HAGGAI 2:17 - LEKHARABU INTHENG (BSI)

¹⁷ Nangni’n mankek sik a nantlona rakip manhmangsōna sik a thli kalum leh kahre kahei tir, kha’num nanmalung thleng dekmak chei.

HAGGAI 2:17 ပူးပေါင်းရင်းမြစ်များ

A’NPHUTNA 42:23

Joseph khan anṭong hri kha aleimanhret, tâk khavakha anmani’n chu manhret mak hei, ajârchu ahnenga ṭong anta leihri kha mihe’n anmale pek heia kae.

A’NPHUTNA 42:27

Jân anlei rekna hmun a ankâra inkhat in ashakōrtung thlai pekna sik atloa atinbu aleimazer jo khana asêr kha atinbu chung tak a aleiom kha ahmu jo.

A’NPHUTNA 42:6

Joseph kha Egypt a ram vaikarôn inkhat achangna sâng kha raleichung pumpuia mihei hneng ajōr jo. Khana Joseph sōpui he’n kahong heia ahmai kunga anhmai raleia kakhup heia ankamuk.

RENGHEI INKHATNA 8:37

“Ram shunga hin vonṭâm atlâk a, natse atlâk a, thli kalum in sâng leh be akâng manchâra, khâikhu rup he’n ansâk manhmanga, namipuihei an-inrepui he’n anbuhlu heia, khana hrise atlâk a, ankâra natna achōr jo pha,

THUHMINGHEI INHNINA 28:22

Ama kha inrengna’n ahlō chet-chet jo pha, Ahaz intipa khan Rōngpu dōina setna kha atlosa chet-chet joa kae.

THUHMINGHEI INHNINA 6:28

“Ram shunga hin vonṭâm aleng joa khana natse asōk joa khana kanisat in hmuchi amanhmangsō joa khana khaikhu he’n ansâk manhmang joa khana namihei hi ankadōi he’n re ansō jo heia, ankâra hri leh rai khana nat leh sat achōr jo pha,

JOB LEKHARABU 36:13

Khava khōvelhei kha pha rakip a anhnuk kana, karâkna anpek he’num, inthōpuina sik a derna neimak hei.

HLAHEI 128:2

Naṭōntlo khan namadu kha apek sik che; kahōi sik che khana kakhang sik che.

HLAHEI 78:46

Anhmuchi kara kasâk sō sik a, anhlei inhmangsō sik a khâikhuhei ajōngtir pek hei.

ISAIAH 28:2

Rōngpu’n ratha kaneitak akahrat anmani kabuhlu sik a a’ntluk mi inkhat anei, thlipui, khō leh kahre inthō inkhat kapōa, khō kasûr inhnak kapōa, tuitlân inhnak leh heirakip akachûmsō kapō mi inkhat kae, khana raleichung asuksetsō sik kae.

ISAIAH 37:27

Khava hmun a aka-om hei khan ratha rahnak heite nei tor mak hei; anmani kha kaṭi heia ka-îng jo hei. Anmani kha hlei laia kahar inkhat kapōa, achangmak leh inn chunga kakek kahar inkhat kapōa nisōtinga akalum thli takâng manvōi hei kapō kae.

ISAIAH 42:25

Khava jâra ahnuk natna inhnak kha manhretna amannei me khana re shunga intuk inthat inrengna kha amande me. Ahnuknat kha hmei kapōa Israel pumpui chunga kakânga kae. tâk khahei omchen mo akasōk eini’n heite leimanhret mak me; khana inphut heite inkhat inchu na’m neimak me.

ISAIAH 62:8

Rōngpu’n intepna marittak inkhat anei jo, Khana ama rathahrat vâng atlosōt sik jo: “Nasâng hei kha na’nrepui he’n sâk nôk mak jo hei ning, Khana ramlak mihe’n naju kha in nôk mak jo hei ning.

ISAIAH 9:13

Israel mipuihei kha la’nsir mak hei; Chunghnung Rōngpu’n karâkna apek hei katlunga, ahnengting he’nle dekmak hei.

JEREMIAH 3:24

Tâk-kha inzakpui ka-om pathen Baal kamukna khan tenlaia inphut a kanpu kanpahei ṭōn leitlona hei seng ti chu–kankemōng, kankerup, kansanu kansapahei inhmangna amannei jo ung.

JEREMIAH 5:3

Rōngpu’n taksenthei kachang kha ajong kae. Ama’n nangni avōk jo chei, tâk rangei dekmak chei; ama’n asukset chei, tâk inchu hnōmdek mak chei. Nanracham kase khana nansetna inphut hei inhe mak tin chei.

AMOS 4:6

“Nankhōpui rakip a vonṭâm heikachoi kha kei eng kae, achang inum nangni kahnenga hong inlemak chei.

HAGGAI 1:11

Raleia, ahmebung heia, sabi hleia, vomhrui thei rahōna, khana olive hleia, ralei in akeisō kara rakip, mihring leh ranhei, khana nangni’n mankek sik a nantlona rakip hei chunga, ke’n khō manchârna kaneia kae.”

HAGGAI 1:6

Nangni’n sâng hingja nanvor, tâk apâr ajingte rōk nankhôm. Sâk sik a bu nannei, tâk nanvon khopna sik katluk a neimak chei. In sik a vomhrui ju nannei, tâk inruina sik katlunga neimak chei! Pōn nannei, tâk nanlumna sik katluk a neimak chei. Khanna ṭōnkatlo he’n anhringna sik a hlotor mak hei.

HAGGAI 1:9

“Nangni’n sâng katamtak khôm sik a inhōr chei, tâk achikte rōk kachang rih. Inn-na nanhei rôn manhlut pha, ke’n kabeia kasem mantlen sōa kae. Heisa mo khavakha katlo? Ajârchu nangni inkhat et in nan-inn ṭōn tlona insaler et cheia kei bek-inn khachu insetsōa ka-om joa kae.

HAGGAI 2:16

nanhmuchi manbukna kilograme 200 akalōk sik a kase sik chei, tâk-kha 100 rōkte leika-om sik. Jubea inphut litre 100 kalōk sik a kase sik chei, tâk 40 rōk nanhmu sik.

MALACHI 3:11

Khaiphâr in nanhmuchi karahei manhmang pek mak tin, khana nanvomhrui kunghei thei katamtak inra sik hei.

DÂNRABU INHNINA 28:22

Hrise natna, khōihli leh hritlun vânga Rōngpu’n avōkna sik chei; nanhmuchi kasukset sik a khōchar leh thli kalum inhnak ahei tir sik. Hiva inrimna hi nanthi mak hma seng nanchunga ka-om sik.

ṬONGPHÔNG 2:21

A-omchen kadikmak a inphut amalung athlengna sik ke’n pha kapek, tâk amanu’n amalung thlenghnōm mak.