HAGGAI 1:14 - LEKHARABU INTHENG (BSI)

¹⁴ Bek-inn sakna sik a Rōngpu’n mi rakip amathok jo hei: Judah vaikarôn Zerubbabel; Thempu Kalen Joshua, khana rehring sura inphut ahong inle hei rakip. Anmani khan an-Pathen Chunghnung Rōngpu Bek-inn sakna ṭōn kha anmanphut jo,

HAGGAI 1:14 ပူးပေါင်းရင်းမြစ်များ

THUHMINGHEI INKHATNA 5:26

Khava jâra Pathen in Rengkalen Pul kha (Tiglath Pileser ti’m inhret) anrama re amantloa kae. Ama’n Reuben, Gad, khana Nisō Manasseh-hei amanṭhōisōt heia Hala, Habor khana Hara khana Gozen Tuidung panga kumsôt a aman om jo hei.

THUHMINGHEI INHNINA 36:22

Persiahei reng Cyrus khan rengkalen achangna kum hma inkeia khan, Rōngpu’n sânkathem Jeremiah hneng ṭong aleimanphông kha hui amathlung jo. Hiva athōia ṭongpek-hei hi Cyrus khan amasōna sik khana mazetsōt a arengram shung rakip a teisōtna sik a tirna sik aleikahnot jo:

EZRA 1:1

Persiahei reng Cyrus in vai arôn kum hmakakeia Pathen in Jeremiah hneng aleiphôngsōt ṭong kha kadiktak a asōkna sik. Cyrus in athōia ṭongpekhei hi amasōa khana lekha vânga atira aram shung hmun rakip a inphôngtak a anteisōtna sik Pathen in akanot jo.

EZRA 1:5

Khava sōa Judah leh Benjamin phunga alu kachang hlamkakei, thempu leh Levihei khana Pathen in malung mathokna apek hei kha akase sik a leh Jerusalema Rōngpu Bek-inn sakna sik a intluk jo hei.

EZRA 5:2

Shealtiel sapa Zerubbabel leh Jehozadak sapa Joshua he’n anṭong kha anthei pha, Jerusalema Bek-inn kha sak anphut nôk jo, sânkathem 2 he’n an-inthōpui hei.

EZRA 5:8

“Reng Kalûr in namanhret sik kae khachu keini Judah ramṭhen shunga vakase jo ung Pathen kalen Bek-inn hlung kalen tatak vânga antasak leh abang heia thingtlōn antakhang hei kha kanvahmu jo. Ṭōn hi kasing tak a leh injentak a antloa kae.

NEHEMIAH 4:6

Khava jâra keini bâng kha khang’khan kansak ther a kae, khana inrangtak a a’nshâng kha aṭim ahei phak jo, ajârchu mipuihei kha pôn kathōtak a inṭang heia kae.

HLAHEI 110:3

Na’nrepuihei leh nan-intuk ning khan, namihei ratha kahroktak a inṭang sik hei. Jîngkâr hmatak a radaitui kapōa naretherhei kha nahnenga, natlâng inthenga khan kahong sik hei.

HAGGAI 1:1

Persia rengkalen Darius vairônna kum 2 tlukna shunga thla 6 tlukna kani hmakakei ning, Rōngpu’n Haggai sânkathem kha ahmanga ṭong ajōng hri. Aṭong khachu Judah ram vaikarônpa, Shealtiel sapa Zerubbabel leh Thempu Kalen, Jehozadak sapa Joshua sik a kae.

HAGGAI 1:12

Khana Babylona rehring sura anlei oma inphut ahong inle jo mihei khana Zerubbabel leh Joshua khan Rōngpu an-Pathen in tlo sik a ahrina kha antlo joa kae. Anmani kha ṭitna aneia Rōngpu sânkathem Haggai ṭong kha anjuia kae.

HAGGAI 1:15

Persia rengkalen Darius vairôn kum 2 tlukna shunga thla 6 tlukna ni 24 ning khan ṭōn kha anphut joa kae.

HAGGAI 2:2

Ama’n Haggai kha Judah vaikarôn Zerubbabel, Thempu Kalen Joshua khana mipuihei hnenga avahri sik kha amanthei jo,

HAGGAI 2:21

Judah ram vaikarôn Zerubbabel sik a kae: “Kei hi marvân leh ralei kanok sik a ka-om jo eng,

CORINTHIANHEI INKHATNA 15:58

Khava jâra kasōpui marit hei, inhlinglo jena kahnet a ngir ruh. Rōngpu razenna nanṭōn tlo kha môk a inhmang mak ning ti namanhret jo jâra, Rōngpu jâra nanṭōn tlona kha insaler ṭhak ruh.

CORINTHIANHEI INHNINA 8:16

Keini kapōa Titus inum nangni bômna sik aratha ahrok jâra Pathen kha heituk a kantamanpâk jo mo!