HLAHEI 1:1 - LEKHARABU INTHENG (BSI)

¹ Mikaṭhamak-hei mansena inhlângmak, mikaset-hei omchen kajuimak, a-emak leh Pathen sik a hnemna kase hei kâra akatlamak mihei kha mikahōihei kae.

HLAHEI 1:1 ပူးပေါင်းရင်းမြစ်များ

A’NPHUTNA 49:6

Anmani ṭongmarûk hrina kei invei mak ning, Anmani intûpna kei tlamak ning, Ajârchu anmani hi hnuknat a mi anthat Khana indei hōina sehratchehei antuk mankhôi hei.

A’NPHUTNA 5:24

Ahringkhōa Pathen leh inṭhōia leika-om. Khava bânna chu ama inhmu mak jo, ajârchu Pathen in ama kha aṭhōisōt joa kae.

RENGHEI INKHATNA 16:31

Rn Jeroboam kapōa aset tlo rōk khan leitluk mak; akakhea atloa Sidona Reng Ethbaal sanu Jezebel a-ompuia Baal akamuk a kae.

JOB LEKHARABU 10:3

Nang in hingtuk hrep a akakhôk che hi akadik nâk mo? Nangkhet kutsyem nadonmak hi akadik nâk mo? Khava sōa mikaṭhamak-hei ṭōn mantlukna chunga namanui hi akadik tâk mo?

JOB LEKHARABU 21:16

Anmani’n anrahnak tlo vâng rōk a hme ansō anti, tâk-kha anmani mandonna hichu ke’n hnōm tor mak eng.

JOB LEKHARABU 31:5

Ke’n akaṭhamak ṭōn tlomak eng tia khana tûte inkhatbek um hōnmak eng tia inhâksêr eng.

HLAHEI 1:6

Mikadik-hei kha Rōngpu’n hlam akei hei khana ahrung hei; Tâk-kha mikaṭhamak-hei chu inrengna hlam anhroa kae.

HLAHEI 106:3

Akadik a katlo ṭhak, aṭongpek kajuihei kha akahōi hei kae.

HLAHEI 112:1

Rōngpu kha choi ka-ân ruh! Rōngpu kajana kapek hei kha mikahōihei kae; aṭongpek juia akatlâi hei kha kahōihei.

HLAHEI 119:115

Setkarôn mihei keia inphut a sesōt ruh. Ka-Pathen ṭongpek kha kajui sik.

HLAHEI 144:15

Hiva kapōa ahong kasōkpek jo hei kha mikahōihei kae; Rōngpu’n an-Pathen akachangpek hei kha mikahōihei kae!

HLAHEI 146:5

Anmani inthōpui sik a Jacob Pathen akaneihei khana an-Pathen Rōngpu hnenga a’nngai hei,

HLAHEI 146:9

Niram shunga ka-om ram hlop mihei kha ahrung hei; ama’n renghmeihei leh nu leh pa insamhei kha a’nthōpui hei, tâk mikaṭhamak-hei chu an-inhmangna sik hlam a aṭhōi hei.

HLAHEI 2:12

Ratha innok pum a ahnenga inkun ruh; kha achangmak inchu ahnuk kha inranga hongkana sik, khana nangni inrangtak a kathi sik chei. Ama tahrung sik a ahnenga akase rakip kahōihei!

HLAHEI 26:12

Thinathei rakip a inphut inhuk a ka-om eng; amipuihei intûpna hmun a ke’n Rōngpu kha kachoi ka-ân.

HLAHEI 34:8

Heituk mo Rōngpu hi akaṭha ti kha nabinga injongsōt roh! Ama a hringna kahmu mi kha anmahâm kaṭha.

HLAHEI 36:4

Jekhum chunga anje pha akadik mak ṭōn kha anmantluk; anṭōntlo inkhatbek akaṭha om mak, khana akaṭhamak inkhatbek antathei kada om mak.

HLAHEI 64:2

Mikaṭhamak-hei ṭōnmantluk a inphut, akaṭhamak mipui kachōr heia inphut ahuksōt roh.

HLAHEI 81:12

Khava jâra anrahe setna kha kamanjui hei, antamadu rakip kamantlo hei.

HLAHEI 84:12

Nang kataksenhei kha heituk a akahōi hei mo, Akahratpen Rōngpu!

ṬONGCHÎK-HEI 1:15

Kasapa, khava kapō mihei leh inṭhōimak ruh. Anmania inphut kahlatak a om roh.

ṬONGCHÎK-HEI 1:22

“Mikamohei! Heituk kasôt mo akamo alakachang hnōm chei? Heituk kasôt mo themna kha nanta lahōt sik? Ahei tik a’m inthemchûk hnōm mak chei mo?

ṬONGCHÎK-HEI 13:15

Mandonna kanei in kajana achen, tâk taksenthei kachangmak hei chu inhmangna hlampui antajui kae.

ṬONGCHÎK-HEI 13:20

Mikasinghei leh inthlop ruh, mikasing hongkachang sik che. Mikamohei ṭhōn nachangpui he’nchu, inhmang sik che.

ṬONGCHÎK-HEI 19:29

Mikamo inlensak chu sung asâk nger sik kae.

ṬONGCHÎK-HEI 2:12

khana akadik mak tlona sik a inphut akhâm sik che. Ṭonghria innâk-inse insōhrat miheia inphut nang kha aṭhen sik che,

ṬONGCHÎK-HEI 3:34

Mi inlensak-hei kha ama’n heikhat a hmangna neimak. Tâk-kha a’nsinsak mihei kha ama’n alungsetna amanhmu heia kae.

ṬONGCHÎK-HEI 4:19

Kachanga mikaṭhamak-hei hlam khachu jân kapōa inthim, katlu hei, khana an-inpai inthlûkna kha hmutor mak heia kae.

ṬONGCHÎK-HEI 9:12

Singna nanei inchu ahnemna nachen sik, khana khavakha nahlon sōt inchu, khōdeng kathei sik kha nang che kae.

JEREMIAH 15:17

Ke’n milak-hei leh kapha, kahōia leh manui pum a hmangmak eng. Nang ṭongpek juina kabing rōk a ka-om enga hnuknat in kasip eng.

JEREMIAH 17:7

“Tâk-kha kei chunga taksenna kanei mihei kha mahâmṭhatna kapek sik hei.

EZEKIEL 20:18

Khava kanek a, ankâra khangdônghei hneng gîkna kapek hei: nanpu-nanpahei dân syem juimak ruh; anmani chôndân juimak ruh a-emak leh anmani limsyem vânga nanbinga inbōkna syem mak ruh kati hei.

MATTHEW 16:17

Jesu’n amasôn, “John sapa Simon, nang narevân kaṭha. Ajârchu hiva ṭongdik hi mihring inkhat tamanthei che changmak, tâk marvâna kapa khet tamanthei che kae.

LUKE 11:28

Tâk-kha Jesu’n aleimasôn, “Khava nek a, Pathen ṭong katheia akajuihei kha heituk a akahōi sik hei mo!” ati.

JOHN 13:17

Tûnchu nangni’n hiva dikna hi nanmanhret jo; nangni’n hivahi ṭōn vânga nantlosōt inchu heituk a akahōi sik chei mo!

JOHN 20:29

Jesu’n ahnenga, “Nang in kei nahmu eng pha tōa nataksen mo? Kaka hmumak a akataksenhei heituk-hrep a anmahâm akaṭha jo mo!” atipek.

ROMANHEI 5:2

Pathen maritna manhret pum a tuna ni-omna shunga hin ama’n taksen jâra aṭhōi manhlut me kae. Khava jâra Pathen lûrna nichen sik tia inhōrna nineia a’n-or me kae!

EPHESIANHEI 6:13

Khan chu tûnhin Pathen revon kha invon ruh! Khanna ṭhatmak kani ajōng tlung pha, nankabuhlu hei kha nandetor sik hei, khana atorna katlung re nan-intukpui sōa nanhmun kha nanmatutor ṭhak sik.

DÂNRABU INHNINA 14:6

ran ke matin inbâk leh thlai incha.

DÂNRABU INHNINA 33:29

Eh Israel, heituk a akahōi che mo! Rōngpu’n ahuksōt jât nang kapō tûte inkhat om mak. Nang hrungna sik leh torna nakapek sik a, Rōngpu khet kha nang pho leh chemjâm kae. Nakadōi he’n lungsetna kangek sik a kahong sik hei, khana nang in nachōn rachi sik hei.

PETER INKHATNA 4:3

Ajârchu hmalai pha kasôttak limsyem inmuk hei tatlo hnōm kha nanleitlo joa kae. Nanhringkhō hei kha mater ka-om, hurna, ju inrui, lôpna, ju-in lôm, khana enhnōm kakaimak limsyem kamukna nanlei hmang joa kae.

ṬONGPHÔNG 22:14

“Tu achang inum apōnsi kasôp inthengpet a khana hringna thingkung kara kasâk sik a ratha kanei khana sōngkot a kahlut a khōpui akatlung kha mikahōihei kae.