HAGGAI 2:3 - LEKHARABU INTHENG (BSI)

³ “Nankâra tu inkhat in Bek-inn lûrje kha tûn katlung ala’ndonsōt laka-om chei mo? Tûnchu nanhmit enna heimo apō jo? Hivahi heite’m pōhêr mak jo ning.

HAGGAI 2:3 ပူးပေါင်းရင်းမြစ်များ

THUHMINGHEI INKHATNA 22:5

David in amandon, “Kasapa Solomon tasak sik Bek-inn kha kaṭha kalen sik vânhnōia a’nthang sik kae. Tâk-kha ama rether lakae, manhretna laneimak, khava jâra khava mantlukna kha ke’n kanei sik kae.” Khava jâra David in athimak hma hmangchâk katamtak aleidadek a kae.

EZRA 3:11

Anmani’n Rōngpu manpâkna hla ave-avea anmalet a hinga ansak: “Rōngpu kha kaṭha, Israel alungsetna kha kumleikōa kae.” Mi rakip in antor chenna kapeng heia Rōngpu kha anmanpâk, ajârchu Bek-inn sakna sik innhmun andeng manphut jo.

EZRA 3:12

Thempu upahei, Levihei, phungṭhen upa katamtak he’n hmalaia Bek-inn kha anleihmu, anmani’n innhmun dengna kha an-ena kaṭap heia in-ôi hei. Tâk-kha alak he’nchu inpâk heia kapeng heia kae.

ISAIAH 64:10

Nakhōpui intheng hei kha nêrdiramhâng ka-ang jo hei; Jerusalem kha dahlona a’nsetsō kachang jo,

EZEKIEL 7:20

Pha khat a anmani ansana dangka hmeṭhat jâra inlensak hei, tâk khahei kha anmani’n mater ka-om lim syemna anhmang hei. Khava jâra Rōngpu’n ankarōi khan manhângna jôk amanchang pek hei.

HAGGAI 2:9

Bek-inn ther kha amarō kanek a akalûrchet sik kae, khana khan kamihei kha khangsōtna leh mōngna kapek sik hei.” Akahratpen Rōngpu’n ahri jo.