HLAHEI 100:3 - LEKHARABU INTHENG (BSI)

³ Rōngpu kha Pathen che kae tia hrisōt ruh. Ama’n asyem me khana atâ me kae; eini ama mi me kae, khana ama rup me kae.

HLAHEI 100:3 ပူးပေါင်းရင်းမြစ်များ

RENGHEI INHNINA 19:19

Tûn, Rōngpu kan-Pathen, vânhnōia jât rakip in nang rōk Rōngpu Pathen che kae tia anmanhretna sik a, Assyrianheia inphut keini ahuksōt roh.”

THUHMINGHEI INKHATNA 16:14

Rōngpu hi ni-Pathen kae; ama ṭongpek kha vânhnōi pumpui sik a kae.

JOB LEKHARABU 10:3

Nang in hingtuk hrep a akakhôk che hi akadik nâk mo? Nangkhet kutsyem nadonmak hi akadik nâk mo? Khava sōa mikaṭhamak-hei ṭōn mantlukna chunga namanui hi akadik tâk mo?

HLAHEI 119:73

Nang in nasyem eng khana nang in nahuk eng; nadân kha ka’nchû theina sik manhret theina eipe roh.

HLAHEI 12:4

Anmani’n anti, “Kantamadu kha kanṭong hri them vânga kanchen. Kantahri hnō-hnōm kanhri sik, tûte’n akhâmtor mak hei ning.”

HLAHEI 149:2

Nankasyempa jâra Israel inpâk ruh; Nanrengpa jâra Zion mihei hōi ruh!

HLAHEI 46:10

Ama’n ati, “Retlo bâng ruh. Kei Pathen eng kae ti hi manhret ruh, jât-hei kâra torna kaneipen leh vânhnōia torna kaneipen eng kha kae.”

HLAHEI 78:52

Khava pha kemōng kakhempa kapōa amihei kha aṭhōisōt jo hei, khana nêrdiram a hlam aleikei hei.

HLAHEI 79:13

Kha achang inchu keini nakemōng rup, nami ung hin, ahei tik a kanmanpâk sik che khana akahong sik pha rakip a kanchoi ka-ân sik che.

HLAHEI 95:3

Ajârchu Rōngpu hi ratha kanei Pathen kae, Pathen rakip hei chunga akahratpen reng kae.

SŌKSŌT 6:7

Ke’n nangni hi kei khet mi sik a kasyem sik chei, khana kei nan-Pathen kachang sik eng. Nangni Egypt a nansōk changna inphut kamasōsōt chei pha kei hi Rōngpu nan-Pathen kachangna nanmanhret sik eng.

MI INTHEIPA 12:1

Khava jâra nangni’n, “Hringkhō hi kahōia hmangmak ung,” nantina sik pha, inrengna kum leh kanihei kha ahong tlung mak hma, nankhangdông changlai hin nan-Pathen kha mandonsōt ruh.

ISAIAH 63:11

Tâk-kha khava sōa anmani’n, Rōngpu sōk Moses kanilaia pha kasesa kha anmandonsōt a kae, khana ander, “Tuipuia inphut amihei hlamkakeihei kahuksōt Rōngpu kha tunhin khon mo aka-om? Moses hnenga arathla kapek Rōngpu kha khon mo aka-om?

ISAIAH 63:19

Keini hi nami aleikachang hêrmak ung kapōa, nang kanvai karôn aleikachang hêrmak che kapōa, narazen jo ung.

ISAIAH 64:7

Tûte nahnenga derna ahong kanei om mak; tûte inkhatbek inṭangpui sik a nahnenga akahong om mak. Keini kansetna jâra nadahlon jo unga keinia inphut nabinga inthup jo che.

JEREMIAH 10:10

Tâk-kha Rōngpu nang chu akadiktak Pathen che kae, akahring Pathen che kae, kumleikōa reng che kae. Nang nahnuk anat pha, raleichung hi innok; jât he’n nahnuknat kha detor mak hei. (

EZEKIEL 34:11

“Kei Chunghnung Rōngpu’n kamanthei chei hi kae, kakemōnghei kha kabinga kajong sik hei khana ka-ensui sik jo hei.

JOHN 17:3

Khana kumsôt hringna ti hi chu nang, akadik Pathen inkhat rōk, manhret hi leh najōngtir Jesu Christa manhret hi kae.

CORINTHIANHEI INHNINA 4:6

Ajârchu, “Khō inthimna inphut vâr kha hong kavâr sik!” kati Pathen khan Christa hmaisōa Pathen lûrna vâr kha kanman hretna sik kanmalung shunga avâr kasat invâr kha Pathen khet kha kae.

EPHESIANHEI 2:10

Nikahring hi Pathen tasyem me kae, Jesu Christa leh inchunna shunga nihringkhōa tlosōt sik aman tlukdek jo ṭōn kaṭha katlo sik a asyem me kae.

DÂNRABU INHNINA 32:15

“Rōngpu mihei kha kahao chet-chet hei, tâk anrahe kase; antak kha kathai jo khana sâk in a-ê jo hei ankasyempa Pathen kha anmasō jo, ratha kanei huksōtpa kha anhlonsōt jo.

DÂNRABU INHNINA 32:6

Mikamo, mandonna kaneimak mihei, Hinga mo Rōngpu kha nantatlo sik? Ama chu nanpa, nankasyem kae, ama’n nangni jât inkhat a asyem chei kae.

DÂNRABU INHNINA 4:35

Ama rōk kha Pathen kae, alak heite om mak ti kha nanhnenga manhmuna sik a Rōngpu’n hihei hi nanhnenga amalâr kae.

DÂNRABU INHNINA 4:39

Khava jâra tuning mandonsōt ruh khana mahngi hêrmak ruh: Rōngpu kha marvân leh ralei Pathen kae. Pathen alak heite om mak.

DÂNRABU INHNINA 7:9

Rōngpu nan-Pathen hi ama rōk Pathen kae khana taksenthei kae ti hi mandonsōt ruh. Ama inlungset leh aṭongpek kajuihei chunga khang lishing katlunga a’ntepna ajuia alungsetna amalâra kae,

PETER INKHATNA 2:25

Nangni kemōng hlam invai kapō chei kae, achang ravâng tûnchu kemōng kakhempa nanrathla kahrungpa kahnung kajui sik a aheiṭhōi male jo cheia kae.

PETER INKHATNA 2:9

Tâk-kha nangni chu kadeisōt phung, Rengpa thempu, a’ntheng jât, Pathen khet mi, Pathen ṭōntlo inlak kahrile sik a a’nthima inphut a vâr inlak a abeksōt jo chei kha kae.

PETER INKHATNA 4:19

Kha achang inchu, Pathen lungdo dungjuia khōdeng theina kade hei kha’n ankasyempa, an-intepna hui inthlung ṭhakpa kha, anṭōntlo ṭhatna vâng pui katluk a antaksenna kha antamalâr sik kae.

JOHN INKHATNA 5:20

Eini’n akadik Pathen kha nimanhretna sik, Pathen Sapa kha kajōnga manhret theina apek jo me ti hi eini’n nimanhret. Asapa Jesu Christa leh inchunna shunga, Pathen kadik leh inchun a eini akahring me kae. Hivahi Pathen kadik kha kae, khana kumsôt hringna kha kae.