EZRA 7:12 - LEKHARABU INTHENG (BSI)

¹² “Rengkalen Artaxerxes inphut Marvân Pathen Dân kathem, thempu Ezra hnenga.

EZRA 7:12 ပူးပေါင်းရင်းမြစ်များ

RENGHEI INKHATNA 20:1

Syria Reng Benhadad in aremi rup rakip amantûp hei, reng 32 he’n anshakor leh anshakor gârihei vânga anbôm, ama kha injôk a Samaria akake khum jo, khana abuhlu jo.

RENGHEI INKHATNA 4:24

Solomon in Euphrates Tuidung tlaitlâk a ram, Euphrates a Tiphsa inphut Gaza khōpui katlung. Euphrates tlaitlâk tinga ka-om reng rakip ama thōia ka-om hei, khana ama leh aram inhnaipui rakip kâra inchamna leikalenga kae.

EZRA 1:2

“Hivahi Persia Rengkalen Cyrus ṭongpek kae. Marvân Rōngpu Pathen in raleichung pumpuia vaikarôn amanṭang jo eng khana Judah ram Jerusalema ama sik bek-inn kasak sik a ama’n anganse jo eng.

EZRA 4:17

Rengkalen in hiva masônna hi aleimanrôn hei: “Ramṭhen shunga Ram vaikarônpa, Rehum leh lekha inzetpa, Shimshai khana Samaria leh Euphrates tlaitlâk tinga aka-om anloihei seng hnenga chibei kahei pek chei.

EZRA 7:1

Kum katamtak sōa, Artaxerxes in Persia reng achanglai, Ezra inti mi inkhat leika-om. Ama’n apusōn Thempu Kalen Aaron katlunga ankung thuhming ajongsōt, hinga kae: Ezra pa Seraiah, Seraiah pa Azariah, Azariah pa Hilkiah,

EZRA 7:11

Israelhei hnenga Pathen in aleipek ṭongpek leh dân rakip kaṭha nenga inhret jo lekha kathem leh thempu, Ezra hnenga Artaxerxes khan hiva lekha hi ahei pek:

EZRA 7:6

Ezra kha Israel Pathen Rōngpu’n Moses hnenga aleipek Dân ṭong kaṭha nenga inhret inkhat kae. Ajârchu Ezra’n Rōngpu apathen vângpek aleichena ama tader rakip rengkalen khan aleipek a kae. Artaxerxes vairônna kum 7 tlukna, Ezra khan thempuhei, Levihei, bek-inn hlakasak hei, bek-inn kahrunghei khana ṭōn katlohei inveina Israel rup khat leh inṭhōia Babylona inphut Jerusalema heikasōk jo hei.

ISAIAH 10:8

Ama inlensak a ahri, “Kei rehlam kakei inkhat et hei hi renghei kae!

EZEKIEL 26:7

Chunghnung Rōngpu’n ahri, “Tyre kabuhlu sik a reng rakip a akalenpen Babylon Reng Nebuchadnezzar kha kaheiṭhōi sik. Ama’n sak tinga inphut remi katamtak leh, shakor leh shakor gâri khana shakor remihei leh kahong sik.

DANIEL 2:37

Reng Kalûr, nang hi reng rakip kâra akalenpen che kae. Marvân Pathen in reng kalenpen inkhat a asyem che khana ratha, tlotorna leh kajana apek che.

DANIEL 2:47

Rengpa’n ahri, “Nang Pathen kha pathenhei kâra akalenpen kae, renghei kâra Rōngpu kae khana a’n-ip kahrisōt kha kae. Nang in a’n-ip hi nahrisōt tor jâra ke’n kamanhret jo.”

TIMOTHY INKHATNA 6:15

Rōngpuhei Rōngpu, Renghei Reng, mahâm kaṭha leh vaikarôn inkhat rōk, ama jōng inlâr sik kha Pathen in aphahrep a ajōng tlosōt sik a kae.

ṬONGPHÔNG 17:14

Anmani’n Kemōngte kadōia re antlo sik; tâk Kemōngte leh abeksōt hei, akadei hei leh akataksena akajui he’n antor sik hei, ajârchu ama hi renghei Reng leh rōngpuhei Rōngpu kha kae.”

ṬONGPHÔNG 19:16

Apōn chunga leh arakō chunga: “renghei Reng leh rōngpuhei Rōngpu,” inti rahming inzet a kae.