HAGGAI 2:12 - LEKHARABU INTHENG (BSI)

¹² Ti chu, tu mo inkhat in manthengsōt jo ran hme kha inthoina tōkna inphut apōn hmora akasûna achoi jo. Khana apōn khan buhlom, a’nsōngsa thlai, vomhrui ju, olive thai achangmak leh hei-hei sâk thei achanga amantôn inchu, khava pōn tônna khan khahei seng kha a’ntheng thlai amanchang sik hei mo?” Khava ṭong kha ander hei pha, thempu he’n anmasôna, “Changmak,” anti.

HAGGAI 2:12 ပူးပေါင်းရင်းမြစ်များ

SŌKSŌT 29:37

Hiva ṭōn hi ni 7 shunga ani katai tlo roh. Khan chu maichâm kha pui katluk a intheng sik jo. Khana heikhat in avatôn masuk inchu khavakha hiva inthengna hin asukset sik kae.

MI INTHEIPA 10:1

Thai marim katui likli inkhat hi mathōi kathi inkhat in amanthupet tor; khana mikamo ṭōntlo ajingte’n singna kalentak kha amanhmang tor.

EZEKIEL 44:19

Mipui omna, vâng intonga telaia anse mak hma anpōn leh der, Bek-inna ṭōn tlolai invonna hei kha hmapena anta’nlosōt sik kae khana innden intheng heia antadahlon sik kae. Anpōn intheng hei khan mipui manbōkna achang makna sik pōn hlop a’nvon sik hei kae.

LEVI-DÂN 6:27

Mi achanga neinâk heikhat in ran hme kha atôn inchu, khava inthengna rathahrat khan asukset sik kae. Khana pōn leh der a ranthi kha a’nno inchu, hmun inthenga khan sôp mantheng sik kae.

LEVI-DÂN 6:29

Lei choina hme kha thempu innshunga pase rakip in ansâk thei sik; hivahi a’nthengtak kae.

LEVI-DÂN 7:6

Thempu innshunga sapase rakip in ansâk thei sik, tâk hmun inthenga antasâk sik, ajârchu khavakha a’nthengtak kae.

MATTHEW 23:19

Heituk a hmitkacho chei mo! Neinâk intōk leh khava tōkna inthengsōt maichâm kha khomo akakhôk jôk?

DÂNRABU INHNINA 33:10

Nadân juina sik a namihei anmanthei sik hei; Nang maichâma inthoina antōk sik.