HAGGAI 2:5 - LEKHARABU INTHENG (BSI)

⁵ Nangni’n Egypt a inphut nanhong sōk pha, nangni ka-ompui ṭhak sik chei tia ṭong le’ntep eng. Tûnnum ke’n ka-ompui chei, khava jâra ṭit hêrmak ruh.

HAGGAI 2:5 ပူးပေါင်းရင်းမြစ်များ

THUHMINGHEI INHNINA 20:17

Hiva re hi nangni tatuk sik changmak. Nan-omna hmun rōk kha inhlō unna hngâk hnâm hei ruh; Rōngpu’n retorna apek sik chei kha nanhmu sik. Judah leh Jerusalem mihei, inkei-chiona khana ṭitna neimak ruh. Re sik a sesōt jo ruh, Rōngpu’n a-ompui sik chei!”

NEHEMIAH 9:20

Nang naṭhat jâra heimo antatlo sik kha namanthei hei; manna vânga navei hei, khana tui in sik napek hei.

NEHEMIAH 9:30

Akum akum a nang in detheitak a anmani nalei gîk hei. Nasânkathemhei khan ṭong anhrina sik a hlimna napek hei, tâk-kha namihei kha ankōr kaset, khava jâra jât-hlop hei kha namantor heia kae.

SŌKSŌT 19:4

“Rōngpu ke’n Egypt hei hnenga heimo kaleitlo khana marhmu khan ate kha amathla vânga ajōngpui kapōhrep a heikhonga mo kahong ṭhōi cheia hiva hmun kahong mathlung chei ti kha nangni’n nanhmu jo.

SŌKSŌT 19:6

kei hneng rōk a a’ntōksōt mipui kachang sik chei, khana nangni thempu kapōa kei nanirajen sik.”

SŌKSŌT 24:3

Moses kasesōt a mipuihei hneng Rōngpu ṭongpek leh chôndân sik rakip kha aleimanthei hei khana mi rakip hei khan, “Rōngpu’n ahri rakip kha kantlo sik,” tia anleimasôn.

SŌKSŌT 24:8

Khava sōa Moses khan thlengkam shunga thisen kha aloa mipuihei chunga aleikathek thlōn jo hei. Ama’n aleiti, “Rōngpu’n hiva ṭongpek rakip hei hi aleipek chei pha ama leh nangni intepna chunga akirkhumna thisen kha hi kae.”

SŌKSŌT 34:10

Rōngpu’n Moses hneng ahri, “Ke’n tûn Israel mipuihei leh intepna inkhat kasyem sik. Vânhnōi raleichunga jât inkhatbek hnenga ala’ntlo hêrmak ṭōn kalentak Israel mipuihei hmaikunga katlo sik. Rōngpu kei ṭōn kalen tlotorna kha mi rakip in antahmu sik kae, ajârchu nangni sik a kaja ka-om tak ṭōn katlo sik kae.

SŌKSŌT 34:8

Moses kha inrangtak a raleia inbok a akamuk jo.

ISAIAH 41:10

Nangni ṭimak ruh – ke’n ka-ompui chei! Kei nan-Pathen eng kae — heite inkhatbek in maṭhitmak chei rasoh! Ke’n ka’nṭangpui sik chei khana kamanhrat sik chei; Ke’n kahrung sik chei khana kahuk sik chei.

ISAIAH 41:13

Kei Rōngpu nan-Pathen eng kae; Ke’n rathahrat kapek cheia kahri, ‘Ṭimak ruh; ke’n ka’nṭangpui sik chei.’”

ZECHARIAH 4:6

Rōngpua inphut Zerubbabel hneng pek sik ṭong hi ngeva khan amanthei eng: “Retorna nanei sik, remihei rathahrat jâra changmak, nang ratha neina jâra changmak, tâk kei rathla vânga kae.

ZECHARIAH 8:13

Eh Judah leh Israel mihei! Akathlengsa pha khan ramlak mihe’n inkhat leh inkhat khōmâk insântō heia, ‘Judah leh Israelhei chunga inhmangna akatla kapōa nangni chunga tlung rasoh!’ inti hei. Tâk-kha ke’n kahuk sik jo chei, khana jât-hlop hei khan khat leh khat, ‘Judah leh Israel he’n mahâmṭhat antachen kapōa nantachen chang rasoh!’ inti sik jo hei. Khava jâra inngamna nei ruh khana ṭitna neimak ruh.”

ZECHARIAH 8:15

Tâk-kha tûnchu Jerusalem leh Judah mihei mahâmṭhat pek sik a intluk jo eng. Khava jâra ṭitmak ruh.

MATTHEW 28:5

Ngeva khan nuhmeihei hneng, “Nangni ṭimak ruh, nangni’n thingrakea antamakhei hlon Jesu kha nantajong kae ti ke’n kamanhret.

ṬŌNTLOHEI 27:24

‘Ṭitmak roh, Paul! Reng-kalen Caesar ângkunga akangir nger sik che kae. Khana Pathen in nahnenga aṭhatna shunga khan na’ntôrpui rakip hei hringkhō kapha’m aṭhensōt pek jo hei,’ tia ahri pek eng.

JOSHUA 1:9

Na-inrinna sik leh inngamna sik a kaṭong pek che kha mandonsōt roh! Ṭitmak roh khana malung mathla mak roh, ajârchu Rōngpu na-Pathen ke’n nasena chen a ka’nṭhōipui sik che.”

JOSHUA 8:1

Rōngpu’n Joshua hneng ati, “Remi rakip ṭhōi hei roh khana Ai a vase ruh. Ṭitmak roh khana malung mathla mak roh. Ai reng chunga torna kapek sik che; Ai mi, akhōpui leh aram nangta sik hei kae.

ṬONGPHÔNG 1:17

Ke’n ama kha kahmu pha, akathi kapōa akekunga katlu jo eng. Ama’n akut changting kachunga ada a ahri, “Ṭimak roh! Kei a’nphutna leh a’nchaina eng kae.

SAMUEL INKHATNA 12:20

Samuel in amasôn hei, “Ṭitmak ruh. Khang khava ṭhatmak kha nantlo jo ravâng, Rōngpu a inphut inhe mak ruh, tâk nanmalung pumpuia ama razen ruh.