HLAHEI 1:3 - LEKHARABU INTHENG (BSI)

³ Anmani kha kavadung panga thingkung kahmông hei, aphahrep a a’nra khana abō a’nvōi mak kapō hei kha kae. Antlona rakip a chung sōkna annei.

HLAHEI 1:3 ပူးပေါင်းရင်းမြစ်များ

A’NPHUTNA 39:23

Joseph hnenga nganse jo ṭōn rakip chunga khan kurkhum katintapa khan heite ensui nôk mak jo, ajârchu Rōngpu’n Joseph kha alei inṭhōipui khana atlona rakip a chung sōkna alei manneia kae.

A’NPHUTNA 39:3

Akapu khan Joseph hi Pathen in a’nṭhōipui khana atlona rakip a chung sōkna amannei ti hi ahmu.

RENGHEI INHNINA 18:7

Khava jâra Rōngpu’n ama a-ompui khana atlona rakip a chung sōkna anei. Ama’n Assyria reng chunga re adōi khana athōia om sik hnōm mak a kae.

THUHMINGHEI INKHATNA 22:11

David in ahrisa, “Tûn, sapa, Rōngpu na-Pathen khan ompui che rasoh, ama sik a bek-inn sakna hme nasōna sik a ama intepna kha hui mathlung rasoh.

THUHMINGHEI INKHATNA 22:13

Nang in dân rakip Rōngpu’n Israel sik a Moses hneng apek kha najui inchu, nang hmesōna nanei sik. Tlo sik a intluk roh khana intaksen roh, heite inkhat in ṭitna pek mak che rasoh.

THUHMINGHEI INHNINA 31:21

Ama khan hmesōna anei, ajârchu ama’n Bek-inn leh Dân juina sik aleitlo rakip, apathen hneng pui katluk a ṭong juina leh kamukna malunga aleitlo heia kae.

THUHMINGHEI INHNINA 32:23

Khava khana inphut chu jât leh phung rakip in Hezekiah kha kajana annei joa Rōngpu hnenga tōkna leh Hezekiah hnenga kutchoihei anheichoia mi katamtak in Jerusalema kahong jo hei.

JOB LEKHARABU 14:9

khōtui ahei sûr pha thingdông kapōa adôn heikasōk sik.

JOB LEKHARABU 22:28

Natlona rakip a chung sōkna nanei sik, nahlam a khan vâr hong kavâr sik.

HLAHEI 128:2

Naṭōntlo khan namadu kha apek sik che; kahōi sik che khana kakhang sik che.

HLAHEI 129:8

Anhnenga hlam kahro rakip in, “Rōngpu’n mahâmṭhat pek che rasoh! Rōngpu rahminga mahâmṭhat kanpek che,” timak hei ning.

HLAHEI 92:14

khahei khan anter katlunga inra ṭhak heia anbō in-êm ṭhak a kangar tak a aka-om kapō hei kha kae.

HLAHEI 92:15

Hivahin, Rōngpu kha kadik, khana kei kahrungpa hi ṭhena neimak ti amalâr.

ISAIAH 27:11

Thing bâk-hei kha hong kachâra katlek jo hei, khana nuhmei he’n thing ti sik a anchom mantûp jo hei. Ajârchu mipui he’n heite manhret mak hei, ankasyem Pathen in lungset a rônmak hei ning khana maritna malârmak ning.

ISAIAH 3:10

Mikadik-hei kha kahōi sik hei, anmani sik a heirakip inzen sik. Anṭōn tlona chunga inpâkna anchenpui sik.

ISAIAH 44:4

Anmani kha tui lōngna hmun a kahar kapōa tuitlânna huisum kapōa kakhang sik hei.

ISAIAH 58:11

Khana ke’n ahei tik a hlamkakei sik jo chei khana akaṭha neinâk vânga kamantlai sik jo chei. Ke’n nangni kamanhrat sik chei khana kamanhōi sik chei. Nangni tui katamtak omna, akakang hêrmak tuiripût ka-ang sik jo chei.

JEREMIAH 17:8

Anmani khachu kavadung panga thingkung kakek arajung tui omna katlunga akaṭhō kapō kae. Khōlum kha ahong pha ṭitna heite neimak, ajârchu abōhei kha in-êm ṭhak heia kae; khōtui asûrmak inum lung dongna neimak; kara inra ṭhak a kae.

EZEKIEL 17:8

Tâk-kha vomhrui kha ralei thai tamna leh tui kaṭhadek a omna hleipuk a akahmông, abō leh athei inrator akalentak vomhrui akaesa jo kae.

EZEKIEL 19:10

Nang nu kha kavadung panga antaling vomhrui thei ka-ang. Ajârchu khana khan tui katamtak ka-om, vomhrui kung kha abō leh akara’n akabuksia kae.

EZEKIEL 31:5

Khavakha tui kaṭhadek a a’npek jâra Thing ralak-hei kanek a inshângpena kakhanga kae. Abâk-hei kha’m kalen leh kasei heia kae.

EZEKIEL 47:12

Tui lōngna apang heia sâk thei kapek sik a thingkung kahmông sik hei. Anbōhei kha invōi tik neimak hei ning, kara inra loa om hêrmak hei ning. Athla kataia kara ather inra sik hei, ajârchu Bek-inna inphut ajōng kalōng tui kha inpek jo heia kae. Thingkunghei khan sâk theikara anpek sik, khana anbōhei khan mipuihei damna sik anhmang sik hei.”

MIJAHEI 24:6

Kahno thing agôr kaseihei ka-ang, A-emak leh tuidung panga rahōnhei, Rōngpu’n aleiphun aloe kunghei kapō, A-emak leh tuikea cedar thing kapō hei kae.

MATTHEW 13:6

Tâk kani ahong inshâng pha kani kalum in sakung kadông kha amanvōi jo; arajung kha inthûk a aṭhōmak jâra, inranga invōia kachâr jo.

MATTHEW 21:19

Khana hlampanga khan ama’n theichangkung inkhat ahmua akunga khan vakase, tâk achunga abō teilo heite leihmu mak. Khava jâra theichangkung hneng, “Avea nang kara nei hêrmak jo tin che!” ati. Khava laitak khan theichangkung kha kachâr jo.

MATTHEW 21:34

Akara lōk pha kha ahongtluk jo pha, ama’n asōk-hei avomhrui rahōn kasânhei hnenga hleisân kalo atir jo hei.

MATTHEW 21:41

Anmani’n ahnenga, “Ama’n khava mikaṭhamak-hei kha anṭhatmak dungjuia athat sik hei, khana rahōn kha aphahrep a hleisân kapek sik milak hneng apek sōt sik hei,” anti.

JOHN 15:6

Tu achang inum keia aka-om ṭhak mak khachu abâk inkhat kapōa hlonsōt a ka-om khana kachâr ri jo; khang khava bâk-hei kha chom mantûp a hmeishunga anhlon manhlut ri hei khana khan kakâng jo hei.

DÂNRABU INHNINA 28:8

“Rōngpu nan-Pathen in nanṭōn tlona vâng apek sik chei khana nanramsōr kha sâng leh be amansip pek sik. Apek sik chei ram shunga khan vâng apek sik chei.

JUDE 1:12

Nan-inloikhômna reveia anmani kha inzak loa anrasa tam jâra akachok kapō kachang hei. Anbinga anmani rōk, khôk insak hei. Anmani kha thli tatlen sumtuk, khōtui kase kapō, kara kaneimak thingkung, ṭhelai kapha’m arajung pum a a’nlirsōt a akathicher kapō hei kae.

ṬONGPHÔNG 22:2

khōpui shung atlâk a akalōng kha amanhmu eng. Tuidung pang inkhat et a hringna thingkung kahmông, kum khat a ve 12, thla khat a vōi khat sam inra. Khana abō kha jât-hei damna kae.