HAGGAI 1:8 - LEKHARABU INTHENG (BSI)

⁸ Tûn hmebung heia vake ruh, thingpum hei valo ruh, Bek-inn sak nôk jo ruh; kha a-enchu kei katlai sik eng khana kei hi kamuk hlam kasōk a nankamuk sik jo eng.

HAGGAI 1:8 ပူးပေါင်းရင်းမြစ်များ

RENGHEI INKHATNA 6:1

Israel he’n Egypt ram anhong dahlona kum 480 sōa, Israelhei chunga Solomon reng achang kum 4 tlukna shunga, thla 2 tlukna Mavi thla Solomon in Bek-inn sak aphut a kae.

RENGHEI INKHATNA 9:3

Rōngpu’n ahnenga ati, “Naderna kha kathei jo. Nang in nasaksōt Bek-inn hi ahei tik a kei kamukna sik a kaman thengsōt jo. Ke’n ahei tik a ka-ensui ṭhak sik khana kahrung ṭhak sik.

THUHMINGHEI INKHATNA 22:19

Tûnchu Rōngpu nan-Pathen kha nanmalung leh nanratha pumpuia razen ruh. Bek-inn sakna sik a intluk ruh, ashunga khan Rōngpu Intepna Bôm leh ama kamukna hmangchâk intheng ralak-hei kha nanda theina sik.”

THUHMINGHEI INHNINA 7:16

ajârchu hivahi ahei tik a kei kamukna sik hmun inkhat a ke’n kakadeisōt jo khana kaman thengsōt jo kae. Ke’n ahei tik a ka-ensui ṭhak sik khana kahrung ṭhak sik kae.

EZRA 3:7

Mipuihei khan hlung ṭōn leh thingṭōn katlohei sik a sêr anleipek hei khana tui-ôngpuia inphut Joppating heitôr sik Lebanona cedar thing leh thlengsōt sik a Tyre leh Sidon khōpuia sâk leh in, olive thai anleitir hei. Hiva rakip hi Parsia rengkalen Cyrus hnōm pekna thōia anleitlo.

EZRA 6:4

Abanghei kha hlung 3 athō dunga mansena chunga thingtlōn inkhat et khang nôk heia sak sik leikae. Sêr kahlut sik rakip reng karōi bukna inphut pek sik hei kae.

SŌKSŌT 29:43

Khava khan Israel mipuihei ka’nhmupui sik hei khana ka-omna vâr kadi khan ahmun kha amantheng sik kae.

ISAIAH 60:13

“Lebanon ratua thing kaṭhapen Hmeila thing, juniper thing, khana Cypress thing hei, Jerusalem, nang sak mantherna sik a anta heichoi sik kae, Kabek-inn syem manṭhatna sik a, Kakhōpui kalûrtak a syemsōtna sik a kae.

ISAIAH 60:7

Cedar leh Nebaioth ram a kemōng rakip Inthoina sik nahnenga anhongṭhōi sik hei. Khana Rōngpu tlaina sik a maichâma antōk sik hei. Rōngpu’n a-Bek-inn kha hma kanek a kalûra asyem sik.

ISAIAH 66:11

Nangni’n amanu nei leh haona kha nanta hōipui sik kae, naidông anu netui ka-in kapōa.

HAGGAI 1:7

Hivahei hi heijâra mo akasōk hmutor mak chei mo?

HAGGAI 2:7

Jât rakip kahlon mathla sik hei, ankarōi seng hivahin heichoi sik kae, khana Bek-inn kha karōi in kasip sik jo.

HAGGAI 2:9

Bek-inn ther kha amarō kanek a akalûrchet sik kae, khana khan kamihei kha khangsōtna leh mōngna kapek sik hei.” Akahratpen Rōngpu’n ahri jo.