EZRA 7:6 - LEKHARABU INTHENG (BSI)

^6-7 Ezra kha Israel Pathen Rōngpu’n Moses hnenga aleipek Dân ṭong kaṭha nenga inhret inkhat kae. Ajârchu Ezra’n Rōngpu apathen vângpek aleichena ama tader rakip rengkalen khan aleipek a kae. Artaxerxes vairônna kum 7 tlukna, Ezra khan thempuhei, Levihei, bek-inn hlakasak hei, bek-inn kahrunghei khana ṭōn katlohei inveina Israel rup khat leh inṭhōia Babylona inphut Jerusalema heikasōk jo hei.

EZRA 7:6 ပူးပေါင်းရင်းမြစ်များ

A’NPHUTNA 32:28

Pase khan, “Narahming Jacob inti mak jo ning. Israel inti sik jo, ajârchu nang in mihring leh Pathen na’nrepui jo hei, khana nang in nator jo hei; khava jâra narahming hi Israel a’nti sik jo kae,” ati.

EZRA 5:5

Tâk-kha Pathen in Jehudi hlamkakeihei chunga aleihrung ṭhak hei khana Persian ṭōnkarônhei khan Darius rengpa hnenga lekha mazetna, aṭong masônna kha anthei mak leh kârseng anchunga heite tlomak sik tia anmandon jo.

EZRA 6:22

Che philo Buhlom Revei kha ni 7 anleitlo. Rōngpu’n Assyria rengkalen kha anchunga lungsetna amannei heia, ama’n Israel Pathen Bek-inn sak nôkna a’nthōpui hei jâra anmani inpâk hêr heia kae.

EZRA 7:21

“Marvân Pathen thempu leh Dân kathem Ezra ngekna rakip kha anpekbâtna sik a tlaitlâk Euphrates ramkeia sêr leh sum katinta rakip hei hneng ke’n ṭong pekna kanei jo hei,

EZRA 7:28

Pathen lungset a ke’n rengkalen leh ama mansena kaneihei khana ama ratha kaneia ṭōnkarôn rakip hei lum lona kha kachen jo; Rōngpu ka-Pathen in hmesōna apek eng, khana ke’n Israel phungṭhen alu kachang hlamkakei katamtak hei kha kei leh inlesapna sik a kajôr manhnōm tor hei.”

EZRA 7:5

Bukki pa Abishua, Abishua pa Phinehas, Phinehas pa Eleazar, Eleazar pa Aaron, hiseng hi kae.

EZRA 8:1

Rengkalen Artaxerxes vairônlai Babylona rehring sura inphut Ezra leh Jerusalema ajōng inle phungṭhen alu kachang hlamkakeihei man-gôrna kha hi kae:

EZRA 8:18

Pathen maritna jâra anmani’n ṭōn tloje inhret pase inkhat, Mahli phungṭhena Levi mi Sherebiah intipa kha asapa 18 leh a-u anaihei leh kahongsap hei.

EZRA 8:22

Rengkalen hnenga kanhlam hrona kankadōi heia inphut kankahrung sik ashakor remi der sik kha le’nzak eng, ajârchu ke’n ahnenga kaleihri pek khachu kan-Pathen in ama kataksen rakip chunga mahâmṭhat apek hei, khana ama inphut a’nhesōt hei chunga amalung tlaimak a karâkna apek hei kalei ti.

EZRA 8:31

Khavakha Jerusalem sorna sik a Ahava Tuidung kantadahlon kha thla hmakakeia kani 12 tluk ninga kae. Kan-Pathen in kanhlam hrona athlop unga kan ka-en kadahei buhluna leh resōna inphut ahrung ung.

NEHEMIAH 12:26

Hiva mihei hi Jehozadak tupa khana Joshua sapa Joiakim leh ram vaikarônpa Nehemiah leh Dân inhret Ezra thempuhei pha shunga leika-om hei.

NEHEMIAH 12:36

Aphungṭhen shunga mi ralak he’n akahnung anleijui–Shemaiah, Azarel, Milalai, Gilalai, Maai, Nethanel, Judah, leh Hanani hiseng. Pathen mi, Reng David in aleihmang hlasakna hmangchâk-hei kha anmani seng in anleichoi. Hiva mipui injôkna hi lekha kathem Ezra khan aleiching hei.

NEHEMIAH 2:12

Jerusalem sik a Pathen in amantlo hnōm eng kha tûte hneng manthei mak hei eng. Khava sōa jânṭima kathōi enga kasōksōt eng, kei inthōpui ṭhahrep leh leikase ung. Keini’n kanta leiṭhōi ran inkhat rōk khachu shakōrtung kalei chōng kha kae.

NEHEMIAH 2:18

Pathen in heikhong mo aleiompui eng, aleibôm eng, khana rengkalen in kahnenga heimo aleihri kha ke’n anhnenga kalei hrisōt jo. Anmani’n anleimasôn eng, “Sak mantherna kha phut jo rih!” Khana anmani kha ṭōn phutna sik a inrin jo hei.

NEHEMIAH 2:8

Reng ratu kahrungpa Asaph hnenga Bek-inn hrungna kekot sik leh khōpui bang sik a khana kei omna inn sakna sik a thingtlōnhei apekna sik eng, chithi inkhat kadersa a kae. Ke’n kader rakip hei kha rengkalen khan aleipek eng, ajârchu Pathen in kei ale’nthōpui enga kae.

NEHEMIAH 4:15

Inrepui he’n marûk a anmantlukna kha keini’n kanmanhret jo ti kha anthei jo, khana Pathen in anṭōn mantluk kha ator jo tia inhret jo hei. Khava sōa keini kankhenga bang saktherna sik inle nôk jo ung.

NEHEMIAH 8:1

Thla 7 tlukna khan Israelhei kha ankhōpui et a khō anleisât jo. Khava thla ahma inkeipen kani ning anmani Jerusalema, Tui Kekot telaia anmani le’ntûp hei. Anmani’n Ezra thempu leh lekha kathemhei hnenga, Israelhei sik a Rōngpu’n Moses hnenga aleipek Dânrabu kha avalôna sik a anleider.

NEHEMIAH 8:13

Abâna kani ning khan phungṭhen hlamkakeihei khan thempuhei Levihei leh inṭhōia Dân inthemchûk sik a Ezra hneng leikase hei.

NEHEMIAH 8:4

Khava rōi sik a anta leisyem thing dokhâng chunga Ezra kha kangir. Athōia mihei hi ama changting kangir hei: Mattithiah, Shema, Anaiah, Uriah, Hilkiah khana Maaseiah hei seng; khana athōia hei hi aveiting kangir hei: Pedaiah, Mishael, Malchijah, Hashum, Hashbaddanah, Zechariah khana Meshullam hei seng.

NEHEMIAH 8:9

Dân khan heimo arangei ti kha anmani’n anthei pha, anmalung atôn joa ṭap anleiphut jo. Khava jâra ram vaikarônpa Nehemiah, thempu leh Dân kathem Ezra, Dân kahri inchên Levihei hin mipuihei anmanthei jo hei, “Hiva kani hi Rōngpu nan-Pathen sik a a’ntheng kae, khava jâra nangni ṭajaisui leh ṭapna nantanei mak sik kae.

NEHEMIAH 9:13

Marvâna inphut Sinai Tlânga jōng kaṭum che; namihei hneng ṭong naleihri khana dân kaṭhahei leh ṭongpek kaṭhahei naleipek hei.

HLAHEI 109:27

Kei kahuksōtpa che kae ti kha, ka’nrepui he’n manhret hei che rasoh!

HLAHEI 147:19

Ama’n amihei hneng ṭong apek hei, Israel hneng mansena leh dân apek hei.

HLAHEI 45:1

Rengpa sik a hla kanphōna hin ṭong kahōi khan kamalung hongkasip. Lekha inzet kathempa kolôm kapōa, kamalei hi jai-ôi katei sik a intlukdek jo.

HLAHEI 80:18

Nanga inphut inhe nôk hêrmak jo ni’ung; kahringa ada roh, nang kanchoi ka-ân sik che.

ṬONGCHÎK-HEI 3:6

Natlona rakip chunga Rōngpu kha mandonsōt roh, khana ama’n hlam kadik kha amanhmu sik che.

ISAIAH 50:2

“Heisa mo kami he’n anta leihnōm mak, ankahuk sik a anhnenga kaselai? Heisik a mo kabeklai hei anta leimasôn mak eng? Anmani huksōtna sik a karatha akatlasam hêr eng mo? Ṭongpek inkhat a tuipui kamanchâr tor, khana tui om mak jâra ashunga ka-om ngahei kha anthina sik a, tuidung kha nêrdiram kamanchang tor.

ISAIAH 59:1

Rōngpu kha nangni hukna sik a akatlasam hêr kae tia lomak ruh a-emak leh inṭangpuina sik nanbekna akatheimak sik a akōr kaset hêr tia mandon mak ruh!

JEREMIAH 8:8

Heikhonga mo akasing ung khana kadânhei kanmanhret nantati thei sik? Enruh, malung intheng mak lekha inzet he’n, kadânhei kha anthleng jo hei.

MATTHEW 13:52

Khava jâra amasôn hei, “Hiva tina hichu marvân Rengram a sonle inkhat kachang Dân Oja rakip hei khachu, akarōi manbukna inphut neinâk marō leh neinâk ther aheikakeisōt inn kapu kapō kha kae.”

MATTHEW 23:2

“Dân ojahei leh Phariseehei Moses Dân kha a’nlesōt sik a manṭhat hei kae.

MATTHEW 28:20

khana kaṭong pek chei rakip hi anjuina sik manthei hei ruh. Khana pha a’nchaina katlunga ahei tik a ke’n ka’nṭhōipui ṭhak sik chei.”

CORINTHIANHEI INKHATNA 1:20

Chu achang inchu akasinghei, akathemhei, hiva raleichunga mi makhena kathemhei kha khon mo adahlon jo hei? Pathen in hiva raleichung singna hi akamo amanchang jo!

CORINTHIANHEI INKHATNA 15:1

Sōpuihei, nangni taksena ngir inhnetna, nanta rahlâng jo, Ṭong kaṭha nanhnenga kaleihri kha nantamandonsōt sik kamadu.

DÂNRABU INHNINA 28:1

“Tuning kapek chei ṭongpek rakip taksentak a nannit a Rōngpu nan-Pathen ṭong nanjui inchu, raleichunga jât alak-hei kanek a amanlenchet sik chei.

DÂNRABU INHNINA 4:5

“Rōngpu ka-Pathen in tlosōt sik a ahri pek eng dân rakip kha kamanthei jo chei. Nangni’n re nanvatloa nanta hlō sik ram a khan hihei hi jui ruh.