HLAHEI 10:14 - LEKHARABU INTHENG (BSI)

¹⁴ Tâk-kha bōina leh khōdeng theina kha nang in nachîk a nahmu, khana inthōpuina sik ahei tik a intluk ṭhak che. Inthōpui kasehei khan nahnenga ho’npek inhlut hei; inthōpui inngei hei kha ahei tik a nabôm hei.

HLAHEI 10:14 ပူးပေါင်းရင်းမြစ်များ

A’NPHUTNA 21:17

Naipang kaṭap kha Pathen in aleithei, marvâna inphut Pathen ngeva he’n Hagar hneng, “Nachâmna heimo ka-om, Hagar? Ṭitmak roh. Naipangpa ṭap rasa Pathen in athei jo.

A’NPHUTNA 31:12

Ahrisa a, ‘Enroh, keche apui kaje rakip heiso, anje kaṭe rik-rak, karâng dit-dut, kaṭe hrek-hrok hei. Laban in nachunga atlo rakip ke’n kahmu jo, khava jâra hivahi ke’n kamasō kae.

SAMUEL INHNINA 16:12

Rōngpu’n ka’nrengna hi amanhret pek enga, khana hiva mipa hâksêrna eng kahlânga ṭhatthei ajingtebek abōkthei enga kae.”

RENGHEI INHNINA 9:26

‘Ke’n jâning khan Naboth leh asahei leithina kha kahmu. Khana kei intep eng khachu hiva hlei mama hin nang karâkna kapek sik che kae,’ aleiti. Khava jâra Joram kalōng hi losōt roh.” Jehu’n a’nthōpuipa kha ṭong apek a, “Rōngpu intepna kha hui atlungna sik a khavakha Naboth hlei laia vahlon jo roh,” ati.

THUHMINGHEI INHNINA 24:22

Zechariah apa Jehoiada ṭong leipekna, reng innshunga ṭōn tlo sik ahlam kasōk hei kha rengpa khan amahngi jo heia, ama’n Zechariah kha aleithat jo kae. Zechariah khan athi pha, ama ka-ônga, “Nang in natlo kha Rōngpu’n hmu rasoh khana karâk che rasoh!” ati.

THUHMINGHEI INHNINA 6:23

O Rōngpu marvâna leirangei roh khana nasōk-hei kha anṭong tanpek hei roh. Antlona dungjuia akaṭhepa kha karâkna pek roh, ṭhenakase kha masō roh.

HLAHEI 146:9

Niram shunga ka-om ram hlop mihei kha ahrung hei; ama’n renghmeihei leh nu leh pa insamhei kha a’nthōpui hei, tâk mikaṭhamak-hei chu an-inhmangna sik hlam a aṭhōi hei.

HLAHEI 22:11

Kahnenga inphut asesōt pek mak roh! Inrim khōdengthei hong kahnai jo; ani’nthōpui sik tûte om mak a kae.

HLAHEI 31:8

Ka’nrepuihei rehringa amansur mak hei che; kase hnōmna hmun a ning leh hnōma setheina napek eng.

HLAHEI 35:22

Tâk-kha O Rōngpu, nang in nahmuhei. Khava jâra Rōngpu sip timak roh; kahlatak a om mak roh!

HLAHEI 55:22

Na’nrengna hei kha Rōngpu hneng dahlon jo roh, khana ama’n ahrung sik che; malung intheng hei kha hei lai enum mihei tator sik a phemak ning.

HLAHEI 68:5

Abek-inn intheng shunga aka-om Pathen khan nu leh pa kase leh renghmeihei kha a-ensui hei.

HLAHEI 68:6

Ama’n binga akalôn hei kha omna sik inn apek hei khana kurkhum shunga aka-om hei kha kahōia amasō hei, tâk akadōihei khachu mi tadahlon ram a ka-om sik hei.

SŌKSŌT 2:25

Ama’n Israelhei sōk changna kha ahmu jo khana anmani sik a amandon pek jo hei.

SŌKSŌT 22:22

Hmeithai, nu leh pa kasehei kha tlomanrim mak hei ruh.

SŌKSŌT 22:26

Nang in mi inkhat pōnsi, aneinâk bat jâra bandhop matung sik a nalo’nchu kani atlâk hma ahnenga napek male sik kae,

ṬONGCHÎK-HEI 15:25

Êngkasehei inn kha Rōngpu’n amanhmang sik, tâk renghmeinu karōichu ahukpek sik.

ṬONGCHÎK-HEI 15:3

Hmun rakip a heimo kasōk Rōngpu’n amanhret; akaṭha leh akase nitlona chunga ama’n a-ensui ṭhak me.

ISAIAH 10:3

Pathen in karâkna apek chei pha, nangni’n heimo nantatlo sik? Ama’n ram kahlatak a inphut a, nanchunga khōdeng theina apek chei pha, heimo nantatlo sik? Inthōpuina hmun a sik khonting mo akatlân sik chei? Khon mo nanneihei nantathup sik?

JEREMIAH 16:17

Ke’n anmani tatlo rakip kahmu sō. Kei hnenga inphut heite inthup theimak, ansetnahei kahmit hmua inphut tlânsōt tor mak.

JEREMIAH 23:24

Kahmu tor makna sik hmun a tûte’n inthup tor mak ning. Marvân leh ralei hmun rakip a ka-om eng ti hi amanhret mak chei mo?

JEREMIAH 49:11

Nu leh pa kaneimak hei kha kahnenga dahlon hei ruh, ke’n ka-ensui sik hei. Nanhmeithai hei kha kei hnenga inhngaithei sik hei.

JEREMIAH 51:56

Anmani Babylon kasukset sik kahong hei; anremihei kha ansur hei, khana anthe ansai hei ansuk thlek pek hei. Kei hi akaṭhamak karâkna kapek, Pathen inkhat eng kae, arahōi kasōk hrep a Babylon chunga ṭōn katlo sik.

ṬAJAISUINA 3:59

Kei ka-ôp a ṭong tan roh; kei chunga akadik mak a tlona eng kha namanhret.

ṬAJAISUINA 3:60

Ka’nrepui he’n heikhonga antahōt eng mo khana kachunga heikhonga ṭōn mantlukna antanei mo nang in namanhret.

HOSEA 14:3

Assyria he’n keini ahei tik a’m ahuk tor mak ning, re shakor he’n ahrungtor mak ning. Kanlimhei hnenga, ‘Kan-Pathen, O Rōngpu’ ti nôk mak jo ning, anka-en sik tûte aka-om mak hei hnenga nang in lungset namalârpek heia kae.”

HOSEA 14:4

Rōngpu’n ati, “Kamihei kahnenga kaheiṭhōi male sik hei. Kamalung pumpuia kalungset sik hei; anchunga kahnuk natnôk mak jo ning;

JOEL 3:4

“Tyre, Sidon leh Philisti ramkeia mi seng nangni’n kei hneng heimo tlo sik a nanti? Heikhat sik a kahnenga pek male sik tia nanmandon mo? Nangni’n nanmandon inchu, inrangtak a ke’n kapek male bât sik chei!

HABAKKUK 1:13

Tâk-kha hiva mikaṭhamak mikahōnhei hi heikhong mo na-en hnâm tor hei? A’nthengmak enna sik a nahmit kha intheng hêr, khana mipui he’n akadik mak antlona kha en-hnâm tor mak che. Khava jâra, anmani kanek a akadik chet mipuihei kha ansuk manhmang hei pha heisa mo aka-om hnâm che?

DÂNRABU INHNINA 10:18

Ama’n nu leh pa kase leh renghmeihei kaṭha razen hei sik a intluk; nimihei kâra ka-om khōhmehei kha alungset hei, bu leh pōn apek hei.

TIMOTHY INHNINA 1:12

khava sik jâra ke’n khōdeng kathei kae. Tâk-kha tûn katlung kei inngamna kanei, ajârchu ke’n kataksen ama kha kamanhret, khana ama’n kei amannganna eng Kani kha ajōng tlung mak kârseng ama’n kei ahuk tor eng ti hi kamanhret manchên.

HEBREWHEI 4:13

Pathen hnenga a’nthup tor sik heite om mak; akutsyem rakip ahmai kunga inlârpet a inhlangsō pet a ka-om. Khana eini nibing et tintana kha Pathen hneng nilapek nger hi sik kae.

PETER INKHATNA 4:19

Kha achang inchu, Pathen lungdo dungjuia khōdeng theina kade hei kha’n ankasyempa, an-intepna hui inthlung ṭhakpa kha, anṭōntlo ṭhatna vâng pui katluk a antaksenna kha antamalâr sik kae.

PETER INKHATNA 5:7

Nanmalung inrimna rakip ahnenga pek ruh, ajârchu ama’n nangni a-ensui ṭhak cheia kae.

ṬONGKATANHEI 1:7

Adonibezek in ati, “Reng 70 hei ankutpui leh ankepui kaleitan he’n kabusâk bang kadokhâng thōia anleihrut. Anhnenga kataleitlo kha Pathen in kei hneng phu ahlō jo eng kae.” Ama Jerusalema anheiṭhōia khan kathi jo.