EZRA 4:4 - LEKHARABU INTHENG (BSI)

⁴ Khana ram shunga aka-om he’n ansak makna sik a Jehudihei kha maṭhitna leh malung mathlâkna antlo pek hei.

EZRA 4:4 ပူးပေါင်းရင်းမြစ်များ

SAMUEL INHNINA 4:1

Saul sapa Ishbosheth in Abner kha anthat jo ti athei pha ama kaṭi jo, khana Israel mi pumpui inrim jo hei.

EZRA 3:3

Rehring sura ahong inle mihe’n khava ram a aleika-om mihei kha anṭit he’num, maichâm kha hma aleiomna hmun a ansak nôk a kae. Khava sōa anmani’n jîngkâr khōhlei ro-inthôi tōkna kha avea anphut nôk a kae.

EZRA 4:5

Anmani’n Persia vaikarôn leh ṭōnpui karônhei kha anmani dōina ṭōn tlona sik a sêr marûk a anpek hei. Khang’khan Cyrus leh Darius vairôn shung senga hivahi anleitlo ṭhak a kae.

NEHEMIAH 4:11

Kan-inrepuihei khan kanchunga anbuhlu unga, anthat unga, kanṭōntlo hi anmanbâng mak ung kârseng anmani mantlukna kha kantahmu mak sik leh omchen kasōk kha kanta manhret mak sik a anmandon.

NEHEMIAH 4:2

Aloihei leh Samaria remihei hmaikunga ama’n ahri, “Hiva Jehudi mi inrenghei tatlo hi heimo kae? Anmani’n khōpui kha sakmanther sik tia antamandon mo? Anmani’n inthoina annei leh ṭōn kha ni khat a a’nchai torbât sik tia antamandon mo? Anmani’n hlung kakâng a’nbuk hei khana inphut insakna hlunghei antasyemtor sik mo?”

NEHEMIAH 6:9

Ṭōn manbângna sik a anmani’n maṭhitna anleinei eng. Ke’n kader, “Tâk-kha tûnchu, Pathen, amanhrat jo roh.”

JEREMIAH 38:4

Khava pha ṭōnkarôn he’n rengpa hneng kase heia anhri, “Hiva mipa hi that nger sik kae. Ama’n hinga ahri jâra khōpuia remihei malung ngarsōna kha amanhmang jo, khana khōpuia aka-om mi rakip um malung tlâksamna amannei jo heia kae. Ama’n mipui inthōpui hei rong chu timak a, anmalung mantônna sik rōk kha amadua kae.”

DANIEL 10:13

Persia rengram kahngâk ngeva rengsa khan kani 21 aleikhâm eng. Khava sōa ngevahei lukaching Michael kha kei inthōpui sik a kajōng, ajârchu Persia ram shunga kabing rōk a andahlon jo enga kae.

DANIEL 10:20

Ama’n ati, “Heijâra mo nahnenga akajōng eng namanhret mo? Akadik Lekharabua a’nzet kha nahnenga phôngsōtna sik a kae. Tûn kei inle nôk sik eng, Persia ram kahngâk ngeva kha kava’nrepui sik. Khava sō leh, Greek ram kahngâk ngeva hong inlâr sik. Israel kahngâk ngeva, Michael, tei loa tûte ka’nthōpui sik om mak a kae.”