn ke’n kahri pek chei kae: mi inkhat in nuhmei inkhat en kadikmak a a-en inchu mi kha amalunga akajông jo kae.

ROMANHEI 12:9

Lungsetna kha pui katluk a malung intheng chang rasoh. Akadik mak mater ruh, akaṭha kha matutlit ruh.

GALATIANHEI 4:9

Tâk tûnchu nangni’n Pathen kha nanmanhret jo, Pathen in nangni amanhret jo chei kati sik, khan chu heikhonga mo akatlasam leh heite kaemak vaikarôn rathlahei hneng inle nôk sik a nanta madu? Heisa mo anmani sōk chang nôk sik nanta madu?

DÂNRABU INHNINA 13:17

Manhmang sik a maset jo neinâk inkhatbek nangni sik a inda mak ruh, khan chu Rōngpu’n ahnuknat a inphut hong inhe sik a kha alungsetna kha amanhmu sik chei. Nanpu-nanpahei hneng ale’ntepna kapōa,

DÂNRABU INHNINA 15:9

Bat bângna kum ahong hnai jâra ahnenga heikhat manpûk sik hnōm mak tlomak ruh. Khava ṭhatmak kha mandon mak ruh. Sêrpûk nanpek hnōm mak inchu, ama’n Rōngpu hneng nangni kadōia kaṭap sik, akaṭhe kachang sik chei.

HEBREWHEI 10:39

Eini chu hnung inlea a’nhmanghei kha changmak me. Khava kanek a taksenna nineia huksōt jo me kha kae.

JOSHUA 23:6

Khava jâra aṭong juina khan inrin ṭhak ruh, khana Moses Dânrabu shunga a’nzet rakip kha tlo ruh. Aṭhen inkhatbek donloa tlomak ruh,

PETER INHNINA 2:21

Anmani’n akadik hlam kha anmanhret sōa ṭongpek inthenga inphut an-inhesōt nôk sik kanek a antamanhret hêrmak sik kha akaṭha jôk kae.

JOHN INKHATNA 2:19

Hiva mihei hi eini inloikhômna mi changmak hei, khava jâra andahlon jo me; eini rup-mi anleichang inchu nihnenga aleika-om sik hei kae. Tâk-kha anmani inkhatbek eini rup-mi changmak hei ti hi a’nchên theina sik a anmani kasesōt jo hei.

SAMUEL INKHATNA 15:11

“Saul reng kamanchang hi kamalung hōimak jo; keia inphut inhesōt a khana kaṭong pek juimak jo.” Samuel kha ahnuk kana jo, jânsôt Rōngpu hneng ngekna aneia kae.